{
 "canonical_id": "sf-19980504-0463",
 "canonical_url": "https://lovspor.no/forskrift/forskr-om-energimerking-av-kombi-vaskemaskiner/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "12bee939361e1c496321b943f1f96dda3f0845a6896c7da36ee5b6a86d244cce",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "ad6dff839241af8c0e3cd012353ef469db9f2a487ca8e0346ef10fd32d3424c4"
 },
 "ref_id": "forskrift/1998-05-04-463",
 "schema_version": "1",
 "slug": "forskr-om-energimerking-av-kombi-vaskemaskiner",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1998-05-04",
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om gjennomføringsreglar for rådsdirektiv 92/75/EØF med omsyn til energimerking av kombinerte hushaldsvaskemaskiner og tørketromlar.\n\n## § 1.\n\nDenne forskrifta gir gjennomføringsreglar for rådsdirektiv [92/75/EØF](eu/31992l0075) med omsyn til energimerking av kombinerte hushaldsvaskemaskiner og tørketromlar, jf. [forskrift av 10. januar 1996 nr. 16](forskrift/1996-01-10-16) om angivelse av husholdningsapparaters energi- og ressursforbruk ved hjelp av merking og standardiserte vareopplysninger.\n\n## § 2.\n\nDenne forskrifta skal nyttast på nettdrivne kombinerte hushaldsvaskemaskiner og tørketromlar. Apparat som òg kan drivast med andre energikjelder, er ikkje omfatta av denne forskrifta.\n\n## § 3.\n\nDei obligatoriske opplysningane som er fastsette i denne forskrifta, skal arbeidast ut etter målemetodane i harmoniserte standardar som det er offentleggjort tilvisingsnummer for i Tidend for Dei europeiske fellesskapa. Føresegner i denne forskrifta som krev opplysningar om støy, skal gjelde berre dersom slike opplysningar er påkravde etter artikkel 3 i rådsdirektiv [86/594/EØF](eu/31986l0594). Dersom det er naudsynt, skal opplysningane arbeidast ut i samsvar med føresegnene i det førnemnde direktivet.\n\n## § 4.\n\nDei utrykka som er nytta i denne forskrifta skal, bortsett frå i tilfelle der samanhengen krev ei anna tyding, ha same tydinga som i [forskrift av 10. januar 1996 nr. 16](forskrift/1996-01-10-16) om angivelse av husholdningsapparaters energi- og ressursforbruk ved hjelp av merking og standardiserte vareopplysninger.\n\n## § 5.\n\nDet tekniske dokumentasjonsmaterialet som er nemnt i § 8 i [forskrift av 10. januar 1996 nr. 16](forskrift/1996-01-10-16) om angivelse av husholdningsapparaters energi- og ressursforbruk ved hjelp av merking og standardiserte vareopplysninger, skal omfatte:\n\n- namnet og adressa til leverandøren,\n- ein generell omtale av apparatet som gjer det mogleg å identifisere det på ein eintydig måte,\n- opplysningar, eventuelt med teikningar, om dei viktigaste konstruksjonskjenneteikna ved modellen, særleg om eigenskapar som har ein klår innverknad på energiforbruket,\n- rapportar om prøvingar og målingar som er gjorde etter prøvemetodane i dei harmoniserte standardene som er nemnde i [§ 3](forskrift/1998-05-04-463/§3) i denne forskrifta,\n- eventuell bruksrettleiing.\n\n## § 6.\n\nEtiketten som er nemnd i § 6 i [forskrift av 10. januar 1996 nr. 16](forskrift/1996-01-10-16) om angivelse av husholdningsapparaters energi- og ressursforbruk ved hjelp av merking og standardiserte vareopplysninger, skal vere utforma som vist i vedlegg I[^1] til denne forskrifta. Etiketten skal plasserast utvendig på framsida eller oversida av apparatet, slik at han er godt synleg og ikkje vert dekt til.\n\n1 Vedlegget er utelate. Ein kan få det ved å vende seg til Olje- og energidepartementet, Energi- og vassdragsavdelingen, postboks 8148 Dep., 0033 Oslo, tlf. 22249090.\n\n## § 7.\n\nInnhaldet og formatet til opplysningsskjemaet som er nemnt i § 6 i [forskrift av 10. januar 1996 nr. 16](forskrift/1996-01-10-16) om angivelse av husholdningsapparaters energi- og ressursforbruk ved hjelp av merking og standardiserte vareopplysninger, skal vere i samsvar med vedlegg II[^1] til denne forskrifta.\n\n1 Vedlegget er utelate. Ein kan få det ved å vende seg til Olje- og energidepartementet, Energi- og vassdragsavdelingen, postboks 8148 Dep., 0033 Oslo, tlf. 22249090.\n\n## § 8.\n\nDersom eit apparat vert bode fram for sal, leige eller kjøp på avbetaling på dei vilkåra som er fastsette i § 14 i [forskrift av 10. januar 1996 nr. 16](forskrift/1996-01-10-16) om angivelse av husholdningsapparaters energi- og ressursforbruk ved hjelp av merking og standardiserte vareopplysninger, og ved hjelp av ei trykksak, til dømes ein postordrekatalog, skal trykksaka innehalde alle dei opplysningane som er gjevne i vedlegg III[^1] til denne forskrifta.\n\n1 Vedlegget er utelate. Ein kan få det ved å vende seg til Olje- og energidepartementet, Energi- og vassdragsavdelingen, postboks 8148 Dep., 0033 Oslo, tlf. 22249090.\n\n## § 9.\n\nKlassifiseringa av eit apparat etter energieffektivitet og vaskeevne skal fastsetjast i samsvar med vedlegg IV.[^1]\n\n1 Vedlegget er utelate. Ein kan få det ved å vende seg til Olje- og energidepartementet, Energi- og vassdragsavdelingen, postboks 8148 Dep., 0033 Oslo, tlf. 22249090.\n\n## § 10.\n\nOlje- og energidepartementet fastset kven som skal føre tilsyn med føresegnene i denne forskrifta og fastset instruks for tilsynsverksemda.\n\n## § 11.\n\nDenne forskrifta trer i kraft straks.\n",
 "title": "Forskrift om gjennomføringsreglar for rådsdirektiv 92/75/EØF med omsyn til energimerking av kombinerte hushaldsvaskemaskiner og tørketromlar.",
 "type": "forskrift"
}