{
 "canonical_id": "sf-20071022-1167",
 "canonical_url": "https://lovspor.no/forskrift/forskrift-om-tilskot-til-landbruksvikarordninga/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "6b8e761a573e7fc1afa357d6cac8c7b876965bf70cd8c140e53e7125c3a2f19b",
  "retrieved_at": "2026-04-29T11:20:30.048320+00:00",
  "source_revision": "3d499af6bbf54fee7f8a80cdc1e213284feca295",
  "xml_hash": "029fa3a9bfb075238492a480e7a2b23a059f22c19eba283e8626d029adc658f5"
 },
 "ref_id": "forskrift/2007-10-22-1167",
 "schema_version": "1",
 "slug": "forskrift-om-tilskot-til-landbruksvikarordninga",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2008-01-01",
  "last_change_in_force": "2021-09-15",
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om tilskot til landbruksvikarordninga\n\n## § 1. Føremål\n\nTilskotet skal bidra til å sikre at føretak med husdyr- og planteproduksjon får tilgang på kvalifisert hjelp til avløysing ved sjukdom og i krisesituasjonar.\n\n## § 2. Bruk av landbruksvikar\n\nAvløysarlag som mottek tilskot til landbruksvikarverksemd pliktar innanfor sitt geografiske ansvarsområde, fastsett av statsforvaltaren etter samråd med avløysarlaga, å ha tilstrekkeleg landbruksvikarberedskap tilgjengeleg.\n\nAvløysarlaga skal ved sjukdom og i krisesituasjonar yte hjelp til føretak med husdyr- og planteproduksjon, som har rett på tilskot til avløysing ved sjukdom mv., jf. [forskrift 19. desember 2014 nr. 1821](forskrift/2014-12-19-1821) om tilskot til avløysing ved sjukdom og fødsel mv. Denne plikta er avgrensa til 14 dagar per tilfelle. Dersom landbruksvikaren ikkje nyttast i slik samanheng, kan vikaren nyttast til annan avløysing.\n\n> Endra ved [forskrifter 30 juni 2015 nr. 824](forskrift/2015-06-30-824), [21 juli 2016 nr. 942](forskrift/2016-07-21-942) (i kraft 15 sep 2016), [17 des 2018 nr. 2118](forskrift/2018-12-17-2118) (i kraft 1 jan 2019), [21 des 2020 nr. 3044](forskrift/2020-12-21-3044) (i kraft 1 jan 2021).\n\n## § 3. Søknad og rapportering\n\nSøknadsskjema og rapporteringsskjema vert fastsett av Landbruksdirektoratet.\n\nSøknad om tilskot til landbruksvikarverksemd for inneverande år og rapport om landbruksvikarverksemda for føregåande år skal sendast statsforvaltaren innan 1. februar.\n\n> Endra ved [forskrifter 3 sep 2014 nr. 1144](forskrift/2014-09-03-1144), [17 des 2018 nr. 2118](forskrift/2018-12-17-2118) (i kraft 1 jan 2019), [21 des 2020 nr. 3044](forskrift/2020-12-21-3044) (i kraft 1 jan 2021).\n\n## § 4. Tilskot\n\nTilskotet vert utrekna med grunnlag i føresegner fastsett i eller i medhald av jordbruksoppgjeret.\n\n> Endra ved [forskrift 17 des 2018 nr. 2118](forskrift/2018-12-17-2118) (i kraft 1 jan 2019).\n\n## § 5. Administrasjon, dispensasjon og klage\n\nLandbruksdirektoratet administrerer tilskot etter denne forskrifta. Vedtak om tilskot etter forskrifta gjerast av statsforvaltaren.\n\nStatsforvaltaren kan gi dispensasjon frå denne forskrifta når særlege grunnar talar for det.\n\nVedtak som er fatta i medhald av forskrifta kan påklagast til Landbruksdirektoratet.\n\n> Endra ved [forskrifter 3 sep 2014 nr. 1144](forskrift/2014-09-03-1144), [21 juli 2016 nr. 942](forskrift/2016-07-21-942) (i kraft 15 sep 2016), [21 des 2020 nr. 3044](forskrift/2020-12-21-3044) (i kraft 1 jan 2021).\n\n## § 6. Opplysningsplikt og kontroll\n\nAvløysarlag som mottek tilskot etter denne forskrifta er pliktig til å gje alle nødvendige opplysningar som statsforvaltaren eller Landbruksdirektoratet krev.\n\nStatsforvaltaren og Landbruksdirektoratet kontrollerar at utbetaling av tilskot etter denne forskrifta er rett, og kan foreta stadleg kontroll hos avløysarlag som mottek tilskot. Avløysarlaget pliktar å medverke ved slik kontroll.\n\n> Endra ved [forskrifter 3 sep 2014 nr. 1144](forskrift/2014-09-03-1144), [21 des 2020 nr. 3044](forskrift/2020-12-21-3044) (i kraft 1 jan 2021).\n\n## § 7. Avkorting av tilskotet mv.\n\nVed brot på føresegner i denne forskrifta kan heile eller deler av tilskotet krevjast tilbake. Ved gjentatte brot kan avløysarlaga miste retten til å motta tilskot.\n\nFor mykje utbetalt tilskot kan krevjast tilbake eller motreknast i seinare utbetalingar av tilskot.\n\nDersom søknaden eller rapportering om tilskot er sendt inn for seint eller inneheld urette opplysningar, kan tilskotet verte avkorta eller utbetaling avslått.\n\nDet kan krevjast forseinkingsrente i medhald av [lov 17. desember 1976 nr. 100](lov/1976-12-17-100) om renter ved forsinket betaling m.m. for det beløp som krevjast tilbakebetalt.\n\n## § 8. Ikraftsetjing\n\nForskrifta gjeld frå 1. januar 2008.\n",
 "title": "Forskrift om tilskot til landbruksvikarordninga",
 "type": "forskrift"
}