Forskrift om førehandsvarsling og om fjellstyrevedtak.

Om førehandsvarsling og melding om fjellstyrevedtak.

§ 1

Førehandsvarsling etter § 16 i forvaltningslova og melding om vedtak etter § 27 i forvaltningslova, skal fjellstyret i regelen gjera skriftleg, i brev, eller om fjellstyret finn det mest høveleg, ved forsvarleg offentleg kunngjering.

I særlege høve kan fjellstyret gje varsel eller melding munnleg.

§ 2

Førehandsvarsling frå eit fjellstyre skal gje parten(ane) ein frist på minst ei veke til å gje fråsegn i saka.

§ 3

Forskriftene gjeld frå og med 1. august 1983. Frå same tid held forskrifter gjevne 6. april 1976 opp å gjelde.