{
 "canonical_id": "sf-20260610-1052#paragraf-7-8",
 "canonical_url": "https://lovspor.no/forskrift/forskrift-om-opptak-studium-og-eksamen-ved-høgskulen-i-volda-2/paragraf/7-8/",
 "heading_id": "7-8",
 "language": "nn",
 "links": {
  "parent": "https://lovspor.no/forskrift/forskrift-om-opptak-studium-og-eksamen-ved-høgskulen-i-volda-2/"
 },
 "provenance": {
  "renderer_version": 8,
  "representation_hash": "f7f86b26373cb29b579cb0bf5de564b7e49d6d2c60c9845c5b82d29e9f009c4b",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "d72779cdaaf7813fbce3d869accc2d811798c5ef04ae2893c901ddb29a21dde4"
 },
 "ref_id": "forskrift/2026-06-10-1052",
 "schema_version": "1",
 "slug": "forskrift-om-opptak-studium-og-eksamen-ved-høgskulen-i-volda-2",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2026-08-01",
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "### § 7-8. Utveksling til utlandet\n\n(1) Høgskulen i Volda tilbyr utveksling til utlandet for studentar på fleirårige studieprogram.\n\n(2) Ein bachelorgradsstudent skal normalt ha fullført og bestått første studieår (60 studiepoeng) ved Høgskulen i Volda før utreise. Dei studieprogramansvarlege kan i enkelttilfelle bestemme at ein student som ikkje har fullført 60 studiepoeng, likevel skal få reise på utveksling.\n\n(3) Ein mastergradsstudent må ha fullført og bestått første semester (30 studiepoeng) ved Høgskulen i Volda før utreise. Dei studieprogramansvarlege kan i enkelttilfelle bestemme at ein student som ikkje har fullført 30 studiepoeng, likevel skal få reise på utveksling.\n\n(4) Studenten må inngå ein avtale om førehandsgodkjenning for godskriving i utdanningsplanen. Avtalen skal vere signert av studenten og fagmiljøet ved Høgskulen i Volda, og dessutan av vertsinstitusjonen dersom dette er eit krav.\n\n(5) Ein student som ikkje fullfører i tråd med førehandsgodkjenninga, må be om ei ny vurdering om godskriving når utvekslingsopphaldet er avslutta.\n\n(6) Studenten er sjølv ansvarleg for å skaffe visum, ta vaksinar og kjøpe forsikringar som trengst til utvekslingsopphaldet, og andre forhold som studenten bør vite om.\n\n(7) Under utvekslingsopphaldet må studenten vere semesterregistrert og betale semesteravgift til Høgskulen i Volda.\n\n(8) Etter at utvekslingsopphaldet er gjennomført, skal studenten levere ein rapport om opphaldet.\n\n(9) Etter at utvekslingsopphaldet er gjennomført, skal studenten levere gyldig dokumentasjon frå vertsinstitusjonen i form av ei karakterutskrift, så snart sensuren er klar. Berre gyldig dokumentasjon med fullført resultat vil bli lagd inn som del av utdanninga.\n\n(10) Høgskulen i Volda er ikkje juridisk ansvarleg for ein student på utvekslingsavtale, men har plikt til å gi nødvendig informasjon om visum, forsikring og andre forhold som studenten bør vite om.\n\n(11) Ein utvekslingsstudent kan ikkje vere under særskild skikkavurdering, jf. [uhl. § 12-3](lov/2024-03-08-9/§12-3) og [forskrift til universitets- og høyskoleloven kapittel 7](forskrift/2024-06-28-1392/kap7).\n",
 "title": "Utveksling til utlandet",
 "type": "paragraf"
}