{
 "canonical_id": "sf-20170106-0013#paragraf-4-7",
 "canonical_url": "https://lovspor.no/forskrift/forskrift-om-opptak-til-høgare-utdanning/paragraf/4-7/",
 "heading_id": "4-7",
 "language": "no",
 "links": {
  "parent": "https://lovspor.no/forskrift/forskrift-om-opptak-til-høgare-utdanning/"
 },
 "provenance": {
  "renderer_version": 8,
  "representation_hash": "5e71990300c9c071c2f969458473d447de1597b27c8ec87577efb89f849c5d20",
  "retrieved_at": "2026-09-09T08:55:12.118049+00:00",
  "source_revision": "14b6bb0de0273354db91c13b8f69a0b1324680d9",
  "xml_hash": "b421920b94da388d7a5bb8207c7c2aca1782c49d8cee9458b0515d71e752d0ae"
 },
 "ref_id": "forskrift/2017-01-06-13",
 "schema_version": "1",
 "slug": "forskrift-om-opptak-til-høgare-utdanning",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2017-01-15",
  "last_change_in_force": "2026-02-26",
  "note": "Current corpus state; not an applicability-at-date determination.",
  "status": "current"
 },
 "text": "### § 4-7. Spesielle opptakskrav til lærarutdanningar\n\n(1) *Grunnskulelærarutdanning og 5-årig lektorutdanning* har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 4,0 i fellesfaget matematikk (224 timar) eller minimum 40 skulepoeng og eit gjennomsnitt på minimum karakteren 3,0 i norsk (393 timar) og 3,0 i fellesfaget matematikk (224 timar). Karakterkravet i matematikk gjeld ikkje for søkjarar som kan dokumentere bestått programfag i matematikk med eit omfang på minst 140 timar eller tilsvarande. Søkjarar kan i tillegg måtte gjennomføre ei opptaksprøve i form av eit intervju etter nærmare reglar fastsette av institusjonen.\n\nFor søkjarar som har samisk som førstespråk eller andrespråk, gjeld karakterkravet i norsk for gjennomsnittet av karakterane i norsk (309 timar) og samisk (309 timar).\n\nFor søkjarar som har norsk teiknspråk, kvensk eller finsk som andrespråk, gjeld karakterkravet i norsk gjennomsnittet av karakterane i første- og andrespråket.\n\nFor søkjarar til grunnskulelærarutdanning ved Samisk høgskole gjeld i tillegg krava som er fastsette i [§ 4-10](forskrift/2017-01-06-13/§4-10).\n\n(2) *Grunnskulelærarutdanning og 5-årig lektorutdanning med realfag, miljø- og naturfag* har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og i tillegg kravet som er fastsett for realfag, miljø- og naturfag i [§ 4-3](forskrift/2017-01-06-13/§4-3) tredje eller fjerde ledd.\n\n(3) *Grunnskulelærarutdanning med musikk* har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 4,0 i fellesfaget matematikk (224 timar) eller minimum 40 skulepoeng og eit gjennomsnitt på minimum karakteren 3,0 i norsk (393 timar) og 3,0 i fellesfaget matematikk (224 timar). Karakterkravet i matematikk gjeld ikkje for søkjarar som kan dokumentere bestått programfag i matematikk med eit omfang på minst 140 timar eller tilsvarande. I tillegg kan institusjonen fastsetje krav om dokumenterte kunnskapar og ferdigheiter i musikk etter nærmare reglar.\n\n(4) *Grunnskulelærar- og barnehagelærarutdanning med sørsamisk eller lulesamisk* har krav om at søkjarar må dokumentere kunnskapar i sørsamisk eller lulesamisk språk etter nærmare reglar fastsette av institusjonen. For grunnskulelærarutdanning gjeld i tillegg at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 4,0 i fellesfaget matematikk (224 timar) eller minimum 40 skulepoeng og eit gjennomsnitt på minimum karakteren 3,0 i norsk (393 timar) og 3,0 i fellesfaget matematikk (224 timar). Karakterkravet i matematikk gjeld ikkje for søkjarar som kan dokumentere bestått programfag i matematikk med eit omfang på minst 140 timar eller tilsvarande.\n\n(5) *Faglærarutdanning i praktiske og estetiske fag og Lærarutdanning i praktiske og estetiske fag for trinn 1–13* (5-årig) har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 3,0 i matematikk (224 timar). Søkjarar til faglærarutdanning i musikk, dans og drama må i tillegg dokumentere kunnskapar og ferdigheiter i musikk, dans eller drama etter nærmare reglar fastsette av institusjonen.\n\n(6) *Grunnutdanning i musikk, dans og drama som er pedagogisk retta* kan ha krav om at søkjarar må dokumentere kunnskapar og ferdigheiter i musikk, dans eller drama etter vedtak og nærmare reglar fastsette av institusjonen.\n\n(7) *Yrkesfaglærarutdanning* har krav om fag-/sveinebrev eller anna fullført og bestått 3-årig yrkesutdanning i skule frå vidaregåande opplæring og 2 års relevant praksis etter avslutta utdanning. I dei tilfella der ein må ha autorisasjon for å praktisere i yrket, må ein òg ha autorisasjon for å komme inn på yrkesfaglærarutdanninga.\n\n(8) *3-årig lærarutdanning for tospråklege lærarar* har krav om at søkjarar må dokumentere eit gjennomsnitt på minimum karakteren 3,0 i norsk (393 timar) og tospråkleg kompetanse etter nærmare reglar fastsette av institusjonen.\n\n> Endra ved [forskrifter 23 nov 2018 nr. 1767](forskrift/2018-11-23-1767) (i kraft 1 jan 2019), [26 nov 2019 nr. 1580](forskrift/2019-11-26-1580) (i kraft 1 jan 2020), [16 des 2020 nr. 2916](forskrift/2020-12-16-2916) (i kraft 1 jan 2021), [22 jan 2021 nr. 211](forskrift/2021-01-22-211) (i kraft 31 jan 2021), [9 april 2021 nr. 1130](forskrift/2021-04-09-1130), [1 des 2021 nr. 3391](forskrift/2021-12-01-3391) (i kraft 1 jan 2022), [11 jan 2022 nr. 52](forskrift/2022-01-11-52) (i kraft 12 jan 2022), [2 feb 2023 nr. 134](forskrift/2023-02-02-134), [19 des 2024 nr. 3488](forskrift/2024-12-19-3488).\n",
 "title": "Spesielle opptakskrav til lærarutdanningar",
 "type": "paragraf"
}