{
 "canonical_id": "sf-20250402-0576#paragraf-16",
 "canonical_url": "https://lovspor.no/forskrift/forskrift-om-kommunal-og-distriktsdepartementets-tilskot-til-kompetanse-og-arbeidskraft-i-distrikta/paragraf/16/",
 "heading_id": "16",
 "language": "nn",
 "links": {
  "parent": "https://lovspor.no/forskrift/forskrift-om-kommunal-og-distriktsdepartementets-tilskot-til-kompetanse-og-arbeidskraft-i-distrikta/"
 },
 "provenance": {
  "renderer_version": 8,
  "representation_hash": "23ed8351f669784903edbc8ebc3f559a968b1e84c235f982f2c19ea4302d3098",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "83ad335788bd958d77171ce1d2c5e6ef96197066f6264b0b01c8f0a9ebe1e0a1"
 },
 "ref_id": "forskrift/2025-04-02-576",
 "schema_version": "1",
 "slug": "forskrift-om-kommunal-og-distriktsdepartementets-tilskot-til-kompetanse-og-arbeidskraft-i-distrikta",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2025-04-03",
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "### § 16. Ansvaret og oppgåvene til fylkeskommunen\n\nFylkeskommunen er ansvarleg for at forvaltinga av løyvinga skjer i tråd med forskrifta og gjeldande lover og regelverk, mellom anna [forvaltningslova](lov/1967-02-10) og Det europeiske økonomiske samarbeidsområde § 63 og vedlegg XV 1h jf. [§ 8](forskrift/2025-04-02-576/§8), og eventuelt setje i verk sanksjonar, jf. [§ 13](forskrift/2025-04-02-576/§13) Bortfall av tilskot og tilbakebetaling.\n\nFylkeskommunen fastset eventuelt andre vilkår som er naudsynte for å sikre at løyvinga blir brukt i samsvar med vilkår i oppdragsbrev frå oppdragsgjevar og forskrift for ordningane.\n\nDet er høve til å kombinere tilskot frå ordningane med andre offentlege verkemiddel, med dei avgrensingar som følgjer av reglane om offentleg støtte.\n\nFylkeskommunen skal utarbeide søknadsskjema, sette søknadsfrist og utløyse tilskotsmidlane på [regionalforvaltning.no](https://regionalforvaltning.no) og tildele midlar dersom ordninga er søknadsbasert, jf. [Reglement for økonomistyring i staten](forskrift/2003-12-12-1938) kap. 6.3 Tilskuddsforvaltning. Vidare skal tilskotsforvaltar spesifisere heimel som stønaden vert tildelt etter, jf. [§ 8](forskrift/2025-04-02-576/§8).\n\nAlle tildelingar og rapportering skal registrerast i [regionalforvaltning.no](https://regionalforvaltning.no) i tråd med skjema for tilskota.\n\nFylkeskommunen skal rapportere gjennom [regionalforvaltning.no](https://regionalforvaltning.no) til departementet på kriterium for måloppnåing jf. [§ 2](forskrift/2025-04-02-576/§2) for mobiliseringsordninga og [§ 6](forskrift/2025-04-02-576/§6) for studiesenterordninga. Rapporten skal mellom anna innehalde ei oversikt over tildelingane og ei vurdering av korleis tildelingane har bidratt til å nå føremålet med ordningane.\n\nDepartementet kan gje nærare føringar for rapportering til fylkeskommunane i oppdragsbreva.\n\nFylkeskommunane oppmodast til å drøfte sine planlagde tiltak og utlysingar i regionale kompetanseforum og liknande partnarskap.\n",
 "title": "Ansvaret og oppgåvene til fylkeskommunen",
 "type": "paragraf"
}