{
 "canonical_id": "sf-19950701-0679",
 "canonical_url": "https://lovspor.no/forskrift/forskrift-om-delegering-etter-fjellova/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "5228f08506a721df1a32d0664d8cf49c63b6a757413ceb559e628b23dce13743",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "8978978a3c298eb254aeecc92595c22eb8fb7f9e5877b4f5e519d3e54da4f16f"
 },
 "ref_id": "forskrift/1995-07-01-679",
 "schema_version": "1",
 "slug": "forskrift-om-delegering-etter-fjellova",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1995-07-01",
  "last_change_in_force": "2014-09-22",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om delegering av myndigheit etter lov av 6. juni 1975 nr. 31 om utnytting av rettar og lunnende m.m. i statsallmenningane (fjellova).\n\n## § 1. Innleiing\n\nI denne forskrifta videredelegerast til Statskog SF og Landbruksdirektoratet, med einskilde unntak, den myndigheit departementet og Kongen har etter [lov av 6. juni 1975 nr. 31](lov/1975-06-06-31) om utnytting av rettar og lunnende m.m. i statsallmenningane (fjellova), og som i kgl.res. av 21. november 1975 er delegera til Landbruksdepartementet.\n\nForskrifta gjev i [§§ 2](forskrift/1995-07-01-679/§2), [3](forskrift/1995-07-01-679/§3), [4](forskrift/1995-07-01-679/§4) og [5](forskrift/1995-07-01-679/§5) ei fullstendig oversikt over myndigheitsfordelinga mellom Statskog SF, Landbruksdirektoratet, Landbruksdepartementet og Kongen etter fjellova.\n\nDen myndigheit som i kap. XI og XII er lagt til departementet, og som i §§ 25, 26 og 29 er lagt til Kongen, ligg etter kgl.res. av 21. november 1975 til Miljøverndepartementet, og er såleis ikkje omfatta av denne forskrifta.\n\n> Endra ved [forskrifter 14 des 2000 nr. 1298](forskrift/2000-12-14-1298) (i kraft 1 jan 2001), [22 sep 2014 nr. 1223](forskrift/2014-09-22-1223).\n\n## § 2. Vidaredelegering av myndigheit lagt til departementet\n\nMyndigheit lagt til departementet etter følgjande reglar i fjellova vidaredelegerast frå Landbruksdepartementet til Statskog SF:\n\n- § 9 andre punktum om avgjerd av tvistar mellom fjellstyret og allmenningsstyret.\n- § 11 andre stykket første punktum om framlegging av rekneskap, og tredje stykket om samtykke til løyving av midlar til allmennyttige føremål.\n- § 12 andre stykket om grunndisponeringstiltak, og tredje stykket om bruken av grunneigarinntektene etter nærare retningsliner som vert gjevne av departementet.\n- § 20 andre stykket om samtykke til overføring av utvist tilleggsjord.\n- § 21 første stykket om samtykke til overføring av utvist tilleggsjord til jordbrukar(ar) utan beiterett i allmenningen, og tredje stykket om utleige av jord skikka til dyrking eller kulturbeite til jordbrukar(ar) utan beiterett i allmenningen.\n- § 34 andre stykket om høve til å krevje skjøn før det vert teke avgjerd etter § 12 første stykket og § 21 fjerde stykket.\n- § 36 andre stykket om godkjenning av oppsynsordning.\n\nMyndigheit lagt til departementet etter § 10 i [fjellova,](lov/1975-06-06-31/§10) om klagesakshandsaming og omgjering av fjellstyrevedtak, delegerast til Landbruksdirektoratet.\n\nFor utvising av grunn som er skikka til dyrking eller til kulturbeite som tilleggsjord, jfr. § 19 i fjellova, gjeld reglane i kapittel II i [forskrift av 22. juni 1984 nr. 1302](forskrift/1984-06-22-1302) om seter og tilleggsjord m.m. i statsallmenningane.\n\n> Endra ved [forskrifter 14 des 2000 nr. 1298](forskrift/2000-12-14-1298) (i kraft 1 jan 2001), [22 sep 2014 nr. 1223](forskrift/2014-09-22-1223).\n\n## § 3. Vidaredelegering av myndigheit lagt til Kongen\n\nMyndigheit lagt til Kongen etter følgjande reglar i fjellova vidaredelegerast frå Landbruksdepartementet til Statskog SF:\n\n- [§ 3](forskrift/1995-07-01-679/§3) fjerde stykket om fastsetjing av grensene for området der allmenningen ligg, og sjette stykket om fastsetjing av representasjon for reindriftsnæringa i fjellstyret.\n- [§ 4](forskrift/1995-07-01-679/§4) første punktum om fastsetjing av om det skal veljast eit eller fleire fjellstyre når det er fleire statsallmenningar innan ein kommune.\n- [§ 5](forskrift/1995-07-01-679/§5) første og andre stykket om avgjerd av om det skal vere eit felles fjellstyre når ein statsallmenning ligg i to eller fleire kommunar, og fjerde stykket om unntak for talet på fjellstyremedlemer etter tredje stykket.\n- [§ 6](forskrift/1995-07-01-679/§6) første stykket om avgjerd om forsterka fjellstyre når allmenningsbruken ligg til bygd eller grend i andre kommunar enn den allmenningen ligg i.\n- § 10 første stykket om fastsetjing av nærare reglar om førehandsvarsel og kunngjering av eller melding om fjellstyrevedtak, og tredje stykket om fråvik frå lovens regel om når fjellstyrevedtak tek til å gjelde.\n- § 11 andre stykket tredje punktum om fastsetjing av nærare reglar om rekneskapsføring og revisjon av fjellkassa.\n- § 14 andre punktum om stadfesting av vedtekter om bruken av allmenningen.\n- § 23 andre stykket om fastsetjing av grensene for det området der allmenningen ligg.\n- § 28 andre stykket om fastsetjing av grensene for det område der allmenningen ligg.\n\n## § 4. Vidaredelegering av myndigheit frå Statskog SF til distriktskontora\n\nDen myndigheit som etter denne forskrifta er lagt til Statskog SF kan delegerast vidare til det einskilde distriktskontor.\n\n## § 5. Myndigheit etter fjellova som ligg til Landbruksdepartementet\n\nDen myndigheit som ligg til departementet etter § 17 andre stykket, om stadfesting av fjellstyrevedtak om tamreinbeite i statsallmenning utanom reinbeiteområde etter tamreinlova, skal liggje til Landbruksdepartementet.\n\n## § 6. Myndigheit etter fjellova som ligg til Kongen\n\nDen myndigheit Kongen har etter [§ 1](forskrift/1995-07-01-679/§1), til å bestemme at fjellova heilt eller delvis skal gjelde for andre område som tilhøyrer staten, vert ikkje omfatta av denne forskrifta.\n\nDet same gjeld § 38 første punktum om fastsetjing av forskrifter til gjennomføring av lova.\n\n## § 7. Klage\n\nFor klage på einskildvedtak gjort med heimel i denne forskrifta gjeld [lov 10. februar 1967](lov/1967-02-10) om behandlingsmåten i forvaltningssaker (forvaltningslova).\n\nLandbruksdirektoratet er klageinstans for einskildvedtak fatta av både Statskog SF sentralt og av det einskilde distriktskontor når myndigheit er vidaredelegert etter [§ 4](forskrift/1995-07-01-679/§4) i denne forskrifta.\n\n> Endra ved [forskrifter 14 des 2000 nr. 1298](forskrift/2000-12-14-1298) (i kraft 1 jan 2001), [22 sep 2014 nr. 1223](forskrift/2014-09-22-1223).\n\n## § 8. Ikraftsetjing og oppheving\n\nDenne forskrifta tek til å gjelde frå 1. juli 1995.\n\nForskrifta avløyser forskrift av 19. desember 1975 om delegering av myndigheit til Direktoratet for statens skoger.\n",
 "title": "Forskrift om delegering av myndigheit etter lov av 6. juni 1975 nr. 31 om utnytting av rettar og lunnende m.m. i statsallmenningane (fjellova).",
 "type": "forskrift"
}