{
 "canonical_id": "sf-20100312-0390",
 "canonical_url": "https://lovspor.no/forskrift/forskrift-om-inndraging-av-fangst-m-m/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "9779105c17e9abdd73b1a183471764bd05fd2ffda336723b37609123075a40be",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "a32ad7b05e4c434118b5f36b46aefc94932983430a956f618f75d9cb7b90dc1d"
 },
 "ref_id": "forskrift/2010-03-12-390",
 "schema_version": "1",
 "slug": "forskrift-om-inndraging-av-fangst-m-m",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2010-05-01",
  "last_change_in_force": "2025-06-12",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om inndraging av fangst og bruk av inndregne midlar\n\n## § 1. Verkeområde\n\nDenne forskrifta gjeld for inndraging av ulovleg fangst og fangst utover fastsett kvote, eller verdi av slik fangst, gjort i medhald av [havressurslova § 54](lov/2008-06-06-37/§54) og [deltakerloven § 27](lov/1999-03-26-15/§27), jf. [§ 30](lov/1999-03-26-15/§30), samt inndregne midlar i medhald av [fiskesalslagslova § 21](lov/2013-06-21-75/§21).\n\n> Endra ved [forskrift 24 aug 2020 nr. 1710](forskrift/2020-08-24-1710).\n\n## § 2. Vedtakskompetanse\n\nSalslaget som har ansvaret for omsetning i første hand av den aktuelle arten i det området der fartøyet er registrert, gjer vedtak om inndraging av fangst utover kvote, jf. [havressurslova § 12](lov/2008-06-06-37/§12), [§ 13](lov/2008-06-06-37/§13) og [§ 14](lov/2008-06-06-37/§14).\n\nSalslaget som førstehandsomsetninga av fangsten som blir inndregen er lagt til, gjer vedtak om inndraging av\n\n1. ulovleg bifangst,\n2. fangst hausta i fredingstid etter [forskrift 22. desember 2004 nr. 1878 om utøvelse av fisket i sjøen kap. VI](forskrift/2004-12-22-1878/kapVI),\n3. fangst hausta i strid med [havressurslova § 23](lov/2008-06-06-37/§23), og\n4. fangst utover turkvote jf. [deltakerloven § 27](lov/1999-03-26-15/§27),\n5. fangst som er hausta eller omsett i førstehand i strid med føresegner etter [fiskesalslagslova](lov/2013-06-21-75) jf. [fiskesalslagslova § 21](lov/2013-06-21-75/§21),\n6. ulovleg fangst av kveite under minstemål.\n\nFiskeridirektoratet gjer vedtak om inndraging som følgje av andre brot på [havressurslova](lov/2008-06-06-37) og [deltakerloven](lov/1999-03-26-15) enn dei nemnte i første og andre ledd, og kan i tillegg gjere vedtak om inndraging etter brot som nemnt i andre ledd.\n\nKlagesakeininga i Fiskeridirektoratet er klageinstans for vedtak etter første ledd, andre ledd bokstav a) til d) og tredje ledd. Departementet er klageinstans for vedtak etter andre ledd bokstav e).\n\n> Endra ved [forskrifter 27 mai 2010 nr. 726](forskrift/2010-05-27-726), [24 aug 2020 nr. 1710](forskrift/2020-08-24-1710), [31 okt 2022 nr. 1889](forskrift/2022-10-31-1889) (i kraft 1 nov 2022), [12 juni 2025 nr. 1054](forskrift/2025-06-12-1054).\n\n## § 3. Vederlag ved ilandføring\n\nVed inndraging som følgje av fangst utover kvote eller andre brot skal ein gi vederlag for omkostningar ved ilandføring dersom meirfangsten eller den ulovlege fangsten ikkje var tilsikta.\n\nVederlaget skal setjast til 20 % av verdien av meirfangsten eller den ulovlege fangsten.\n\nFørste og andre ledd gjeld likevel ikkje ved inndraging av fangst utover kvote av brisling, lodde, makrell, hestemakrell, kolmule, norsk vårgytande sild, nordsjøsild, tobis, augepål eller kongekrabbe etter [havressurslova § 12](lov/2008-06-06-37/§12), [§ 13](lov/2008-06-06-37/§13) og [§ 14](lov/2008-06-06-37/§14).\n\nVed berekning av verdien som skal inndragast, benyttes gjennomsnittleg pris som er oppnådd for vedkomne art (fiskeslag) i dei leveransane som er omfatta av inndraginga.\n\n> Endra ved [forskrifter 27 mai 2010 nr. 726](forskrift/2010-05-27-726), [24 aug 2020 nr. 1710](forskrift/2020-08-24-1710), [20 des 2023 nr. 2232](forskrift/2023-12-20-2232) (i kraft 1 jan 2024).\n\n## § 4. Disponering av inndregne midlar\n\nMidlar inndregne som følgje av brot på havressurslova, fiskesalslagslova og deltakerloven skal nyttast til å dekkje salslaget sine utgifter til kontroll med om føresegner fastsette i medhald av havressurslova, fiskesalslagslova og deltakerloven vert følgde og til frakttilskot.\n\nMidlar inndregne som følgje av fangst utover kvote i medhald av [havressurslova § 54](lov/2008-06-06-37/§54) jf. [§ 12](lov/2008-06-06-37/§12), [§ 13](lov/2008-06-06-37/§13) og [§ 14](lov/2008-06-06-37/§14) og [deltakerloven § 27](lov/1999-03-26-15/§27) kan, i tillegg til formålet i første ledd, nyttast til prisutjamning eller pristilskot for leverte fangstar. Verdien av den delen av fangst utover kvote som overstig gruppekvoten, jf. [havressurslova § 11](lov/2008-06-06-37/§11) andre ledd, kan likevel ikkje nyttast til prisutjamning eller pristilskot for leverte fangstar.\n\nSalslaget kan nytte midlar inndregne som følgje av fangst utover kvote til andre formål når departementet i det enkelte tilfelle gir løyve til dette.\n\n> Endra ved [forskrift 24 aug 2020 nr. 1710](forskrift/2020-08-24-1710).\n\n## § 5. Mellombels tilbakehald av fangstverdi\n\nSalslaget kan halde tilbake verdien av fangst når det er grunn til å tru at verdien av fangsten vil verte inndregen. Salslaget skal halde tilbake verdien av fangst når varsel om inndraging er sendt før fiskaren har fått oppgjer for fangsten. Fiskaren skal gjerast kjend med at fangstverdien mellombels er halden tilbake.\n\nVerdien kan haldast tilbake i inntil 45 dagar frå den dagen fiskaren fekk melding om at fangstverdien mellombels er halden tilbake. Ved motsegn mot varsel om inndraging kan tilbakehaldstida forlengast med ytterlegare 45 dagar dersom dette er meldt til fiskaren.\n\n## § 6. Rapportering\n\nSalslaget skal kvart år innan 1. april gi melding til Nærings- og fiskeridepartementet og Fiskeridirektoratet om kva midlar som er inndregne det føregåande år, heimelsgrunnlag og om kva midlane har vorte nytta til. Meldinga skal attesterast av salslaget sin revisor.\n\n> Endra ved [forskrift 24 aug 2020 nr. 1710](forskrift/2020-08-24-1710).\n\n## § 7. Endring av forskrifta\n\nNærings- og fiskeridepartementet kan gjere endringar i denne forskrifta.\n\n> Endra ved [forskrift 24 aug 2020 nr. 1710](forskrift/2020-08-24-1710).\n\n## § 8. Ikraftsetjing\n\nDenne forskrifta trer i kraft 1. mai 2010. Samtidig vert [forskrift 20. november 1989 nr. 1185](forskrift/1989-11-20-1185) om inndragning av fangst og anvendelse av inndratte midler og [delegeringsvedtak 16. desember 2008 nr. 1376](forskrift/2008-12-16-1376) oppheva.\n",
 "title": "Forskrift om inndraging av fangst og bruk av inndregne midlar",
 "type": "forskrift"
}