{
 "canonical_id": "sf-20240624-1858#paragraf-4-3",
 "canonical_url": "https://lovspor.no/forskrift/forskrift-om-opptak-til-høgskulen-på-vestlandet/paragraf/4-3/",
 "heading_id": "4-3",
 "language": "nn",
 "links": {
  "parent": "https://lovspor.no/forskrift/forskrift-om-opptak-til-høgskulen-på-vestlandet/"
 },
 "provenance": {
  "renderer_version": 8,
  "representation_hash": "300dd17ccb4ab137f69d95b7050e1a9909fdf973660333b382022160f8a2c2f4",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "50b000c870ca7411f7cb83d83be116f90bc3013d6781f948510cb047d0c999cf"
 },
 "ref_id": "forskrift/2024-06-24-1858",
 "schema_version": "1",
 "slug": "forskrift-om-opptak-til-høgskulen-på-vestlandet",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2024-08-01",
  "last_change_in_force": "2025-11-20",
  "note": "Current corpus state; not an applicability-at-date determination.",
  "status": "current"
 },
 "text": "### § 4-3. Poengutrekning og rangering av søkjarar til mastergrad, praktisk-pedagogisk utdanning og vidareutdanningar på høgare grads nivå\n\n(1) Søkjarar til høgare grads studium vert rangerte innbyrdes på grunnlag av konkurransepoeng. I konkurransepoenga til ein søkjar kan summen av følgjande poeng inngå:\n\n1. Karakterpoeng\n\n   1. Det vert rekna ut eit vekta karaktergjennomsnitt av opptaksgrunnlaget. Vekta gjennomsnitt er eit gjennomsnitt der kvart emne i grunnlaget er tillagt vekt etter talet på studiepoeng emnet har.\n   2. Styret kan fastsetje i studieplanen eller emneplanen at berre delar av opptaksgrunnlaget skal inngå i karakterpoengsummen.\n2. Utdanningspoeng:\n\n   Det kan bli gitt utdanningspoeng for greidd høgare utdanning ut over minstekravet for opptak etter [kapittel 2](forskrift/2024-06-24-1858/kap2) i denne forskrifta. Normalt 1 poeng per 30 studiepoeng og maksimalt 4 poeng med mindre anna er fastsett i studieplan eller emneplan.\n3. Praksispoeng\n\n   1. Det blir gitt poeng for relevant arbeidserfaring når studiet har opptakskrav om praksis, eller dersom det er fastsett i studie- eller emneplan. Normalt to poeng per 12 månadar med relevant praksis utover opptaksgrunnlaget, og maksimalt seks poeng, med mindre anna er fastsett i studie- eller emneplan. Deltid vert rekna om til heiltid.\n   2. Praksis som søkjaren har gjennomført før kvalifiserande utdanning og praksis som inngår i kvalifiseringsgrunnlaget, er ikkje medrekna i grunnlaget for praksispoeng.\n4. Andre tilleggspoeng:\n\n   Med utgangspunkt i særlege omsyn som er knytte til enkelte studium, kan styret fastsetje andre poengtypar i studieplanen eller emneplanen.\n\n(2) For søkjarar med bokstavkarakterar eller talkarakterar vert følgjande omrekningsskala nytta som grunnlag for utrekning av gjennomsnittskarakter som fører fram til ein talverdi:\n\n| *Bokstavkarakter* | *Talkarakter* | *Gamle bokstavkarakterar* | *Gir følgjande talverdi* |\n| --- | --- | --- | --- |\n| A | 1,0–2,2 | Særs godt (sg) | 5 |\n| B | 2,3–2,5 | Mykje godt (mg) | 4 |\n| C | 2,6–2,7 | Godt (g) | 3 |\n| D | 2,8–3,0 | Noko godt (ng) | 2 |\n| E | 3,1–4,0 | Lite godt (lg) | 1 |\n\n(3) Det er berre fag med tal eller bokstavkarakterar som tel med i utrekninga av karaktersnitt. Der det ikkje er vekting på karakterutskrifter og vitnemål skal det reknast snitt av alle gjeldande karakterar.\n\n(4) På vitnemål utan tal-/bokstavkarakter reknast karakteren «bestått/greidd» som C = 3. I særlege tilfelle kan anna høgare utdanning enn den som inngår i det formelle opptaksgrunnlaget, bli teken med i rangeringa. Søknaden vert då rangert etter [§ 4-13](forskrift/2024-06-24-1858/§4-13) i denne forskrifta.\n\n(5) Utvekslingsopphald på 30 studiepoeng eller meir vert tatt med i rangeringsgrunnlaget der det er utarbeida omrekningstabellar av Direktoratet for høyere utdanning eller ved Høgskulen på Vestlandet. Omrekningstabellar frå høgskulen vert utarbeida av Enhet for studentopptak og fastsett av utdanningsutvalet.\n\n> Endra ved forskrift [20 nov 2025 nr. 2990](forskrift/2025-11-20-2990).\n",
 "title": "Poengutrekning og rangering av søkjarar til mastergrad, praktisk-pedagogisk utdanning og vidareutdanningar på høgare grads nivå",
 "type": "paragraf"
}