§ 8-2. Korleis klagenemnda skal nemnast opp og vere samansett

Departementet nemner opp klagenemnda.

Klagenemnda skal ha sju medlemmer og vere slik samansett:

1. ein leiar og ein nestleiar som skal vere juristar, jf. advokatloven § 67. Departementet utpeikar leiar og nestleiar. Nestleiar er vara for leiar.
2. to medlemmer og to numeriske varamedlemmer frå dei institusjonane forskrifta gjeld for.
3. éin medlem med personleg varamedlem frå forvaltingsområdet for vidaregåande opplæring.
4. to medlemmer og to numeriske varamedlemmer som representerer studentane. Medlemmene skal oppnemnast i samsvar med forslag frå representative studentorganisasjonar.

Medlemmene oppnemnast for inntil fire år, med unntak av studentrepresentantane som oppnemnast for inntil to år. Medlemmene kan gjenoppnemnast éin gong. Personar som har vore varamedlemmer kan oppnemnast i to periodar som fast medlem.

Krava i likestillings- og diskrimineringsloven § 28 første ledd skal oppfyllast for studentrepresentantane og dei andre medlemmene kvar for seg.

Endra ved forskrifter 2 feb 2017 nr. 117, 30 jan 2018 nr. 137 (i kraft 1 feb 2018), 23 nov 2018 nr. 1767 (i kraft 1 jan 2019), 29 nov 2022 nr. 2086 (i kraft 1 jan 2023), 2 juli 2025 nr. 1463 (i kraft 1 aug 2025).