{
 "canonical_id": "sf-20250612-1547#paragraf-4-5",
 "canonical_url": "https://lovspor.no/forskrift/forskrift-om-studium-og-eksamen-ved-høgskulen-på-vestlandet/paragraf/4-5/",
 "heading_id": "4-5",
 "language": "nn",
 "links": {
  "parent": "https://lovspor.no/forskrift/forskrift-om-studium-og-eksamen-ved-høgskulen-på-vestlandet/"
 },
 "provenance": {
  "renderer_version": 8,
  "representation_hash": "2b7bee80beb2d620c078b8171c82a2bb1def6b51a3cf40716ec68b215715c17b",
  "retrieved_at": "2026-08-15T04:39:48.557558+00:00",
  "source_revision": "c92dca93cd7854dc2cfd61a2151c23dc67566c22",
  "xml_hash": "f4d6e012e8f89121c7c26941348d5b035df364f18e750f7c378a3540f7610ad2"
 },
 "ref_id": "forskrift/2025-06-12-1547",
 "schema_version": "1",
 "slug": "forskrift-om-studium-og-eksamen-ved-høgskulen-på-vestlandet",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2025-08-01",
  "last_change_in_force": "2026-08-10",
  "note": "Current corpus state; not an applicability-at-date determination.",
  "status": "current"
 },
 "text": "### § 4-5. Semesteravgift, kopi- og læremiddelavgift og vederlag privatistar\n\n(1) Alle studentar skal kvart semester betale semesteravgift, jf. [lov om studentsamskipnader § 10](lov/2007-12-14-116/§10), og kopi- og læremiddelavgift. Styret fastset kopi- og læremiddelavgift. Fristen for å betale er 1. september i haustsemesteret og 1. februar i vårsemesteret. For vidareutdanningar, utdanningar med studieavgift og oppdragsbaserte utdanningar med oppstart etter 1. september i haustsemesteret og 1. februar i vårsemesteret, er fristen for betale seinast 14 dagar etter oppstart.\n\n(2) Studentar som er tatt opp til studium som til saman er normert til mindre enn 15 studiepoeng per semester, skal betale kopi- og læremiddelavgift berre i semester med eksamen. Studenten kan velje å betale semesteravgift i semester utan eksamen.\n\n(3) Studentar som tek utdanning ved fleire institusjonar under [universitets- og høyskoleloven](lov/2024-03-08-9), skal betale semesteravgift til utdanningsinstitusjonen der dei tek flest studiepoeng, jf. [forskrift om studentsamskipnader § 15 andre ledd](forskrift/2008-07-22-828/§15/ledd/2).\n\n(4) Studentar som reiser på utveksling til utlandet, skal betale semesteravgift og kopi- og læremiddelavgift til Høgskulen på Vestlandet, dersom ikkje anna går fram av samarbeidsavtalen med institusjonen i utlandet.\n\n(5) Studentar som kjem til Høgskulen på Vestlandet gjennom ein utvekslingsavtale (Nordplus, Erasmus+ og bilaterale avtalar), betaler semesteravgift til heimeinstitusjonen. Internasjonale studentar som ikkje er knytt til ein utvekslingsavtale, skal betale semesteravgift og kopi- og læremiddelavgift til Høgskulen på Vestlandet, dersom det ikkje eksisterer nokon avtale om fritak.\n\n(6) Doktorgradskandidatar som får støtte frå Statens lånekasse for utdanning etter reglane i sjette del i forskriftene til [lov om utdanningsstøtte](lov/2005-06-03-37) til elevar og studentar, gjennom NORAD eller UD-finansierte program, kan velje å betale semesteravgift jf. [forskrift om studentsamskipnader § 17 fjerde ledd](forskrift/2008-07-22-828/§17/ledd/4).\n\n(7) Studentar på oppdragsbaserte studieprogram som er finansiert av oppdragsgivar eller med eigenbetaling ved studieavgift frå studenten sjølv, betaler ikkje kopi- og læremiddelavgift.\n\n(8) Høgskulen kan bestemme at deltakarane på eit oppdragsbasert studieprogram får fritak frå semesteravgift, når det etter ei samla vurdering av undervisninga sitt omfang, undervisnings- og eksamensstad og andre forhold ikkje verkar rimeleg å rekne deltakarane som studentar, jf. [forskrift om studentsamskipnader § 17 sjette ledd](forskrift/2008-07-22-828/§17/ledd/6). Ved tvil skal høgskulen rådføre seg med studentsamskipnaden. Deltakaren kan likevel velje å betale semesteravgift.\n\n(9) Semesteravgifta må vere betalt før studenten kan få studentkort og studentbevis.\n\n(10) Deltakarar på etterutdanningskurs og andre kurs det ikkje er knytt studiepoeng til, betaler ikkje semesteravgift.\n\n(11) Privatistar skal i tillegg til semesteravgifta betale vederlag til høgskulen, jf. [universitets- og høyskoleloven § 11-4 tredje ledd](lov/2024-03-08-9/§11-4/ledd/3). Rektor fastset vederlaget.\n\n(12) Studentar som har betalt semesteravgifta, men trekkjer seg innan frist for semesterregistrering, kan få semesteravgifta refundert, jf. [forskrift om studentsamskipnader § 22](forskrift/2008-07-22-828/§22).\n\n(13) Studentar som er mellombels utestengt etter vedtak i høgskulen si nemnd for studentsaker skal ikkje betale semesteravgift eller kopi- og læremiddelavgift.\n",
 "title": "Semesteravgift, kopi- og læremiddelavgift og vederlag privatistar",
 "type": "paragraf"
}