§ 3-3. Rangering av søkjarar som ikkje kan poengbereknast (realkompetansevurdering)

(1) Kvalifiserte søkjarar som ikkje kan poengbereknast, og som er 23 år eller eldre i opptaksåret, blir rangert etter ei individuell vurdering basert på skjønn, jf. fagskoleforskriften § 17 (1), jf. fagskoleloven § 16 første ledd. Fagskulen Vestland fastset sjølv kriteria for denne vurderinga, jf. fagskoleforskriften § 17 (1).

(2) Formålet med vurderinga er å avdekke om søkjaren har likeverdige ferdigheiter og kunnskapar jamført med søkjarar som får tilbod om opptak etter rangering på grunnlag av poengberekning, jf. fagskoleforskriften § 17 (1). Opptak gjort på bakgrunn av realkompetanse vil berre gjelde for den utdanninga søkjaren blir realkompetansevurdert til.

(3) Kompetansen til søkjaren blir vurdert opp mot læreplanmål i vidaregåande opplæring innan relevante programområde. Informasjon om kva som er relevant yrkesutdanning er nedfelt i studieplanane. Søkjaren må dokumentere kompetanse i felles allmenne fag som svarer til nivå 4 i Nasjonalt kvalifikasjonsrammeverk (NKR), jf. fagskoleforskriften § 7 (1).

(4) Søkjarar som søkjer studieplass ved Fagskulen Vestland på bakgrunn av realkompetanse kan vere:

1. søkjarar som har fullført vidaregåande opplæring, men i eit anna utdanningsprogram enn det som er det formelle opptakskravet
2. søkjarar som ikkje har fullført vidaregåande opplæring
3. søkjarar med utanlandsk utdanning.

(5) Rektor er ansvarleg for å fatte vedtak om opptak på bakgrunn av realkompetanse etter innstilling frå opptakskomiteen, jf. § 1-3 i denne forskrifta.