{
 "canonical_id": "sf-20211215-3636#paragraf-2-4",
 "canonical_url": "https://lovspor.no/forskrift/forskrift-om-tilbakebetaling-av-utdanningslån-2022/paragraf/2-4/",
 "heading_id": "2-4",
 "language": "no",
 "links": {
  "parent": "https://lovspor.no/forskrift/forskrift-om-tilbakebetaling-av-utdanningslån-2022/"
 },
 "provenance": {
  "renderer_version": 8,
  "representation_hash": "2a713425bd5ddf7c7ff985172ca23a267f2eb0d3744fa5ab051e79f600619dd2",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "1818a33e22709d9e917510b1ab307a658b0e8e30d68fd5fa9cb6437c5b664296"
 },
 "ref_id": "forskrift/2021-12-15-3636",
 "schema_version": "1",
 "slug": "forskrift-om-tilbakebetaling-av-utdanningslån-2022",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2022-01-01",
  "last_change_in_force": "2022-01-27",
  "note": "Current corpus state; not an applicability-at-date determination.",
  "status": "current"
 },
 "text": "### § 2-4. Utrekning av rente\n\nUtgangspunktet for rentesatsane i Lånekassen er ei basisrente som er fastsett av Finanstilsynet i samsvar med [forskrift til utfylling og gjennomføring mv. av skatteloven av 26. mars 1999 nr. 14 § 5-12-5](forskrift/1999-11-19-1158/§5-12-5). Basisrenta blir fastsett med utgangspunkt i uttrekk av prisar på bustadlån frå Finansportalen gjennom ein observasjonsperiode. Basisrenta er lik gjennomsnittet av dei fem lågaste prisane på bustadlån på kvart observasjonstidspunkt i observasjonsperioden. Observasjonsperiodane startar ved årsskiftet.\n\nFlytande basisrente blir fastsett på grunnlag av to månaders observasjon av tilbod om bustadlån med flytande rente. Ny flytande rente tek til å gjelde to månader etter avslutta observasjonsperiode.\n\nFast basisrente blir fastsett på grunnlag av éin månads observasjon av tilbod om bustadlån med den same rentebindingstida som i avtalen om fast rente på utdanningslånet. Ny fast rente tek til å gjelde éin månad etter avslutta observasjonsperiode.\n\nLånekassen fastset dei nominelle rentene på lånet til låntakaren. Desse blir rekna ut frå basisrenta minus 0,15 prosentpoeng. Formelen for å rekne ut den nominelle renta er slik:\n\n$$r_n = \\\\left[ (1 + r_e)^{\\\\frac 1n} -1\\\\right] n$$\n\nTeiknforklaring:\n\n|  |  |\n| --- | --- |\n| *rn* | årleg nominell rente i prosent |\n| *re* | basisrenta minus 0,15 prosentpoeng (årleg effektiv rente i prosent før gebyr) |\n| *n* | tolv, som er talet på betalingsterminar per år |\n\nNår effektiv rente skal reknast ut, kjem i tillegg gebyr ved varsling og for sein betaling, og gebyr og kostnader ved innkrevjing, sjå [kapittel 4](forskrift/2021-12-15-3636/kap4).\n\nDei nominelle og effektive rentene blir oppgitte med tre desimalar.\n\nRentebelastning skjer på etterskott med ei nominell perioderente som svarer til den årlege nominelle renta dividert på 365 eller 366 dagar.\n\nEtter kvart forfall blir det rekna renter av renter som ikkje er betalte. Det blir også rekna renter av renter som er lagde til gjelda i perioden frå lånet blir gjort renteberande og fram til første terminforfall, og i periodar med betalingsutsetjing.\n\nFor låntakarar som har lån frå før 1. juli 1985, blir det ikkje rekna renter av rentegjeld som er opparbeidd før 1. januar 1990.\n\nDet blir ikkje rekna renter av renter som er lagde til på grunn av forseinka betaling, sjå [§ 2-3](forskrift/2021-12-15-3636/§2-3).\n",
 "title": "Utrekning av rente",
 "type": "paragraf"
}