Dvergålegras (Zostera noltei) er utpeika som prioritert art.
Føremålet med forskrifta er å ta vare på dvergålegras i samsvar med forvaltingsmålet for artar i naturmangfaldlova § 5 første ledd.
Alle former for uttak, skade eller øydelegging av dvergålegras er forbode. Som øydelegging er medrekna mudring, utbygging, utfylling og endring av straumforholda og andre handlingar dersom dei er eigna til å skade eller på annan måte forringe førekomstar av arten.
Forvaltingsstyresmakta, eller den forvaltingsstyresmakta har inngått avtale med, helst grunneigar, kan setje i verk tiltak i samsvar med naturmangfaldlova § 47, jf. § 24 andre ledd, for å oppretthalde eller oppnå den natur- eller kulturtilstanden som er nødvendig for å sikre bevaring av arten.
Statsforvaltaren er forvaltingsstyresmakt etter forskrifta.
Endra ved forskrift 8 okt 2021 nr. 2958 (i kraft 1 nov 2021).
Statsforvaltaren kan, etter søknad, gjere unntak frå forboda i § 3 i samsvar med naturmangfaldlova § 24 femte ledd. Gjeld søknaden fleire fylke, blir han handsama av Miljødirektoratet.
Ved søknad om dispensasjon frå forskrifta, kan forvaltingsstyresmakta krevje at følgjene av det planlagde tiltaket for arten blir klarlagde i samsvar med naturmangfaldlova § 24 første ledd bokstav c.
Endra ved forskrift 8 okt 2021 nr. 2958 (i kraft 1 nov 2021).
Forskrifta trer i kraft straks.
Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form. Lovspor er ikke offisiell kunngjøringskilde. Lisenstekst.