{
 "canonical_id": "sf-20191217-1872#paragraf-8-4",
 "canonical_url": "https://lovspor.no/forskrift/forskrift-om-tilbakebetaling-av-utdanningslån-2020/paragraf/8-4/",
 "heading_id": "8-4",
 "language": "no",
 "links": {
  "parent": "https://lovspor.no/forskrift/forskrift-om-tilbakebetaling-av-utdanningslån-2020/"
 },
 "provenance": {
  "renderer_version": 8,
  "representation_hash": "e957632e9cbfffe34e2a0fdc71dd18daadd1076d188635b42aa49cbefc473b45",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "4947375fa1d82ba03ecab6c9a4f1198c301b8e91054e13492f0f589145ef284f"
 },
 "ref_id": "forskrift/2019-12-17-1872",
 "schema_version": "1",
 "slug": "forskrift-om-tilbakebetaling-av-utdanningslån-2020",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2020-01-01",
  "last_change_in_force": "2020-05-29",
  "note": "Current corpus state; not an applicability-at-date determination.",
  "status": "current"
 },
 "text": "### § 8-4. Andre sosiale og økonomiske vilkår\n\nEin låntakar som har hatt ei person- og kapitalinntekt per år under grensene i [§ 8-2](forskrift/2019-12-17-1872/§8-2) medan han eller ho oppfylte eit av krava i bokstavane a-g, har rett til å få sletta renter for heile eller delar av den aktuelle perioden. For rett til å få sletta renter etter bokstav c, d, f eller g, må samla hushaldsinntekt i tillegg ha vore under grensene i [§ 8-3](forskrift/2019-12-17-1872/§8-3).\n\n1. *Sjukdom eller arbeidsløyse*\n\n   Låntakaren var sjuk, registrert arbeidslaus eller mottakar av arbeidsavklaringspengar. Det er ein føresetnad at forholdet varte i minst tre månader samanhengande.\n2. *Førstegongsteneste og utdanning i Forsvaret*\n\n   Låntakaren avtente førstegongsteneste i Noreg eller eit anna EØS-land, eller var elev ved ein militær skole. Det er ein føresetnad at forholdet varte i minst tre månader samanhengande.\n3. *Fødsel eller adopsjon*\n\n   Låntakaren fekk barn og hadde omsorga for barnet etter fødselen. Låntakaren får sletta renter i opp til tolv månader frå fødselen. Låntakarar som adopterte barn under ti år, får sletta renter etter dei same reglane i opp til tolv månader frå adopsjonsdatoen.\n4. *Omsorgsarbeid*\n\n   Låntakaren hadde over tre månader i strekk omsorg for nokon i den nærmaste familien. Dette gjeld uføre, menneske med nedsett funksjonsevne og eldre med stort pleiebehov.\n5. *Økonomisk stønad etter sosialtjenesteloven*\n\n   Låntakaren hadde i over tre månader i strekk ikkje anna inntekt enn økonomisk stønad etter [sosialtjenesteloven § 18](lov/2009-12-18-131/§18). I slike tilfelle kan renter bli sletta for opp til 36 månader til saman.\n6. *Fulltidsarbeid med låg brutto inntekt*\n\nLåntakaren hadde i minst tolv månader i strekk fulltidsarbeid og samtidig låg gjennomsnittleg brutto månadsinntekt. Inntektsgrensa for 2020 er 17 039 kroner, for 2019 16 447 kroner, for 2018 15 929 kroner og for 2017 15 465 kroner. Låntakaren kan få sletta renter for opp til 36 månader til saman. Frivillig ulønt arbeid gir ikkje rett til sletting av renter.\n\n1. *Soning*\n\nLåntakaren sona i fengsel eller sikringsanstalt i minst tolv månader i strekk og hadde samtidig låg gjennomsnittleg brutto månadsinntekt. Inntektsgrensa for 2020 er 17 039 kroner, for 2019 16 447 kroner, for 2018 15 929 kroner og for 2017 15 465 kroner.\n",
 "title": "Andre sosiale og økonomiske vilkår",
 "type": "paragraf"
}