{
 "canonical_id": "sf-20170106-0013#paragraf-4-10",
 "canonical_url": "https://lovspor.no/forskrift/forskrift-om-opptak-til-høgare-utdanning/paragraf/4-10/",
 "heading_id": "4-10",
 "language": "no",
 "links": {
  "parent": "https://lovspor.no/forskrift/forskrift-om-opptak-til-høgare-utdanning/"
 },
 "provenance": {
  "renderer_version": 8,
  "representation_hash": "a308f7ed5a470f416330b730e61f742ae79e48ed6c975667904c21b4b9122f10",
  "retrieved_at": "2026-09-09T08:55:12.118049+00:00",
  "source_revision": "14b6bb0de0273354db91c13b8f69a0b1324680d9",
  "xml_hash": "b421920b94da388d7a5bb8207c7c2aca1782c49d8cee9458b0515d71e752d0ae"
 },
 "ref_id": "forskrift/2017-01-06-13",
 "schema_version": "1",
 "slug": "forskrift-om-opptak-til-høgare-utdanning",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2017-01-15",
  "last_change_in_force": "2026-02-26",
  "note": "Current corpus state; not an applicability-at-date determination.",
  "status": "current"
 },
 "text": "### § 4-10. Spesielle opptakskrav til diverse fag\n\n(1) *Spesialtilpassa høgskuleutdanning for døve* ved Noregs teknisk-naturvitskaplege universitet har krav om at søkjarar må dokumentere ferdigheiter i norsk teiknspråk etter nærmare reglar fastsette av institusjonen.\n\n(2) *Studium* ved Samisk høgskole og studium i samiske språk ved andre institusjonar har krav om at søkjarar må dokumentere kunnskapar i samisk språk etter nærmare reglar fastsette av institusjonen.\n\n(3) Trafikklærarutdanning har krav om at søkjarar oppfyller krava til førarkort som gjeld for godkjenning som trafikklærar.\n\n(4) *Paramedicutdanning* (årsstudium) har krav om fagbrev som ambulansepersonell eller relevant høgare utdanning.\n\n(5) *Luftfartsfag* har krav om at søkjarar må dokumentere matematikk R1 eller matematikk (S1 + S2) og fysikk 1, og ha bestått opptaksprøve etter nærmare reglar fastsette av institusjonen.\n\n(6) *3-årig bachelorstudium i journalistikk* ved OsloMet – storbyuniversitetet har krav om at søkjarar må dokumentere minimum karakteren 4,0 i norsk (393 timar).\n\n(7) *1-årig studium i Arktisk naturguide* ved Universitetet i Tromsø – Noregs arktiske universitet har krav om at søkjarar må ha gyldig førarkort klasse S eller klasse B og dokumentere relevant praksis etter nærmare reglar fastsette av institusjonen.\n\n(8) Til følgjande studium har Høgskolen i Innlandet krav om at søkjarar må dokumentere kunnskapar i form av innsendt arbeid og bestå opptaksprøve etter nærmare reglar fastsette av institusjonen:\n\n- Bachelorstudium i dokumentar- og TV-produksjon\n- Bachelorstudium i dokumentar- og TV-regi\n- Bachelorstudium i prosjekt- og produksjonsleiing for dokumentar og TV\n- Bachelorstudium i kulturprosjektleiing.\n\n(9) *Bachelorstudium i animasjon og digital kunst ved Høgskolen i Innlandet* har krav om at søkjarar må dokumentere kunnskapar i form av innsendt arbeid og bestå opptaksprøve etter nærmare reglar fastsette av institusjonen.\n\n(10) Søkjarar til desse studia og institusjonane må bestå opptaksprøve etter nærmare reglar fastsette ved institusjonen:\n\n1. Følgjande studium ved OsloMet – storbyuniversitetet\n\n   - Fotojournalistutdanning\n   - Produktdesignutdanning\n   - Bachelor i tolking i offentleg sektor\n   - Bachelor i norsk tegnspråk.\n2. Animasjon ved Høgskulen i Volda\n3. Industridesign ved Arkitektur- og designhøgskolen i Oslo\n4. Studium ved Steinerhøyskolen\n5. Følgjande studium ved Høyskolen Kristiania\n\n   - Bachelor i Art Direction\n   - Bachelor i interiørarkitektur\n   - Bachelor i Grafisk design\n   - Bachelor i tekst og skribent\n   - Bachelor i film og TV\n   - Bachelor i lys for scene\n   - Bachelor i manus\n   - Bachelor i lyddesign\n\n(11) Høgskulekandidatutdanning for trafikklærar for tunge klassar ved Nord universitet har krav om at søkjarar oppfyller krava til førarkort for klassane BECEDE per 1. mars i opptaksåret, og dokumenterer 3 års yrkespraksis på heiltid per 1. mars i opptaksåret med køyretøy som har tillaten totalvekt over 16 tonn.\n\n> Endra ved [forskrifter 2 feb 2017 nr. 117](forskrift/2017-02-02-117), [30 jan 2018 nr. 137](forskrift/2018-01-30-137) (i kraft 1 feb 2018), [23 nov 2018 nr. 1767](forskrift/2018-11-23-1767) (i kraft 1 jan 2019), [26 nov 2019 nr. 1580](forskrift/2019-11-26-1580) som endra ved [forskrift 11 des 2019 nr. 1714](forskrift/2019-12-11-1714) (i kraft 1 jan 2020), [16 des 2020 nr. 2916](forskrift/2020-12-16-2916) (i kraft 1 jan 2021), [1 des 2021 nr. 3391](forskrift/2021-12-01-3391) (i kraft 1 jan 2022), [29 nov 2022 nr. 2086](forskrift/2022-11-29-2086) (i kraft 1 jan 2023), [2 feb 2023 nr. 134](forskrift/2023-02-02-134), [19 des 2023 nr. 2223](forskrift/2023-12-19-2223), [19 des 2024 nr. 3488](forskrift/2024-12-19-3488), [21 nov 2025 nr. 2336](forskrift/2025-11-21-2336).\n",
 "title": "Spesielle opptakskrav til diverse fag",
 "type": "paragraf"
}