{
 "canonical_id": "sf-20160603-1951",
 "canonical_url": "https://lovspor.no/forskrift/deleg-av-ansvar-etter-målbruksforskrifta-8-til-språkrådet/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "e549b81455b863e9197471ecde63af266d66f5c6f6d462e4d1dbbaf37fb29350",
  "retrieved_at": "2026-06-30T07:51:25.240716+00:00",
  "source_revision": "5244bffdff0107144e335a99c10772cf8dd0e16e",
  "xml_hash": "5e01a1f415b768390889681f7ceecd99f208fb1ecb8b8409a23520cbf1142f64"
 },
 "ref_id": "forskrift/2016-06-03-1951",
 "schema_version": "1",
 "slug": "deleg-av-ansvar-etter-målbruksforskrifta-8-til-språkrådet",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2016-06-03",
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "\n# Delegering av ansvar etter målbruksforskrifta § 8 til Språkrådet\n\nKulturdepartementet delegerer med dette ansvaret for oppfølging av § 8 første og andre ledd i [forskrift 5. desember 1980 nr. 4938](forskrift/1980-12-05-4938) om målbruk i offentleg teneste til Språkrådet. Dei aktuelle føresegnene lyder som følgjer:\n\nVedtak i kommunestyre eller fylkesting etter § 5, første leddet, i [lov om målbruk i offentleg teneste](lov/1980-04-11-5/§5) skal meldast til Kultur- og vitskapsdepartementet. Ajourførte lister over slike målvedtak blir tekne inn i Norsk Lovtidend og Norsk lysingsblad to gonger for året. Nye målvedtak får ikkje rettslege verknader for statsorgan før dei er kunngjorde på denne måten.\n\nKultur- og vitskapsdepartementet kan fastsetje nærmare reglar om kunngjeringsmåten.\n\nMålvedtaka er i dag kunngjorde ved at KUD har fastsett ei slik liste i forskrifts form som [forskrift 1. april 2007 nr. 378](forskrift/2007-04-01-378) om målvedtak i kommunar og fylkeskommunar. Denne forskrifta er elektronisk tilgjengeleg hos Lovdata.\n\nDelegeringa av desse oppgåvene inneber at Språkrådet får fullmakt til å endre og oppheva den gjeldande forskrifta og til å fastsetja ny forskrift, om ein finn det tenleg. Språkrådet har ansvar for at slike endringar blir melde til Lovdata og kunngjorde i Norsk Lovtidend. Språkrådet vil få eit ansvar for å henta inn opplysningar om målvedtak i samband med endringane i kommune- og fylkesstruktur som kjem dei komande åra.\n\nDepartementet meiner denne oppgåva heng naturleg saman med dei tilsyns- og informasjonsoppgåvene etter mållova som frå før er delegerte til Språkrådet.\n\nDepartementet legg til grunn at Språkrådet utfører oppgåva innanfor gjeldande økonomiske og administrative rammer.\n",
 "title": "Delegering av ansvar etter målbruksforskrifta § 8 til Språkrådet",
 "type": "forskrift"
}