{
 "canonical_id": "sf-20131217-1592",
 "canonical_url": "https://lovspor.no/forskrift/forskrift-om-å-klargjere-morskap/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "986a5467a0922804c1269474783860d1e6e929b1452d83b27d154e65fbdf04d2",
  "retrieved_at": "2026-04-29T11:20:30.048320+00:00",
  "source_revision": "3d499af6bbf54fee7f8a80cdc1e213284feca295",
  "xml_hash": "25be0744ba57dc0a6adc59752b3965101c6fb58a3b5109505786047f3d71e4c8"
 },
 "ref_id": "forskrift/2013-12-17-1592",
 "schema_version": "1",
 "slug": "forskrift-om-å-klargjere-morskap",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2014-01-01",
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift om å klargjere morskap\n\n## § 1. Oppgåva til tilskotsfuten\n\nDet er tilskotsfuten (Arbeids- og velferdsetaten) som skal utføre oppgåver på vegne av det offentlege etter [barnelova § 5](lov/1981-04-08-7/§5).\n\nNår tilskotsfuten blir kjent med at morskap til eit barn ikkje er lagt til grunn i samsvar med reglane i barnelova, skal tilskotsfuten klargjere identiteten til kvinna som har født barnet.\n\n## § 2. Opplysning av saka\n\nTilskotsfuten skal skrive til faren til barnet og påleggje han å gi opplysningar om identiteten til kvinna som har født barnet. Faren skal få ein frist til å uttale seg.\n\nDersom tilskotsfuten ikkje mottar nødvendig dokumentasjon innan fristen, skal han kalle faren til barnet inn til samtale og påleggje han å gi opplysningar om kven som er mor til barnet. Tilskotsfuten skal gi faren informasjon om reglane om foreldreskap, vidare saksgang, rettar og plikter som følgjer av morskap og om menneskerettane til barnet.\n\n## § 3. Handsaming av saka\n\nNår tilskotsfuten får opplysningar om identiteten til kvinna som har født barnet, skal han leggje opplysningane fram for kvinna som er oppgitt som mor og be henne om å uttale seg. Tilskotsfuten skal gi kvinna informasjon som i [§ 2](forskrift/2013-12-17-1592/§2) andre stykket. Kvinna som er oppgitt som mor skal få ein frist til å uttale seg.\n\nArbeids- og velferdsdirektoratet kan reise sak for retten for å klargjere morskapen, jf. [barnelova § 29b](lov/1981-04-08-7/§29b).\n\nDersom det ikkje ligg føre opplysningar om identiteten til kvinna som har født barnet, må tilskotsfuten leggje bort saka. Tilskotsfuten kan opne sak for å klargjere morskapen seinare, dersom det kjem fram nye opplysningar.\n\n## § 4. Avslutning av saka\n\nTilskotsfuten skal sende dokumentasjon for kven som har født barnet, jf. [barnelova § 2](lov/1981-04-08-7/§2), til folkeregistermyndigheita.\n\nDersom tilskotsfuten legg bort saka, skal han sende melding til folkeregistermyndigheita. Det same gjeld dersom retten avgjer at det ikkje ligg føre eit morskap.\n\n## § 5. Ikraftsetjing\n\nForskrifta her tek til å gjelde 1. januar 2014.\n",
 "title": "Forskrift om å klargjere morskap",
 "type": "forskrift"
}