{
 "canonical_id": "sf-20151218-1616#paragraf-2-6",
 "canonical_url": "https://lovspor.no/forskrift/kassasystemforskrifta/paragraf/2-6/",
 "heading_id": "2-6",
 "language": "no",
 "links": {
  "parent": "https://lovspor.no/forskrift/kassasystemforskrifta/"
 },
 "provenance": {
  "renderer_version": 8,
  "representation_hash": "ca44b41d1ea2daaf5b45e500978b26137027327b712f515c0240a7b51c32f40a",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "5963df2545bf0813b602c3492577c67b39904a2df7100dd6b157445823a464f2"
 },
 "ref_id": "forskrift/2015-12-18-1616",
 "schema_version": "1",
 "slug": "kassasystemforskrifta",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2017-01-01",
  "last_change_in_force": "2026-02-03",
  "note": "Current corpus state; not an applicability-at-date determination.",
  "status": "current"
 },
 "text": "### § 2-6. Funksjonar som eit kassasystem ikkje skal ha\n\n(1) Programvaren i eit kassasystem skal ikkje ha andre funksjonar enn det som går fram av systemskildringa, jf. [kassasystemlova § 3](lov/2015-06-19-58/§3) andre ledd.\n\n(2) Programvaren i eit kassasystem skal ikkje kunne koplast saman med eller integrerast med utrustning eller programvare som gjer det mogeleg å endre eller slette elektronisk journal.\n\n(3) Programvaren i eit kassasystem skal ikkje ha funksjonar som gjer det mogeleg for brukaren å ta bort, endre eller legge til opplysningar i registreringane. Programmert tekst på varer og tenester skal ikkje kunne endrast ved eller etter registreringa.\n\n(4) Det skal ikkje vere mogeleg å avslutte sal utan at systemet fullfører salet og skriv ut ei salskvittering. Kravet til at kassasystemet skal generere utskrift automatisk gjeld ikkje dersom det i samband med salet nyttast ei betalingsløysing som er integrert i kassasystemet. For drivstoff-, parkerings- og billettautomatar, samt andre ubetjente automatar som har funksjon til å skrive salskvittering, kan systemet ha ein funksjon som gjer det frivillig for kunden å ta ut salskvittering. Systemet skal ikkje kunne skrive ut meir enn éi kopikvittering. Dette er ikkje til hinder for at taxfree-butikkar i lufthavner har system som kan skrive ut fleire STEB-kvitteringar.\n\n(5) Det skal ikkje vere mogeleg å foreta registreringar i kassasystemet dersom integrert kassaskuff er open.\n\n(6) Det skal ikkje vere mogeleg å foreta registreringar i kassasystemet dersom lagringsminnet er fullt.\n\n(7) Det skal ikkje vere mogeleg å merke særskilte varer eller tenester i kassasystemet slik at dei ikkje blir tekne med på X- og Z-rapport.\n\n(8) Eit kassasystem som blir kopla saman med ei ikkje-automatisk vekt, skal ikkje kunne påverke vekta sine måletekniske eigenskapar, jf. [forskrift 21. desember 2007 nr. 1735](forskrift/2007-12-21-1735) om krav til ikke-automatiske vekter.\n\n> Endra ved [forskrifter 6 juli 2016 nr. 901](forskrift/2016-07-06-901), [4 juli 2018 nr. 1128](forskrift/2018-07-04-1128), [21 sep 2018 nr. 1349](forskrift/2018-09-21-1349).\n",
 "title": "Funksjonar som eit kassasystem ikkje skal ha",
 "type": "paragraf"
}