{
 "canonical_id": "sf-20170314-0324#paragraf-1-3",
 "canonical_url": "https://lovspor.no/forskrift/forskrift-om-opptak-studium-og-eksamen-ved-skrivekunstakademiet-i-hordaland/paragraf/1-3/",
 "heading_id": "1-3",
 "language": "no",
 "links": {
  "parent": "https://lovspor.no/forskrift/forskrift-om-opptak-studium-og-eksamen-ved-skrivekunstakademiet-i-hordaland/"
 },
 "provenance": {
  "renderer_version": 8,
  "representation_hash": "4d03ff19ffc21d4d66cfb465dadaac6eb0d8d30bb87178ac8a34402897888112",
  "retrieved_at": "2026-09-14T09:46:33.107190+00:00",
  "source_revision": "7b080b8d8674ef9c667f44bf725454848f4f7f4d",
  "xml_hash": "3ae14352509df6cbba7dfd678260d2d9e7b6613491e66053fc62a874eefe3b70"
 },
 "ref_id": "forskrift/2017-03-14-324",
 "schema_version": "1",
 "slug": "forskrift-om-opptak-studium-og-eksamen-ved-skrivekunstakademiet-i-hordaland",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2017-03-14",
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "### § 1-3. Definisjonar\n\n*Student*\n\nPerson som er tatt opp til studium ved Skrivekunstakademiet i Hordaland og som har ein bindande og ikkje avslutta kontrakt ved eit emne eller studieprogram.\n\n*Studierett*\n\nRettigheiter knytt til det å vere tatt opp som student og ha ein gjeldande studiekontrakt. Studierett inneber rett til deltaking i all organisert undervising, rettleiing med vidare ved det studiet studenten er tatt opp til.\n\n*Studieprogram*\n\nEit studium med eit definert innhald bestemt av en studieplan, som fører fram til avsluttande eksamenar eller en grad.\n\n*Studieplan*\n\nEi overordna beskriving av oppbygging og gjennomføring av eit årsstudium. Beskrivinga skal innehalde bestemmingar vedrørande omfang, studiepoeng, mål, læringsutbytte, fagleg innhald og vurderingsordning.\n\n*Emne*\n\nDen minste studiepoengivande eininga som kan inngå i eit årsstudium.\n\n*Emnebeskriving*\n\nSkal innehalde bestemmingar om omfang, krav til forkunnskap, faginnhald, læringsutbytte, undervisings- og arbeidsformer, læremiddel og pensum, vurderingsformer og eventuelle arbeidskrav.\n\n*Studiepoeng*\n\nMål på studieomfang, der 60 studiepoeng tilsvarar eitt års fulltidsstudium.\n\n*Pensum*\n\nLitteratur eller t.d. nettstader, filmar, forestillinger, førelesingar eller liknande som studentane nytter i læringssituasjonen.\n\n*Arbeidskrav*\n\nKrav som må vere godkjent for å gå opp til eksamen. Arbeidskrav kan bestå av obligatoriske innleveringar, munnlege framlegg, undervising, praksis og liknande som ikkje utgjer ein del av eksamen. Arbeidskrav vert vurdert som godkjent/ikkje-godkjent.\n\n*Eksamen*\n\nEin eksamen er ein avsluttande oppgåve innan eit emne eller eit avgrensa delemne. Resultatet av arbeidet (vurderingsgrunnlaget) vert sensurert, og resultatet av sensuren skal inngå på vitnemål eller karakterutskrift.\n\n*Ordinær eksamen*\n\nOrdinær eksamen er første gang ein student går opp til eksamen i eit emne eller deler av emne.\n\n*Utsett eksamen*\n\nUtsett eksamen er den vurderinga som vert arrangert for studentar som har hatt dokumentert gyldig fråvær ved ordinær eksamen.\n\n*Ny eksamen/kontinuasjonseksamen*\n\nNy eksamen/kontinuasjonseksamen er den vurderinga som vert arrangert for studentar som ikkje har bestått eller ikkje har møtt/levert ordinær eksamen og for studentar som ønsker å forbedre det samlede vurderingsresultatet for et emne.\n\n*Ekstraordinær eksamen*\n\nEkstraordinær eksamen er den vurderinga som vert arrangert i emner som er tatt ut av emneporteføljen.\n\n*Vurderingsform*\n\nFormen ein eksamen eller ein deleksamen har.\n\n*Deleksamen*\n\nEin av flere vurderingar i eit emne som kvar gir ei sjølvstendig vurdering som skal inngå i berekninga av endeleg karakter i emnet. Vekta av kvar deleksamen skal vere angitt i emnebeskrivinga.\n\n*Grad*\n\nUtdanning av bestemt omfang og samansetning, og som gir rett til å bruke ein bestemt tittel. Tittelen vert dokumentert i eit vitnemål.\n",
 "title": "Definisjonar",
 "type": "paragraf"
}