{
 "canonical_id": "sf-19991222-1379",
 "canonical_url": "https://lovspor.no/forskrift/brukthandelforskrifta/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "0c0626e1b8b6d3b8a044957c3df08f0d144dc8e2e264c51108c29ea356b2f0d4",
  "retrieved_at": "2026-09-09T08:55:12.118049+00:00",
  "source_revision": "d94615d5eb9856f81fe8dd0d8f5cf16c8975d5bd",
  "xml_hash": "0b6f968f7c44a8324d9ab73b7371d0a0ce5e1ddc3a6e5739dbe4d35d436fc8f8"
 },
 "ref_id": "forskrift/1999-12-22-1379",
 "schema_version": "1",
 "slug": "brukthandelforskrifta",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2000-01-01",
  "last_change_in_force": "2024-07-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om handelsverksemd med brukte eller kasserte ting mv.\n\n## Kapittel 1. Verkeområdet mv.\n\n### § 1\n\nForskrifta gjeld for handel i næring med brukte og kasserte\n\n1. varer av edelt metall,\n2. edelsteinar og perler,\n3. kulturgjenstandar,\n4. kunstverk, samleobjekt og antikvitetar,\n5. motorvogner og tilhengjarar til motorvogner.\n\nForskrifta gjeld òg for utanlandske foretak som driv handel i Noreg når dei driv handel i næring etter [§ 1 i brukthandellova](lov/1999-12-22-105/§1).\n\nNemninga handel omfattar sal, medrekna auksjonsverksemd, og oppkjøp med sikte på sal av brukte eller kasserte ting, både enkeltgjenstandar og vareparti. Nemninga handel omfattar òg formidling av slik verksemd, jf. [brukthandellova § 1](lov/1999-12-22-105/§1) annet ledd.\n\nNemninga handlande omfattar alle som har løyve etter [kapittel 2](forskrift/1999-12-22-1379/kap2) i forskrifta eller som driv handel på vegner av løyveinnehavaren.\n\n> Endra ved [forskrift 5 juni 2024 nr. 1000](forskrift/2024-06-05-1000) (i kraft 1 juli 2024).\n\n### § 1a\n\nI [brukthandellova](lov/1999-12-22-105) og i denne forskrift blir forstått med:\n\n1. *varer av edelt metall:* varer som definert i [forskrift 10. januar 2011 nr. 12 om varer av edelt metall mv. § 1](forskrift/2011-01-10-12/§1).\n2. *edelsteinar og perler:* verdifulle mineral og organiske materialar som brukast i smykkar og liknande eller egner seg for slik bruk på grunn av sin sjeldanheit, vakre utsjåande eller andre ettertrakta eigenskapar. I vurderinga av om ein gjenstand skal reknast som ein edelstein eller perle etter lova, må det i tvilstilfelle leggjast særleg vekt på gjenstandens verdi.\n3. *kulturgjenstandar:* gjenstandar som definert i [forskrift 1. januar 2007 nr. 1 om utførsel og innførsel av kulturgjenstander § 2](forskrift/2007-01-01-1/§2). Omgrepet omfattar likevel ikkje fast eigedom.\n4. *kunstverk:* varer som definert i [merverdiavgiftsforskriften § 1-3-2](forskrift/2009-12-15-1540/§1-3-2).\n5. *samleobjekt:* varer som definert [merverdiavgiftsforskriften § 1-3-3](forskrift/2009-12-15-1540/§1-3-3).\n6. *antikvitetar:* varer som definert i [merverdiavgiftsforskriften § 1-3-4](forskrift/2009-12-15-1540/§1-3-4).\n7. *motorvogner:* motorvogner som definert [vegtrafikkloven § 2 andre](lov/1965-06-18-4/§2/ledd/2) og [tredje ledd](lov/1965-06-18-4/§2/ledd/3).\n8. *tilhengjarar til motorvogner:* tilhengjarar som definert i\n\n   - [forskrift 25. januar 1990 nr 91 om krav til kjøretøy § 1-1 nr. 1 bokstav I](forskrift/1990-01-25-91/§1-1/nummer/1/bokstav/I),\n   - [forskrift 4. oktober 1994 nr 918 om tekniske krav og godkjenning av kjøretøy deler og utstyr § 2-5 nr. 5](forskrift/1994-10-04-918/§2-5/nummer/5),\n   - [forskrift 28. juni 2022 nr. 1233 om godkjenning av bil og tilhenger til bil (bilforskriften) § 1-5](forskrift/2022-06-28-1233/§1-5) og\n   - [forskrift 1. juni 2016 nr. 561 om godkjenning av traktor og tilhenger til traktor § 4](forskrift/2016-06-01-561/§4).\n\n> Tilføyd ved [forskrift 5 juni 2024 nr. 1000](forskrift/2024-06-05-1000) (i kraft 1 juli 2024).\n\n### § 2\n\nForskrifta gjeld tilsvarande for den som til bruk i eiga verksemd kjøper eller byter til seg brukte platina-, gull-, og sølvvarer, edelsteinar, perler og smykker.\n\nForskrifta gjeld tilsvarande for ting den handlande tek imot ved innløysing av pantelånsetlar.\n\n## Kapittel 2. Løyve\n\n### § 3\n\nSøknad om løyve etter [brukthandellova](lov/1999-12-22-105) i eitt politidistrikt skal sendast til og avgjerast av vedkomande politimeister. Skal det drivast handel i fleire politidistrikt, skal søknaden sendast til den politimeisteren der verksemda har sitt hovudkontor. Dei berørte politimeistrane skal uttale seg før løyve vert gitt. Politiet skal alltid sende kopi av brukthandelløyvet til den/dei aktuelle kommunane.\n\nVed behandlinga av søknaden kan det leggjast vekt på tidlegare domfellingar eller bøteleggingar når dei kan gi grunn til å frykte for misbruk av løyvet. Domfelling eller bøtelegging for ran, tjuveri, heleri e.l. dei siste to åra, vil under alle omstende føre til avslag på søknad om løyve. Politiet vil kunne gi ei førehandsvurdering av vandelen til søkjaren.\n\nSkal ein annan enn løyveinnehavaren stå for handelen, må også han ha løyve frå politiet.\n\nEr søkjaren ein juridisk person, skal løyve gjevast til foretaket ved ein namngjeven person i leiinga. Politiet skal godkjenne denne personen.\n\nIngen kan starte handel før han har løyve.\n\n> Endra ved [forskrifter 20 nov 2006 nr. 1269](forskrift/2006-11-20-1269) (i kraft 1 jan 2007), [22 des 2009 nr. 1813](forskrift/2009-12-22-1813) (i kraft 28 des 2009).\n\n### § 3a. Saksbehandlingsreglar til utfylling av tenestelova\n\nFor søknad om løyve etter [brukthandellova § 2](lov/1999-12-22-105/§2), jf. [§ 3](lov/1999-12-22-105/§3) i brukthandelsforskrifta skal saksbehandlingsfristen, som nemnt i [tenestelova § 11](lov/2009-06-19-103/§11) første ledd første punktum, være åtte veker.\n\n[Tenestelova § 11](lov/2009-06-19-103/§11) andre ledd om at løyve vert rekna for gitt når saksbehandlingsfristen er gått ut, gjeld ikkje for søknad om løyve til å drive brukthandelsverksemd.\n\n> Tilføyd ved [forskrift 22 des 2009 nr. 1813](forskrift/2009-12-22-1813) (i kraft 28 des 2009).\n\n### § 4\n\nSøknad om løyve skal skrivast på eit eige skjema som ein får hjå politiet.\n\n> Endra ved [forskrift 20 nov 2006 nr. 1269](forskrift/2006-11-20-1269) (i kraft 1 jan 2007).\n\n### § 5\n\nVedtak om å nekte eller trekkje attende løyve etter [brukthandellova § 2](lov/1999-12-22-105/§2) andre ledd, kan klagast inn for Politidirektoratet.\n\n> Endra ved [forskrift 24 sep 2001 nr. 1205](forskrift/2001-09-24-1205) (i kraft 1 nov 2001).\n\n### § 6\n\nEit løyve skal minst ha opplysningar om:\n\n- Løyveinnehavaren sitt namn og privatadresse. Dersom det er ein juridisk person: namn og privatadresse for person som nemnt i [§ 3](forskrift/1999-12-22-1379/§3) tredje ledd.\n- Namn og privatadresse på den som skal stå føre handelen når dette er ein annan enn løyveinnehavaren.\n- Adressa til alle forretnings- og oppbevaringsstader, jf. [kapittel 3](forskrift/1999-12-22-1379/kap3).\n- Dei hovudgrupper av ting løyvet gjeld for.\n- Politidistriktet løyvet gjeld for.\n\nEit løyve kan vere tidsavgrensa dersom politiet finn det formålstenleg.\n\n### § 7\n\nEndringar i opplysningar som tidlegare er meldt til politiet, f.eks. endringar i leiinga i eit føretak, skal meldast til politiet utan ugrunna opphald.\n\n> Endra ved [forskrift 20 nov 2006 nr. 1269](forskrift/2006-11-20-1269) (i kraft 1 jan 2007).\n\n## Kapittel 3. Forretningstad mv.\n\n### § 8\n\nHandelen må berre drivast frå stader eller rom som er godkjende av politiet. Tilsvarande gjeld for oppbevaringsstader og liknande. [§ 3](forskrift/1999-12-22-1379/§3) første ledd og [§ 5](forskrift/1999-12-22-1379/§5) gjeld tilsvarande.\n\nLøyve frå politiet til handel på stader eller rom etter første ledd fritek ikkje løyveinnehavaren frå å innhente nødvendige løyve eller liknande frå andre styresmakter.\n\n## Kapittel 4. Handel mv.\n\n### § 9\n\nDen handlande skal til ei kvar tid utvise størst mogleg aktsemd.\n\nSeljarar skal på ein tilfredstillande måte godtgjere identiteten sin, jf. [§ 10](forskrift/1999-12-22-1379/§10) tredje ledd bokstav d.\n\nDen handlande må ikkje ta imot ting frå personar under 18 år.\n\n> Endra ved [forskrift 20 nov 2006 nr. 1269](forskrift/2006-11-20-1269) (i kraft 1 jan 2007).\n\n### § 10\n\nDen handlande skal føre protokoll godkjent av politiet, over alle mottekne ting. Dette gjeld anten tingen er motteken mot vederlag eller ikkje.\n\nProtokollen skal førast kronologisk og skal til ei kvar tid vere à jour. Mottekne ting skal straks påførast eit nummer, med tilsvarande nummer i protokollen.\n\nI protokollen skal det vere særskilde rubrikkar for\n\n1. nummer på tingen\n2. dato for når tid tingen er motteken\n3. tydeleg merking og forklaring av tingen (medrekna eventuelt identifikasjonsnummer), og kor mange, storleik, mengd og vekt\n4. namn og adresse til den personen tingen er motteken frå, og rubrikk for å føre inn kva for legitimasjon som er framvist og merknad om at denne er funnen i orden, jf. [§ 9](forskrift/1999-12-22-1379/§9) andre ledd.\n\nPolitiet kan gjere unntak frå føresegnene i første, andre og tredje ledd.\n\nPolitiet kan vidare påleggje bestemte handlande, blant anna handlande som driv handel med visse typar av ting, å ta inn i protokollen opplysningar også om salet (dato, kjøparen sitt namn og adresse, innkjøpspris, omkostningar ved utbetring og salspris, og at kjøpars legitimasjon er lagt fram og funnen i orden).\n\n> Endra ved [forskrift 20 nov 2006 nr. 1269](forskrift/2006-11-20-1269) (i kraft 1 jan 2007).\n\n### § 11\n\nTing som handelen omfattar må ikkje oppbevarast utanfor stader nemnt i [§ 8](forskrift/1999-12-22-1379/§8) første ledd. Dei må heller ikkje øydeleggjast, omarbeidast eller seljast før det har gått 14 dagar etter mottak.\n\nFørste ledd gjeld ikkje dersom tingen vert overdratt til ein annan handlande som har løyve etter [§ 3](forskrift/1999-12-22-1379/§3), men reglane vil då gjelde for denne.\n\nPolitiet kan gjere unntak frå krava i første ledd.\n\n### § 12\n\n[§§ 10](forskrift/1999-12-22-1379/§10) – [11](forskrift/1999-12-22-1379/§11) gjeld ikkje:\n\n1. handel med motorvogner som er registreringspliktige etter [lov 18. juni 1965 nr. 4 (vegtrafikklova) § 15](lov/1965-06-18-4/§15)\n2. mottak, kjøp og sal av gjenstandar meint for industriell destruksjon og/eller gjenvinning med unnatak av edle metall, bl.a. platina, sølv og gull.\n\n> Endra ved [forskrift 20 nov 2006 nr. 1269](forskrift/2006-11-20-1269) (i kraft 1 jan 2007).\n\n### § 13\n\nProtokollen skal oppbevarast i ti år frå det tidspunkt opplysningane om tingen vart ført inn.\n\n## Kapittel 5. Kontroll mv.\n\n### § 14\n\nPolitiet fører tilsyn med at føresegnene i forskrifta vert haldne.\n\nPolitiet kan til ei kvar tid kontrollere forretnings- og oppbevaringsstaden. Dette gjeld òg kontor, bakrom eller liknande som ligg i tilknyting til forretnings- og oppbevaringsstaden.\n\nHandlande pliktar etter oppmoding å vise politiet protokollen og dei tinga som han rår over på stader som nemnt i andre ledd.\n\n### § 15\n\nDersom ein handlande får mistanke om at den som tilbyr ting for sal har fått tingen i hende ulovleg eller av andre grunnar ikkje har rett til å avhende denne, skal han straks melde frå til politiet.\n\n### § 16\n\nPolitiet kan, når dei finn det formålstenleg, bestemme at ein handlande skal melde frå når han tek imot visse typar av ting, for eksempel ved å påleggje dei å sende inn oversiktslister eller liknande. Arrangørar av antikk- og samlarmesser, bruktmarknader og liknande plikter å sende liste over påmelde deltakarar til politiet samtidig med melding eller søknad om arrangementet etter [politilova](lov/1995-08-04-53).\n\n> Endra ved [forskrift 20 nov 2006 nr. 1269](forskrift/2006-11-20-1269) (i kraft 1 jan 2007).\n\n## Kapittel 6. Andre føresegner\n\n### § 17\n\nNærings- og handelsdepartementet kan gi nærare reglar om handel som skal foregå i særskilde omsetningsformer og for handel med særskilde typar av ting.\n\n### § 18\n\nBrot på forskrifta vert straffa etter [brukthandellova § 5](lov/1999-12-22-105/§5).\n\n### § 19\n\nForskrifta trer i kraft frå 1. januar 2000. Frå same tidspunkt vert [forskrift av 28. april 1989 nr. 290](forskrift/1989-04-28-290) om handel med brukte eller kasserte ting m.v. oppheva.\n",
 "title": "Forskrift om handelsverksemd med brukte eller kasserte ting mv.",
 "type": "forskrift"
}