{
 "canonical_id": "sf-20060825-1006#paragraf-3",
 "canonical_url": "https://lovspor.no/forskrift/forskrift-om-vern-av-hardangermorellar/paragraf/3/",
 "heading_id": "3",
 "language": "no",
 "links": {
  "parent": "https://lovspor.no/forskrift/forskrift-om-vern-av-hardangermorellar/"
 },
 "provenance": {
  "renderer_version": 8,
  "representation_hash": "118f97d8aa293d391f5a40f10f3ec8591ccf5ad5344c715c467e17ac9df50ebc",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "bcb829bbd01a67e673dae5d3a565993a57b2ed94caebfaa0dfa2efe0356e769d"
 },
 "ref_id": "forskrift/2006-08-25-1006",
 "schema_version": "1",
 "slug": "forskrift-om-vern-av-hardangermorellar",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2006-08-25",
  "last_change_in_force": "2023-07-25",
  "note": "Current corpus state; not an applicability-at-date determination.",
  "status": "current"
 },
 "text": "## § 3. Vilkår for bruk av produktnemninga\n\n1\\. *Produktbeskriving*\n\nHardangermorellar / Morellar frå Hardanger / Hardangermoreller / Moreller fra Hardanger er morellar (*Prunus avium*) dyrka i Hardanger.\n\nHardangermorellar / Morellar frå Hardanger / Hardangermoreller / Moreller fra Hardanger skal ha dei spesielle eigenskapane som er karakteristiske for den enkelte morellsorten når det gjeld storleik, form, farge og smak, og tilfredsstille minimumskrava til storleik, og refraktometerverdi i tabell 1.\n\nHardangermorellar / Morellar frå Hardanger / Hardangermoreller / Moreller fra Hardanger skal vera feilfrie og ha stilk.\n\n*Tabell 1: Produktkrav (minimumskrav) Hardangermorellar*\n\n| *Morellsort* | *Diameter (mm)* | *Farge (Cerice-skala)* | *Refraktometerverdi (%)* |\n| --- | --- | --- | --- |\n| Alle sortar | > 24 | 3–7 | 14,0 |\n\n2\\. *Geografisk område*\n\nHardangermorellar / Morellar frå Hardanger / Hardangermoreller / Moreller fra Hardanger skal dyrkast, sorterast og pakkast i Hardanger. Hardanger definerast som området rundt dei indre delane av Hardangerfjorden, rekna frå dei sørlegaste grensene til kommunane Kvam og Ullensvang og inkludert fjordarmane Granvinsfjorden, Osafjorden med Ulvikpollen, Eidfjorden med Simadalsfjorden og Sørfjorden.\n\n3\\. *Produksjonsmetode*\n\n*Planting og dyrking*\n\nHardangermorellar / Morellar frå Hardanger / Hardangermoreller / Moreller fra Hardanger skal dyrkast etter moderne produksjonsmetodar. Morelltrea skal plantast og formast på ein måte som sikrar gode lysforhold i alle delar av trea.\n\nMorelltrea skal plantast på jord som er veldrenert, porøs, kalka og grunngjødsla før utplanting.\n\nPlantevern skal gjennomførast etter prinsippet om integrert plantevern. Det skal vatnast etter behov, og kalkast og gjødslast planmessig.\n\nHardangermorellar / Morellar frå Hardanger / Hardangermoreller / Moreller fra Hardanger skal dyrkast i plasttunnelar eller under tilsvarande plastdekkesystem.\n\n*Hausting*\n\nHardangermorellar / Morellar frå Hardanger / Hardangermoreller / Moreller fra Hardanger skal haustast og handterast varsamt for å unngå støytflekker og skadar. Rett haustetidpunkt skal fastsetjast med bakgrunn i visuell vurdering av farge (fargeskjema), subjektiv vurdering av fastleik og smak og måling av oppløyst tørrstoff. Om nødvendig skal trea haustast i fleire omgangar for å sikra ein jamn produktkvalitet.\n\nHaustetidpunkt vil vera sortsavhengig.\n\nInntransport, kvalitetskontroll, lagring, sortering, pakking og uttransport\n\nHardangermorellar / Morellar frå Hardanger / Hardangermoreller / Moreller fra Hardanger skal vera registrert på pakkeri og sett på kjølerom seinast 6 timar etter hausting.\n\nAlle vareparti skal vurderast visuelt ved mottak. Frå minst 10 % av produsentane skal det takast ut 100 morellar frå kvar sort for visuell kontroll av ytre kvalitet. Frå dei same 100 fruktene skal 15 morellar analyserast for innhald av oppløyst tørrstoff.\n\nVed pakking/distribusjon skal det takast stikkprøver frå minst 5 vareparti av kvar sort for å sikra samsvar med fastsette krav til produktkvalitet.\n\nHardangermorellar / Morellar frå Hardanger / Hardangermoreller / Moreller fra Hardanger skal tilfredsstilla produktkrava i tabell 1. Morellane skal leverast til kjølelager same dag som hausting, og raskt kjølast ned til rett temperatur.\n\n4\\. *Merking av produktet*\n\nHardangermoreller / Moreller frå Hardanger / Moreller fra Hardanger kan merkjast med figurmerket forbeskytta geografisk nemning / beskyttet geografisk betegnelse.\n\n> Endra ved [forskrift 25 juli 2023 nr. 1284](forskrift/2023-07-25-1284).\n",
 "title": "Vilkår for bruk av produktnemninga",
 "type": "paragraf"
}