{
 "canonical_id": "sf-20240117-0079#paragraf-9",
 "canonical_url": "https://lovspor.no/forskrift/forskrift-om-sektoravgift-og-gebyr-til-nasjonal-kommunikasjonsmyndigheit/paragraf/9/",
 "heading_id": "9",
 "language": "nn",
 "links": {
  "parent": "https://lovspor.no/forskrift/forskrift-om-sektoravgift-og-gebyr-til-nasjonal-kommunikasjonsmyndigheit/"
 },
 "provenance": {
  "renderer_version": 8,
  "representation_hash": "29b4b92bd9eb5e2eefbf07229eb66c98db2b15c69b2147a71319ddc27f8de89d",
  "retrieved_at": "2026-09-09T08:55:12.118049+00:00",
  "source_revision": "c811418c283e955fbe76935d79e84dfafd75358d",
  "xml_hash": "6868ecef3141e71768717313461b22f769a8e6b1e725a92cf040f699b319b0ac"
 },
 "ref_id": "forskrift/2024-01-17-79",
 "schema_version": "1",
 "slug": "forskrift-om-sektoravgift-og-gebyr-til-nasjonal-kommunikasjonsmyndigheit",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2024-01-17",
  "last_change_in_force": "2026-02-01",
  "note": "Current corpus state; not an applicability-at-date determination.",
  "status": "current"
 },
 "text": "## § 9. Sektoravgift for tilbydar av elektronisk kommunikasjonsnett og elektronisk kommunikasjonsteneste\n\nNasjonal kommunikasjonsmyndigheit kan i enkeltvedtak fastsetje og krevje inn ei sektoravgift frå tilbydarar av elektronisk kommunikasjonsnett og elektronisk kommunikasjonsteneste i samsvar med [ekomloven § 17-1](lov/2024-12-13-76/§17-1) og [bredbåndsutbyggingsloven § 22](lov/2020-05-07-40/§22). Sektoravgifta omfattar også Nasjonal kommunikasjonsmyndigheits forvaltningsoppgåver som sektormyndigheit etter [sikkerhetsloven](lov/2018-06-01-24).\n\nSektoravgifta som skal fordelast mellom tilbydarar av elektronisk kommunikasjonsnett og elektronisk kommunikasjonsteneste er samla sektoravgift etter [§ 2 første ledd nummer 1](forskrift/2024-01-17-79/§2/ledd/1/nummer/1) etter frådrag for sektoravgifter og gebyr etter [§ 6](forskrift/2024-01-17-79/§6), [§ 7](forskrift/2024-01-17-79/§7), [§ 8](forskrift/2024-01-17-79/§8) og [§ 9a](forskrift/2024-01-17-79/§9a).\n\nBeløpet etter andre ledd skal fordelast forholdsmessig mellom tilbydarar av elektronisk kommunikasjonsnett og elektronisk kommunikasjonsteneste. Kvar tilbydar skal betale ein del av dette beløpet som svarar til tilbydaren sin del av den samla relevante omsetninga. Relevant omsetning er omsetning i marknaden for elektronisk kommunikasjonsnett og elektronisk kommunikasjonsteneste knytt til eksternt sal i konsern eller selskap og geografisk avgrensa til Noreg. Omsetning knytt til innhald, til dømes TV-innhald, blir ikkje rekna som omsetning i marknaden for elektronisk kommunikasjonsnett og elektronisk kommunikasjonsteneste.\n\nDet gis eit botnfrådrag på 43 millionar kroner for konsern eller selskap, slik at sektoravgifta blir berekna av omsetning som overstig 43 millionar kroner i siste rekneskapsåret før sektoravgiftsperioden.\n\nNasjonal kommunikasjonsmyndigheit kan fordele sektoravgifta etter andre kriteria enn omsetning, for å oppnå ei betre forholdsmessig fordeling av sektoravgifta. Kriteria kan mellom anna vere brøkdel av talet på abonnentar eller brøkdel av trafikkvolum på sluttbrukarnivået. Blir eit anna kriterium nytta, skal det gjelde for heile marknadar eller delar av enkeltmarknadar så langt det går. Sektoravgifta skal også etter slike kriteria fordelast etter prinsippet for omsetninga. Det same gjeld vurderinga av samla aktivitet, talet på abonnentar, trafikkvolumet i konsern eller andre grunnlag for fordelinga. Botnfrådraget i fjerde ledd gjeld tilsvarande.\n\nNasjonal kommunikasjonsmyndigheit kan i enkeltvedtak nærmare fastsetje kva slags relevant omsetning som omfattast og skal leggast til grunn for berekninga av sektoravgifta.\n\n> Endra ved forskrifter [29 jan 2024 nr. 135](forskrift/2024-01-29-135), [13 des 2024 nr. 3121](forskrift/2024-12-13-3121) (i kraft 1 jan 2025).\n",
 "title": "Sektoravgift for tilbydar av elektronisk kommunikasjonsnett og elektronisk kommunikasjonsteneste",
 "type": "paragraf"
}