{
 "canonical_id": "sf-20240621-1103",
 "canonical_url": "https://lovspor.no/forskrift/forskrift-om-grunnskoleopplæring-og-vidaregåande-opplæring-i-longyearbyen/",
 "language": "nn",
 "links": {
  "parent": null
 },
 "provenance": {
  "renderer_version": 8,
  "representation_hash": "759e9363cabef282d9f41e1992bebbf6765022564d0417d053a68a8183befe23",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "b3e03eaa8661b615ad9cb34ab1801cd18735047d7121b394662f344166048645"
 },
 "ref_id": "forskrift/2024-06-21-1103",
 "schema_version": "1",
 "slug": "forskrift-om-grunnskoleopplæring-og-vidaregåande-opplæring-i-longyearbyen",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2024-08-01",
  "last_change_in_force": "2025-11-07",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om grunnskoleopplæring og vidaregåande opplæring i Longyearbyen\n\n## § 1. Formålet med forskrifta og kva forskrifta gjeld\n\nForskrifta skal leggje til rette for at barn og ungdom i Longyearbyen får god opplæring i eit trygt og godt skolemiljø. Forskrifta skal også bidra til at norske svalbardpolitiske mål kan oppfyllast.\n\nForskrifta gjeld grunnskoleopplæring og vidaregåande opplæring innanfor Longyearbyen arealplanområde.\n\n## § 2. Ansvaret til Longyearbyen lokalstyre\n\nLongyearbyen lokalstyre skal oppfylle retten til grunnskoleopplæring etter [§ 4](forskrift/2024-06-21-1103/§4).\n\nLongyearbyen lokalstyre kan drive vidaregåande opplæring, jf. [§ 5](forskrift/2024-06-21-1103/§5).\n\nLongyearbyen lokalstyre er ansvarleg for at reglane i denne forskrifta blir oppfylte.\n\n## § 3. Grunnskoleopplæring og vidaregåande opplæring i Longyearbyen\n\nBerre Longyearbyen lokalstyre kan drive grunnskoleopplæring og vidaregåande opplæring innanfor Longyearbyen arealplanområde.\n\n## § 4. Rett og plikt til grunnskoleopplæring i Longyearbyen\n\nBarn har rett og plikt til grunnskoleopplæring frå det året dei fyller seks år, til dei har avslutta det 10. trinnet.\n\nRetten til grunnskoleopplæring gjeld når barnet truleg skal vere i Longyearbyen i meir enn tre månader i samanheng. Retten skal oppfyllast så raskt som mogleg og seinast innan éin månad etter at barnet er komme til Longyearbyen og foreldra har meldt frå til Longyearbyen lokalstyre. Barn har plikt til grunnskoleopplæring når dei har vore i Longyearbyen i seks månader i samanheng.\n\nBarn med behov som går ut over plikta til Longyearbyen lokalstyre etter [§ 6](forskrift/2024-06-21-1103/§6) første ledd bokstav f og [§ 7](forskrift/2024-06-21-1103/§7), og som derfor ikkje kan få eit forsvarleg utbytte av opplæringa ved Longyearbyen skole, har ikkje rett og plikt til grunnskoleopplæring i Longyearbyen. Ei avgjerd etter regelen her er eit enkeltvedtak og kan påklagast etter reglane i [forvaltningsloven](lov/1967-02-10). Statsforvaltaren i Troms og Finnmark er klageinstans.\n\n## § 5. Rett til vidaregåande opplæring i Longyearbyen\n\nUngdom i Longyearbyen som har fullført grunnskolen eller tilsvarande opplæring, har same rett til vidaregåande opplæring som dei ville hatt i Fastlands-Noreg. Retten kan oppfyllast gjennom vidaregåande opplæring i Longyearbyen eller gjennom vidaregåande opplæring på norsk fastland etter reglane i [opplæringslova](lov/2023-06-09-30).\n\nLongyearbyen lokalstyre kan fastsetje forskrift med vilkår for inntak til vidaregåande opplæring ved Longyearbyen skole, blant anna krav om bustadadresse i Longyearbyen, krav om språkkunnskapar og at det ikkje er behov for individuell tilrettelegging av opplæringa. Inntaksvilkåra må vere objektive, ikkje-diskriminerande og dei må kunne etterprøvast.\n\n## § 6. Reglar i opplæringslova som gjeld for opplæring i Longyearbyen\n\nDesse reglane i [opplæringslova](lov/2023-06-09-30) gjeld for grunnskoleopplæring og vidaregåande opplæring i Longyearbyen:\n\n1. [kapittel 1](lov/2023-06-09-30/kap1)\n2. [kapittel 2](lov/2023-06-09-30/kap2), med avgrensinga som følgjer av [§§ 4](forskrift/2024-06-21-1103/§4) og [7](forskrift/2024-06-21-1103/§7) i forskrifta her\n3. [§§ 3-1](lov/2023-06-09-30/§3-1) første og andre ledd, [3-2](lov/2023-06-09-30/§3-2) første og fjerde ledd, [3-6](lov/2023-06-09-30/§3-6) første ledd første punktum og andre ledd, [3-7](lov/2023-06-09-30/§3-7)\n4. [§ 4-7](lov/2023-06-09-30/§4-7)\n5. [§§ 5-2](lov/2023-06-09-30/§5-2) og [5-3](lov/2023-06-09-30/§5-3)\n6. [§ 5-4](lov/2023-06-09-30/§5-4), men Longyearbyen lokalstyre kan gjere nødvendige og forsvarlege justeringar i fag- og timefordelinga\n7. [§§ 5-6](lov/2023-06-09-30/§5-6) og [5-8](lov/2023-06-09-30/§5-8)\n8. [§ 6-1](lov/2023-06-09-30/§6-1)\n9. [kapittel 7](lov/2023-06-09-30/KAPITTEL_3-3)\n10. [§ 9-5](lov/2023-06-09-30/§9-5)\n11. [kapittel 10](lov/2023-06-09-30/KAPITTEL_4), med unntak av [§§ 10-5](lov/2023-06-09-30/§10-5) andre ledd andre punktum og [10-9](lov/2023-06-09-30/§10-9)\n12. [kapittel 11](lov/2023-06-09-30/KAPITTEL_4-2), med unntak av [§ 11-12](lov/2023-06-09-30/§11-12), og berre for grunnskoleopplæringa med avgrensinga i [§ 7](forskrift/2024-06-21-1103/§7) i denne forskrifta\n13. [kapittel 12](lov/2023-06-09-30/KAPITTEL_4-3)–[17](lov/2023-06-09-30/KAPITTEL_4-8)\n14. [§ 22-5](lov/2023-06-09-30/§22-5)\n15. [§§ 24-1](lov/2023-06-09-30/§24-1), [24-3](lov/2023-06-09-30/§24-3), [24-4](lov/2023-06-09-30/§24-4) og [24-5](lov/2023-06-09-30/§24-5)\n16. [kapittel 25](lov/2023-06-09-30/KAPITTEL_7-2), med unntak av [§ 25-2](lov/2023-06-09-30/§25-2)\n17. [kapittel 27](lov/2023-06-09-30/kap27)\n18. [§ 28-8](lov/2023-06-09-30/§28-8)\n19. [kapittel 29](lov/2023-06-09-30/KAPITTEL_7-6).\n\nOppgåver som etter [opplæringslova](lov/2023-06-09-30) eller forskrifter til lova er lagde til kommunen eller fylkeskommunen, skal liggje til Longyearbyen lokalstyre. Oppgåver som etter [opplæringslova](lov/2023-06-09-30) eller forskrifter til lova er lagde til statsforvaltaren, skal liggje til Statsforvaltaren i Troms og Finnmark.\n\nStatsforvaltaren skal føre tilsyn i samråd med Sysselmeisteren på Svalbard.\n\nNår statsforvaltaren behandlar klage over enkeltvedtak, skal saka leggjast fram for Sysselmeisteren til uttale om svalbardfaglege omsyn. Statsforvaltaren skal leggje stor vekt på uttalen frå Sysselmeisteren i vurderinga av saka.\n\n> Endra ved forskrift [20 juni 2025 nr. 1134](forskrift/2025-06-20-1134) (i kraft 1 aug 2025).\n\n## § 7. Avgrensa rett til individuell tilrettelegging i grunnskoleopplæring i Longyearbyen\n\nElevar med behov for mindre eller moderat tilrettelegging av opplæringa har rett til individuell tilrettelegging, jf. [opplæringslova §§ 11-1](lov/2023-06-09-30/§11-1) til [11-11](lov/2023-06-09-30/§11-11) og [§ 11-13](lov/2023-06-09-30/§11-13), med dei avgrensingane som følgjer av regelen her.\n\nI vurderinga av om eleven har rett til individuell tilrettelegging, skal det blant anna leggjast vekt på\n\n1. det samla behovet eleven har for tilrettelegging og tenester for å kunne ta del i opplæringa og oppnå eit forsvarleg utbytte av ho\n2. i kva grad tilrettelegginga vil vere kostnadskrevjande\n3. påverkinga på opplæringstilbodet til andre elevar\n4. at skolen ikkje skal kompensere for andre tenestetilbod som ikkje finst og reglar som ikkje gjeld i Longyearbyen.\n\nElevar har berre i særlege tilfelle rett til éin-til-éin-undervisning eller ein dedikert personalressurs, for eksempel lærar, assistent eller spesialpedagog. Elevar har ikkje rett til slik tilrettelegging i meir enn ein avgrensa del av opplæringa og i ein kortare periode.\n\nRetten til individuell tilrettelegging er elles avgrensa av den kapasiteten og kompetansen som Longyearbyen lokalstyre rår over.\n\n## § 8. Forskrifter etter opplæringslova som gjeld for opplæring i Longyearbyen\n\nDesse reglane i [opplæringsforskrifta](forskrift/2024-06-03-900) gjeld for grunnskoleopplæring og vidaregåande opplæring i Longyearbyen:\n\n1. [§§ 1-1](forskrift/2024-06-03-900/§1-1), [1-2 andre ledd](forskrift/2024-06-03-900/§1-2/ledd/2), [1-5](forskrift/2024-06-03-900/§1-5) til [1-9](forskrift/2024-06-03-900/§1-9), [1-10](forskrift/2024-06-03-900/§1-10) og [1-11](forskrift/2024-06-03-900/§1-11), men berre for opplæring i og på samisk og forsterka opplæring i norsk, [§ 1-12](forskrift/2024-06-03-900/§1-12)\n2. [§ 3-1](forskrift/2024-06-03-900/§3-1), men slik at vilkåret i [§ 3-1 første ledd bokstav c](forskrift/2024-06-03-900/§3-1/ledd/1/bokstav/c) er at dei er registrerte med opphaldsadresse på Svalbard i Befolkningsregisteret for Svalbard den 30. dagen før røystemøtet, [§ 3-2](forskrift/2024-06-03-900/§3-2)\n3. [§ 4-1](forskrift/2024-06-03-900/§4-1), med unntak av første ledd bokstav c\n4. [§§ 5-1](forskrift/2024-06-03-900/§5-1), [5-3](forskrift/2024-06-03-900/§5-3), [5-6](forskrift/2024-06-03-900/§5-6), [5-8](forskrift/2024-06-03-900/§5-8), [5-10](forskrift/2024-06-03-900/§5-10) og [5-11](forskrift/2024-06-03-900/§5-11)\n5. [kapittel 6](forskrift/2024-06-03-900/kap6), med unntak av [§§ 6-20](forskrift/2024-06-03-900/§6-20) til [6-24](forskrift/2024-06-03-900/§6-24)\n6. [kapittel 7](forskrift/2024-06-03-900/kap7)\n7. [kapittel 9](forskrift/2024-06-03-900/kap9), men slik at unntaka i samband med trafikkopplæring og førarprøve i [§§ 9-8 andre ledd bokstav h](forskrift/2024-06-03-900/§9-8/ledd/2/bokstav/h) og [9-53 fjerde ledd](forskrift/2024-06-03-900/§9-53/ledd/4) ikkje gjeld\n8. [kapitla 10](forskrift/2024-06-03-900/kap10) til [12](forskrift/2024-06-03-900/kap12)\n9. [kapitla 18](forskrift/2024-06-03-900/kap18) til [20](forskrift/2024-06-03-900/kap20)\n10. [kapittel 23](forskrift/2024-06-03-900/kap23).\n\n> Endra ved forskrifter [20 juni 2025 nr. 1134](forskrift/2025-06-20-1134) (i kraft 1 aug 2025), [7 nov 2025 nr. 2217](forskrift/2025-11-07-2217).\n\n## § 9. Ikraftsetjing\n\nForskrifta trer i kraft 1. august 2024. Samstundes blir [forskrift 17. juni 2022 nr. 1044 om grunnskoleopplæring og videregående opplæring i Longyearbyen](forskrift/2022-06-17-1044) oppheva.\n",
 "title": "Forskrift om grunnskoleopplæring og vidaregåande opplæring i Longyearbyen",
 "type": "forskrift"
}