§ 7-4. Sensor

(1) Sensor skal ha kompetanse til å vurdere om studentane har oppnådd læringsutbyttet for utdanninga eller emnet, jf. fagskoletilsynsforskriften § 2-5.

(2) Styret for Fagskulen Vestland delegerer rektor mynde til å nemne opp sensor ved vurdering når resultatet inngår i vitnemålet eller blir rekna inn i karakter for utdanninga, jf. fagskoleloven § 21 andre ledd.

(3) Ved ordinær sensur kan fagskulen sjølv avgjere antalet sensorar. Ved sensurering av vurderingar som ikkje lar seg etterprøve, for eksempel munnleg og praktisk eksamen, krevst det minst to sensorar.

(4) Ved ordinær sensur kan fagskulen sjølv avgjere bruk av intern og ekstern sensor. Eksterne sensorar kan ikkje vere tilsett ved Fagskulen Vestland.

(5) Ved ny sensur etter fagskoleloven §§ 22 og 23 skal éin eller fleire nye sensorar brukast. Minst éin sensor skal vere ekstern, jf. fagskoleloven § 21 fjerde ledd.