{
 "canonical_id": "sf-20131220-1647",
 "canonical_url": "https://lovspor.no/forskrift/forskrift-om-fiskesalslagskontrollørar/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "a0ec9a77cfc1920d31dfddc9dcd4eb176afd186a0fa33445f0691923aa0608d9",
  "retrieved_at": "2026-04-29T11:20:30.048320+00:00",
  "source_revision": "3d499af6bbf54fee7f8a80cdc1e213284feca295",
  "xml_hash": "db8520865cbab03d30d63eef72803084ff4cff772e1c1727e0e65f7627209f90"
 },
 "ref_id": "forskrift/2013-12-20-1647",
 "schema_version": "1",
 "slug": "forskrift-om-fiskesalslagskontrollørar",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2014-01-01",
  "last_change_in_force": "2026-01-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om staten sine kontrollørar for fiskesalslaga\n\n## § 1. Oppnemning og åremål\n\nNærings- og fiskeridepartementet nemner opp ein kontrollør for kvart fiskesalslag. Departementet kan fastsetje at same kontrollør nemnast opp for fleire fiskesalslag. Departementet fastset perioden for vervet i samband med oppnemning av kontrolløren.\n\nDen som vert oppnemnd som kontrollør skal vere uavhengig i høve til salslaget, eigarar, tilsette eller tillitsvalde i salslaget slik at objektivitet og tillit til kontrolløren ikkje vert svekka. Kontrolløren skal ha relevant kompetanse og erfaring.\n\n> Endra ved forskrift [14 des 2025 nr. 2587](forskrift/2025-12-14-2587) (i kraft 1 jan 2026).\n\n## § 2. Mandatet til kontrolløren og kontrolloppgåver\n\nEin kontrollør skal utøve mandatet sitt i tråd med føresegnene i lov og forskrift. Fiskesalslaga skal leggje til rette for at kontrolløren skal få utøve oppgåvene sine i tråd med desse føresegnene i samsvar med [lov om førstehandsomsetning av viltlevande marine ressursar § 5](lov/2013-06-21-75/§5), andre ledd.\n\nKontrolløren skal følgje verksemda til fiskesalslaget og kontrollere at ho er i samsvar med god forretnings- og forvaltningsskikk, og at verksemda vert driven innanfor rammene av gjeldande lover og føresegner med forarbeid, medrekna at eineretten til å fastsetje minstepris, salsvilkår og omsetningsformer vert utøvd på forsvarleg vis.\n\nKontrolløren skal assistere Nærings- og fiskeridepartementet og Fiskeridirektoratet med å få fram opplysningar om økonomien og drifta til salslaga når vedkomande vert beden om slike opplysningar eller assistere styresmaktene i særskilde saker.\n\nKontrolløren kan ikkje fungere som juridisk rådgjevar for salslaget.\n\nKontrolløren har teieplikt etter dei føresegnene som gjeld for offentlege tenestemenn.\n\nDepartementet fastset honoraret til kontrolløren. Salslaga skal dekkje honoraret og dei nødvendige utgiftene kontrolløren har i samband med utøvinga av mandatet sitt. Dette gjeld også utgifter til reising som skal dekkjast etter statens reiseregulativ. Kontrolløren må ikkje ta imot anna godtgjering frå salslaget.\n\n## § 3. Rapporteringar og orienteringar\n\nKontrolløren skal årleg sende rapport til Nærings- og fiskeridepartementet med eventuelle merknader til styret sitt framlegg til årsmelding og rekneskap. Rapporten må sendast innan to veker før salslaget skal halde årsmøte. Rapporten skal sendast salslaget til orientering.\n\nKontrolløren skal straks og på eige initiativ halde Nærings- og fiskeridepartementet og Fiskeridirektoratet orienterte om forhold som kontrolløren reknar med har innverknad på økonomien og drifta til salslaga. Slik sjølvstendig meldeplikt omfattar både god forretnings- og forvaltningsskikk og om drifta er lovleg, jf. [§ 2](forskrift/2013-12-20-1647/§2) andre ledd.\n\n> Endra ved [forskrift 28 feb 2020 nr. 213](forskrift/2020-02-28-213).\n\n## § 4. Overgangsreglar\n\nKontrollørar som er nemnde opp før forskrifta trer i kraft, held fram som kontrollør etter denne forskrifta inntil vidare. Nærings- og fiskeridepartementet vil nemne opp kontrollørar for kvart salslag i 2014. Første 6-årsperiode vert rekna frå 1. januar 2014, uavhengig av tidlegare tenestetid som kontrollør.\n\n## § 5. Ikrafttreding\n\nDenne forskrifta trer i kraft 1. januar 2014.\n",
 "title": "Forskrift om staten sine kontrollørar for fiskesalslaga",
 "type": "forskrift"
}