{
 "canonical_id": "sf-19810911-8603",
 "canonical_url": "https://lovspor.no/forskrift/forskrift-om-eigedomsinngrep-etter-veglova/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "4f9c99315ec880ecdddd2b1f99cdfde1b148c0d43e9f90b39b2807c458830d35",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "2eb871e5d3bdc9ae9d9bce6897fefbd4f66aeef7d2c53f3e5be09d46e1cc448e"
 },
 "ref_id": "forskrift/1981-09-11-8603",
 "schema_version": "1",
 "slug": "forskrift-om-eigedomsinngrep-etter-veglova",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1981-10-01",
  "last_change_in_force": "2017-01-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrifter om eigedomsinngrep etter veglova\n\n## § 1. Kva føresegnene gjeld\n\nFøresegnene gjeld eigedomsinngrep til riks-, fylkes- og kommunal veg etter [veglova § 50](lov/1963-06-21-23/§50).\n\n## § 2. Minnelege forhandlingar om eigedomsinngrep\n\nFør vedtak om eigedomsinngrep kan gjerast, skal vegstyremakta, eller kommunen i saker som blir fremma etter [§ 5](forskrift/1981-09-11-8603/§5) første eller andre ledd i føresegnene her, prøve å nå fram til semje med dei inngrepet råkar.\n\nUnntak frå regelen i første ledd kan gjerast når vegstyremakta\n\n1. ser det som rådlaust å nå fram til semje, eller\n2. finn at saka er av ein slik karakter eller eit slikt omfang at det ikkje ligg til rette for minnelege forhandlingar.\n\n## § 3. Plankrav\n\nVedtak om eigedomsinngrep kan berre gjerast når det ligg føre vedteken reguleringsplan etter plan- og bygningslova.\n\nVedtak kan ikkje gjerast dersom det har gått meir enn 10 år sidan reguleringsplanen blei kunngjort etter plan- og [bygningslova § 12-12](lov/2008-06-27-71/§12-12).\n\n> Endra ved [forskrifter 27 aug 2004 nr. 1217](forskrift/2004-08-27-1217), [6 mai 2014 nr. 609](forskrift/2014-05-06-609).\n\n## § 4. Unntak frå plankrav\n\nRegelen om plankrav etter [§ 3](forskrift/1981-09-11-8603/§3) gjeld ikkje for:\n\n1. små inngrep i samband med vedlikehald, drift og mindre utbetringar av offentleg veg, så langt dette ikkje er i strid med plan etter plan- og bygningslova eller med plan- og [bygningslova § 12-1](lov/2008-06-27-71/§12-1).\n2. inngrep i samband med tiltak utanfor reguleringsområdet (leidningar, lokale støytiltak, anleggsvegar o.l.), så langt dette ikkje er i strid med plan etter plan- og bygningslova eller med plan- og [bygningslova § 12-1](lov/2008-06-27-71/§12-1).\n3. vedtak etter § 50 første ledd, siste punktum og § 50 andre ledd.\n4. avgjerd som tingretten tek etter § 50 tredje ledd.\n\n> Endra ved [forskrifter 13 des 2002 nr. 1603](forskrift/2002-12-13-1603) (i kraft 1 jan 2003), [27 aug 2004 nr. 1217](forskrift/2004-08-27-1217), [6 mai 2014 nr. 609](forskrift/2014-05-06-609).\n\n## § 5. Forholdet til kommunen\n\nVegstyremakta skal på vanleg måte gjere vedtak om eigedominngrep i saker der kommunen er pålagt å stå for gjennomføringa av eigedomsinngrep til\n\n1. riksveg med heimel i [veglova § 14](lov/1963-06-21-23/§14), og\n2. fylkesveg med heimel i [veglova § 15](lov/1963-06-21-23/§15).\n\nDen vegstyremakta som har heimel til å gjere vedtak om eigedomsinngrep for riks- eller fylkesveg, kan avtale med kommunen at denne skal stå for gjennomføringa av eigedomsinngrepet.\n\nPålegg etter første ledd eller avtale etter andre ledd i denne paragrafen gir kommunen fullmakt til å krevje skjønn.\n\n## § 6. Fullmakt til å kreve skjønn\n\nNår vegstyremakta skal gjere vedtak om eigedomsinngrep knytta til riksveg som skal byggjast ut av eit statleg utbyggingsselskap for veg, har utbyggingsselskapet fullmakt til å krevje skjønn. Staten ved utbyggingsselskapet er part i saka. Det same gjeld ved avtaleskjønn knytta til vegar som utbyggingsselskapet skal byggje ut. Vegstyresmaktene avgjer spørsmål om anke og om det skal krevjast overskjønn.\n\n> Tilføyd ved [forskrift 13 des 2016 nr. 1598](forskrift/2016-12-13-1598) (i kraft 1 jan 2017).\n\n## § 7. Når føresegnene tek til å gjelde\n\nFøresegnene her tek til å gjelde frå 1. oktober 1981. Frå same tid trer Kronprinsregentens resolusjon av 15. januar 1965 om forskrifter om behandling av saker om eigedomsinngrep etter vegloven, og kongeleg resolusjon av 12. august 1966 om endringer og tillegg i forskrifter om behandling av saker om eigedomsinngrep etter vegloven ut av kraft.\n\n> Endra ved [forskrift 13 des 2016 nr. 1598](forskrift/2016-12-13-1598) (i kraft 1 jan 2017, tidlegare § 6).\n",
 "title": "Forskrifter om eigedomsinngrep etter veglova",
 "type": "forskrift"
}