{
 "canonical_id": "sf-20240603-0900#paragraf-4-13",
 "canonical_url": "https://lovspor.no/forskrift/opplæringsforskrifta/paragraf/4-13/",
 "heading_id": "4-13",
 "language": "nn",
 "links": {
  "parent": "https://lovspor.no/forskrift/opplæringsforskrifta/"
 },
 "provenance": {
  "renderer_version": 8,
  "representation_hash": "107430157c822346df0bf10ff8998da494ebfe719d0c4a88828f020e5a22f03e",
  "retrieved_at": "2026-08-01T06:26:11.637345+00:00",
  "source_revision": "68ee012033bc8727144e6721569d47ece9fba5b3",
  "xml_hash": "9dcf7bd291dde95e2cc2a81f558f43c88aa10de59405c92d1b4844a3632eee05"
 },
 "ref_id": "forskrift/2024-06-03-900",
 "schema_version": "1",
 "slug": "opplæringsforskrifta",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2024-08-01",
  "last_change_in_force": "2026-08-01",
  "note": "Current corpus state; not an applicability-at-date determination.",
  "status": "current"
 },
 "text": "### § 4-13. Vilkår for inntak til vidaregåande trinn 2 og vidaregåande trinn 3\n\nSøkjarar som har bestått alle faga som er fastsette i læreplanverket for utdanningsprogrammet på vidaregåande trinn 1, skal takast inn til vidaregåande trinn 2. Søkjarar som også har bestått alle faga på programområdet på vidaregåande trinn 2, skal takast inn til vidaregåande trinn 3. Kravet om bestått gjeld også i dei faga der det berre blir gitt halvårsvurdering med karakter på det aktuelle trinnet.\n\nFølgjande søkjarar som ikkje oppfyller vilkåra for inntak etter første ledd, kan likevel takast inn til neste trinn dersom fylkeskommunen etter ei samla vurdering finn at det er forsvarleg ut frå dei faglege føresetnadene:\n\n1. søkjarar som har vedtak om individuelt tilrettelagd opplæring etter [opplæringslova § 11-6](lov/2023-06-09-30/§11-6), og som på grunn av innhaldet i vedtaket ikkje har vurdering med karakter i fleire fag frå vidaregåande trinn 1 eller trinn 2\n2. søkjarar som planlegg å følgje vidaregåande opplæring med individuelt utvalde kompetansemål\n3. søkjarar som ikkje har bestått eitt eller fleire fag.\n\nFor søkjarar som fell inn under andre ledd bokstav a og b, skal fylkeskommunen leggje vekt på den sakkunnige vurderinga og prioriteringa til søkjarane.\n\nSøkjarar som ikkje kan takast inn etter bokstav c, kan i særskilde tilfelle takast inn til neste trinn i mindre enn eit fullstendig programområde.\n\nFylkeskommunen kan også ta inn søkjarar som har gjennomført vidaregåande trinn 1 eller trinn 2 og har dokumentasjon utan bokstav- eller talkarakterar eller er utan samanliknbart karaktergrunnlag, dersom fylkeskommunen vurderer at søkjarane har tilsvarande kompetanse og at opplæringa er likeverdig i omfang.\n\nFylkeskommunen kan i særskilde tilfelle ta inn andre søkjarar dersom det ligg føre tungtvegande grunnar, og søkjaren har eit særleg behov for å bli teken inn.\n",
 "title": "Vilkår for inntak til vidaregåande trinn 2 og vidaregåande trinn 3",
 "type": "paragraf"
}