{
 "canonical_id": "sf-20081215-1362",
 "canonical_url": "https://lovspor.no/forskrift/forskrift-om-fastsetjing-av-medmorskap/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "888f69badb755da38a709fe89d799b69b9e3d941adce204c379527b9a631435b",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "6d1933a39f83862c712256689da86f5a2c28ab80bb219f7add3f74f59c1e31f8"
 },
 "ref_id": "forskrift/2008-12-15-1362",
 "schema_version": "1",
 "slug": "forskrift-om-fastsetjing-av-medmorskap",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2009-01-01",
  "last_change_in_force": "2021-01-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om fastsetjing av medmorskap\n\n## § 1. Assistert befruktning\n\nDefinisjonen av assistert befruktning i [bioteknologiloven § 2-1](lov/2003-12-05-100/§2-1) gjeld tilsvarande etter [barnelova § 3](lov/1981-04-08-7/§3) og [§ 4](lov/1981-04-08-7/§4). Assistert befruktning krev dessutan at sæd er tilbydd av godkjent helsestell, og at sædgivaren er omfatta av eit donorregister. Barnet skal ha rett til opplysningar om sædgivar tilsvarande [bioteknologiloven § 2-7](lov/2003-12-05-100/§2-7).\n\n## § 2. Godkjent helsestell\n\nGodkjent helsestell er her i landet helsestell som har godkjenning til å utføre assistert befruktning etter bioteknologiloven og [forskrift 7. mars 2008 nr. 222](forskrift/2008-03-07-222) om krav til kvalitet og sikkerhet ved håndtering av humane celler og vev.\n\nDen som får utført assistert befruktning i utlandet må sjølv dokumentere at helsestellet oppfyller tilsvarande krav som etter første ledd, og at helsestellet er godkjent av myndigheitene i det landet befruktninga har funne stad.\n\n## § 3. Tidspunkt for når vilkåra for medmorskap skal vere oppfylt\n\nEi kvinne som skal reknast som medmor etter [barnelova § 3](lov/1981-04-08-7/§3), skal vere gift med mora til barnet på tidspunktet fødselen skjer.\n\nEi kvinne som skal reknast som medmor etter [barnelova § 4](lov/1981-04-08-7/§4), skal vere sambuar med mora til barnet på tidspunktet den assisterte befruktninga skjer.\n\nEi kvinne som skal reknast som medmor skal ha gjeve skriftleg samtykke til assistert befruktning før behandlinga skjer. Folkeregistermyndigheita kan i særlege tilfelle godkjenne samtykkje gjeve etter behandlinga har funne stad.\n\n## § 4. Prosedyre for fastsetjing av medmorskap\n\nFolkeregistermyndigheita avgjer om vilkåra for medmorskap etter [barnelova § 3](lov/1981-04-08-7/§3) og [§ 4](lov/1981-04-08-7/§4) er oppfylt og gjer vedtak om fastsetjing av medmorskap etter søknad frå minst ein av partane. Myndigheita kan gjere vedtak før barnet er fødd.\n\nReglane i forskrifta gjeld og i tilfelle ein av partane ikkje ønskjer å medverke til at medmorskap vert fastsett.\n\n## § 5. Krav til søknad\n\nSøknad om fastsetting av medmorskap skal setjast fram på fastsett blankett eller digitalt og sendast til folkeregistermyndigheita. Søkjar kan sende søknad så snart den assisterte befruktninga har funne stad.\n\nMinst ein av partane skal underteikne søknaden eller identifisera seg elektronisk på ein sikker måte.\n\nVedlagt søknaden skal følgje\n\n1. samtykke til assistert befruktning frå mors ektefelle eller sambuar\n2. dokumentasjon frå godkjent helsestell i tråd med [§ 2](forskrift/2008-12-15-1362/§2). Dokumentasjonen skal stadfeste at assistert befruktning har funne stad\n3. dokumentasjon som viser at barnet som er fødd etter assistert befruktning, ved fylte 18 år har rett til å få opplysningar om sædgivars identitet. Det må gå fram at det finst prosedyrar eller registre som gjer at denne retten kan oppfyllast.\n\n> Endra ved forskrift [1 des 2020 nr. 2576](forskrift/2020-12-01-2576) (i kraft 1 jan 2021).\n\n## § 6. Klage\n\nPartane kan klage på vedtaket til Skattedirektoratet etter føresegnene i forvaltningslova.\n\n## § 7. (Oppheva)\n\n> Oppheva ved forskrift [1 des 2020 nr. 2576](forskrift/2020-12-01-2576) (i kraft 1 jan 2021).\n\n## § 8. Ikraftsetjing\n\nForskrifta gjeld frå 1. januar 2009.\n",
 "title": "Forskrift om fastsetjing av medmorskap",
 "type": "forskrift"
}