{
 "canonical_id": "sf-20240624-1858#paragraf-2-5",
 "canonical_url": "https://lovspor.no/forskrift/forskrift-om-opptak-til-høgskulen-på-vestlandet/paragraf/2-5/",
 "heading_id": "2-5",
 "language": "nn",
 "links": {
  "parent": "https://lovspor.no/forskrift/forskrift-om-opptak-til-høgskulen-på-vestlandet/"
 },
 "provenance": {
  "renderer_version": 8,
  "representation_hash": "5a30ff25d5c6755afbf3354f5197a7ec2a8b8a3091110dc82fa4ddd1c637dbde",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "50b000c870ca7411f7cb83d83be116f90bc3013d6781f948510cb047d0c999cf"
 },
 "ref_id": "forskrift/2024-06-24-1858",
 "schema_version": "1",
 "slug": "forskrift-om-opptak-til-høgskulen-på-vestlandet",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2024-08-01",
  "last_change_in_force": "2025-11-20",
  "note": "Current corpus state; not an applicability-at-date determination.",
  "status": "current"
 },
 "text": "### § 2-5. Opptaksgrunnlag praktisk-pedagogisk utdanning\n\n(1) For opptak til praktisk-pedagogisk utdanning for allmenne fag gjeld minstekrav for opptak bestemt i [forskrift om rammeplan for praktisk-pedagogisk utdanning](forskrift/2025-07-04-1449), i tillegg til krav som går fram av studieplanen.\n\n(2) For opptak til praktisk-pedagogisk utdanning for yrkesfag gjeld minstekrav for opptak bestemt i [forskrift om rammeplan for praktisk-pedagogisk utdanning for yrkesfag for trinn 8-13](forskrift/2025-07-04-1450), i tillegg til krav som går fram av studieplanen.\n\n(3) Det er berre mogleg å få opptak til éin didaktisk fagprofil.\n\n(4) Yrkesfagleg praktisk-pedagogisk utdanning (PPU-Y) har følgjande alternative opptaksgrunnlag:\n\n1. profesjonsretta bachelorgrad og minimum to års relevant yrkespraksis, eller\n2. fag-/sveinebrev eller anna fullført treårig yrkesutdanning på vidaregåande nivå, generell studiekompetanse, minst to års yrkesteoretisk utdanning og fire års relevant yrkespraksis.\n\n(5) Allmennfagleg praktisk-pedagogisk utdanning (PPU-A) har følgjande alternative opptaksgrunnlag\n\n1. ein mastergrad og minst eitt relevant fag, i eller i tillegg til graden, som gir kompetanse til å undervise, jf. [forskrift 3. juni 2024 nr. 900 om grunnskoleopplæringa og den vidaregåande opplæringa kapittel 12](forskrift/2024-06-03-900/kap12) eller\n2. ein bachelorgrad og minst eitt relevant fag, i eller i tillegg til graden, som gir kompetanse til å undervise, jf. [forskrift 3. juni 2024 nr. 900 om grunnskoleopplæringa og den vidaregåande opplæringa kapittel 12](forskrift/2024-06-03-900/kap12), og minst to års relevant arbeidserfaring frå grunnskulen eller den vidaregåande skulen, eller\n3. ein bachelorgrad i utøvande eller skapande kunstfag i finansieringskategori A eller B, med minimum 180 studiepoeng i kunstfaget, eller\n4. ein bachelorgrad med inntil tre fag som gir kompetanse til å undervise i praktiske og/eller estetiske fag i grunnskulen. Eitt av faga kan bli erstatta av drama/teaterfag. Det må inngå fordjuping på minst 120 studiepoeng i eitt fag. Andre fag må ha eit omfang på minst 30 studiepoeng. Det stilles krav om gjennomsnittskarakter C eller betre frå bachelorgraden, eller\n5. ein bachelorgrad i teiknspråk og tolking (døvetolkutdanning), med minst 80 studiepoeng i teiknspråk. Det stilles krav om gjennomsnittskarakter C eller betre frå bachelorgraden.\n\n(6) Søkjarar som har bachelor grad og arbeidserfaring etter femte ledd, punkt b, eller ein bachelorgrad i praktiske og estetiske fag etter femte ledd, punkt d, kan kvalifisere til opptak til praktisk-pedagogisk utdanning for siste gang til studium med oppstart våren 2030.\n\n> Endra ved forskrift [20 nov 2025 nr. 2990](forskrift/2025-11-20-2990).\n",
 "title": "Opptaksgrunnlag praktisk-pedagogisk utdanning",
 "type": "paragraf"
}