{
 "canonical_id": "sf-20130301-0246",
 "canonical_url": "https://lovspor.no/forskrift/patentstyreforskrifta/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "7fe8d21b4c26ceebe6af3e7e2898b3d130a8c56937558842fe6a95082206fd47",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "14840fdcdaf6833965eeeb74584fa849e6861ed23e09732f001ea265ad572486"
 },
 "ref_id": "forskrift/2013-03-01-246",
 "schema_version": "1",
 "slug": "patentstyreforskrifta",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2013-04-01",
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "\n# Forskrift til patentstyrelova (patentstyreforskrifta)\n\n## § 1. Patentstyrets organisering og saksbehandling\n\nPatentstyrets direktør fastset nærare føresegner om organiseringa av og saksbehandlinga i Patentstyret.\n\n## § 2. Patentstyrets informasjonstenester\n\nPatentstyret utfører informasjonstenester innanfor områda patent, varemerke og design, mellom anna førehandsundersøkingar og overvaking av rettar. For slike tenester skal det betalast eit vederlag som ikkje skal vere høgare enn marknadsprisen for tilsvarande tenester. Satsane skal gå fram av ei prisliste som Patentstyrets direktør fastset.\n\nDet kan ikkje krevjast betaling for informasjon som blir gitt for å oppfylle rettleiingsplikta etter [forvaltningsloven § 11](lov/1967-02-10/§11).\n\n## § 3. Klagenemnda for industrielle rettar\n\nI tillegg til leiaren og nestleiaren, skal Klagenemnda ha tilstrekkeleg mange eksterne medlemmer, med slike kvalifikasjonar at oppgåvene som er lagde til nemnda, kan utførast på forsvarleg vis. Dei eksterne medlemmene blir oppnemnde for periodar på tre år. Dersom saksmengda gjer at det er behov for det, kan det på eit kvart tidspunkt oppnemnast nye eksterne medlemmer.\n\nNår ei avgjerd i Klagenemnda skal takast av fleire medlemmer saman, og dei er usamde, blir avgjerda gjort med alminneleg fleirtal. Det skal gå fram av avgjerda om ho er samrøystes eller om medlemmene har vore usamde. Har medlemmene vore usamde, skal det gjerast greie både for synspunkta til fleirtalet og mindretalet.\n\nKlagenemndas leiar fastset nærare føresegner om arbeidsordninga og organiseringa til nemnda.\n\nKlagenemnda skal ha eit sekretariat som skal leggje til rette for arbeidet i nemnda, ved mellom anna å førebu saker for behandling i nemnda.\n\n## § 4. Iverksetjing m.m.\n\nForskrifta gjeld frå 1. april 2013. Frå same tid blir desse forskriftene oppheva:\n\n1. [Forskrift 25. august 1911 nr. 3743](forskrift/1911-08-25-3743) om sammensetningen av og forretningsordenen ved Styrets annen avdeling.\n2. [Forskrift 15. februar 1991 nr. 83](forskrift/1991-02-15-83) om delegering av myndighet til Næringsdepartementet etter lov om Styret for det industrielle rettsvern.\n3. [Forskrift 1. november 1992 nr. 780](forskrift/1992-11-01-780) om organiseringen av og saksbehandlingen i første avdeling i Styret for det industrielle rettsvern\n4. [Forskrift 12. november 1993 nr. 1026](forskrift/1993-11-12-1026) om delegering av myndighet etter [lov 2. juli 1910 nr. 7](lov/1910-07-02-7) om Styret for det industrielle Retsvern [§ 11](lov/1910-07-02-7/§11) annet ledd.\n5. [Forskrift 25. november 1993 nr. 1298](forskrift/1993-11-25-1298) om delegering av myndighet til Patentstyret.\n6. [Forskrift 21. november 2000 nr. 1165](forskrift/2000-11-21-1165) om forundersøkelser i Patentstyret (Styret for det industrielle rettsvern).\n\n## § 5. Endringar i andre forskrifter\n\nFrå forskrifta tek til å gjelde, blir desse endringane gjorde i andre forskrifter: – – –\n",
 "title": "Forskrift til patentstyrelova (patentstyreforskrifta)",
 "type": "forskrift"
}