Forskrifta fastsett reglar for søknad om, og innmelding og bruk av satellittinnmeldingar, som skal sikre at innmeldinga og innmeldingsprosessen er i samsvar med ekomlova og innanfor folkerettens rammer.
Forskrifta gjeld krav til søkjar om satellittinnmelding, innhald i søknad om satellittinnmelding og koordinering og bruk av satellittinnmeldingar, som Nasjonal kommunikasjonsmyndigheit melder inn til Den Internasjonale Teleunionen (ITU).
I forskrifta tydar:
Elles gjeld definisjonane i lov 13. desember 2024 nr. 76 om elektronisk kommunikasjon.
Endra ved forskrift 20 des 2024 nr. 3423 (i kraft 1 jan 2025).
Ein satellittoperatør som vil melde inn eit satellittsystem til ITU må sende søknad om innmelding til Nasjonal kommunikasjonsmyndigheit.
Søknaden skal vere på det formatet og innehalde den informasjonen som krevjast i medhald av ITU-RR. Søknaden skal òg innehalde eit samandrag av søknaden og dokumentasjon som viser at kravet i § 5 er oppfylt. Nasjonal kommunikasjonsmyndigheit kan utarbeide ein rettleiar for utfylling av søknaden.
Søkar må vere ein satellittoperatør som er registrert i norsk føretaksregister. Satellittoperatøren må òg ha slik verksemd, organisasjon eller tilknyting til Noreg at norske myndigheiter er relevant myndigheit for å gjennomføre innmeldinga til ITU.
Søkar skal dekke kostnadane staten har overfor ITU i samband med innmeldinga. Nasjonal kommunikasjonsmyndigheit kan krevje at søkar leverer bankgaranti før søknaden om satellittinnmelding vert sakshandsama.
Ved innmelding til ITU fattar Nasjonal kommunikasjonsmyndigheit vedtak om nasjonal og internasjonal koordinering av satellittinnmeldinga.
Ein satellittoperatør som vil bruke satellittinnmeldinga må sende søknad om bruksløyve til Nasjonal kommunikasjonsmyndigheit.
Søknaden må innehalde:
Satellittoperatøren plikter å sørgje for at bruk av satellittinnmeldinga ikkje skapar skadeleg interferens.
Ein satellittoperatør kan søke Nasjonal kommunikasjonsmyndigheit om notifisering av satellittinnmeldinga til ITU.
Søknaden må vere på det formatet og innehalde den informasjonen som krevjast i medhald av ITU-RR.
Søknaden må òg innehalde:
Nasjonal kommunikasjonsmyndigheit kan sende satellittinnmeldinga vidare til ITU for notifisering og endeleg registrering i Master International Frequency Register (MIFR).
Nasjonal kommunikasjonsmyndigheit kan nekte å gjennomføre innmeldinga til ITU når vilkår som er fastsett i eller i medhald av forskrifta ikkje er oppfylt.
Nasjonal kommunikasjonsmyndigheit kan etter søknad fatte enkeltvedtak som gjev innehavar av løyve etter § 6 og § 7, rett til å overdra løyvet ved sal eller utleige. Overdraging ved sal og ved vesentlige endringar i eigarsamansetning eller eigarstruktur hjå satellittoperatør skal meldast Nasjonal kommunikasjonsmyndigheit utan ugrunna opphald. Nasjonal kommunikasjonsmyndigheit kan stille vilkår til overdraginga. Nasjonal kommunikasjonsmyndigheit kan nekte overdraging, dersom ny innehavar ikkje oppfyller krava fastsett i forskrifta.
Nasjonal kommunikasjonsmyndigheit fører tilsyn med at føresegnene i forskrifta eller vedtak fatta med heimel i forskrifta overhaldast, jf. ekomloven § 15-1.
Endra ved forskrift 20 des 2024 nr. 3423 (i kraft 1 jan 2025).
Nasjonal kommunikasjonsmyndigheit kan gi pålegg om retting eller opphør av ulovlege forhold som er i strid med krava fastsett i medhald av forskrifta, jf. ekomloven § 15-5.
Nasjonal kommunikasjonsmyndigheit kan ved brot på krav i eller i medhald av forskrifta fatte vedtak om tvangsmulkt etter ekomloven § 15-11, eller vedtak om tilbakekall etter ekomloven § 15-6.
Endra ved forskrift 20 des 2024 nr. 3423 (i kraft 1 jan 2025).
Satellittoperatøren skal betale ei årleg sektoravgift til Nasjonal kommunikasjonsmyndigheit etter forskrift 20. mars 2017 nr. 386 om sektoravgift og gebyr til Nasjonal kommunikasjonsmyndigheit.
Digitaliserings- og forvaltningsdepartementet avgjer klage over enkeltvedtak fatta av Nasjonal kommunikasjonsmyndigheit.
Endra ved forskrift 20 des 2024 nr. 3423 (i kraft 1 jan 2025).
Nasjonal kommunikasjonsmyndigheit kan i særskilte høve og innanfor folkerettens rammer gjere unntak frå forskrifta eller frå føresegner i forskrifta.
Forskrifta trer i kraft 1. januar 2018.
Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form. Lovspor er ikke offisiell kunngjøringskilde. Lisenstekst.