{
 "canonical_id": "sf-20241218-3358",
 "canonical_url": "https://lovspor.no/forskrift/stortingsvedtak-om-formues-og-inntektsskatt-til-svalbard-for-inntektsåret-2025/",
 "language": "nn",
 "links": {
  "parent": null
 },
 "provenance": {
  "renderer_version": 8,
  "representation_hash": "08274dc9c0c38e5a5496e606b7efd2018adcdc8c24bd0d51ad8555de899f7812",
  "retrieved_at": "2026-09-09T08:55:12.118049+00:00",
  "source_revision": "60557841df1dd27e871de5c746c3fdd546af9432",
  "xml_hash": "bd7481acb4935d467529bd89047d129a6c21b5357a05b5e0202880671b7aa534"
 },
 "ref_id": "forskrift/2024-12-18-3358",
 "schema_version": "1",
 "slug": "stortingsvedtak-om-formues-og-inntektsskatt-til-svalbard-for-inntektsåret-2025",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": null,
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "\n# Stortingsvedtak om formues- og inntektsskatt til Svalbard for inntektsåret 2025\n\n## § 1. Bruksområde for vedtaket\n\nDette vedtaket gjeld utskriving av skatt på formue og inntekt for inntektsåret 2025 etter føresegnene i [lov 29. november 1996 nr. 68 om skatt til Svalbard](lov/1996-11-29-68). Vedtaket gjeld òg som grunnlag for utskriving av forskot på skatt for inntektsåret 2025, jf. [svalbardskattelova § 5-1](lov/1996-11-29-68/§5-1).\n\n## § 2. Skatt på formue\n\nSkatt på formue blir utrekna etter desse satsane:\n\n1. Personleg skattepliktig og dødsbu:\n\n   Det blir nytta same satsar og grensebeløp som Stortinget har vedteke skal gjelde på det norske fastlandet for formuesskatt til staten og kommunane (maksimumssats).\n2. Selskap og samanslutningar som nemnde i [skattelova § 2-36 andre ledd](lov/1999-03-26-14/§2-36/ledd/2), og som ikkje er fritekne etter [skattelova kap. 2](lov/1999-03-26-14/kap2):\n\n   Det blir nytta same satsar og grensebeløp som Stortinget har vedteke skal gjelde på det norske fastlandet for formuesskatt til staten.\n\n## § 3. Skatt på inntekt\n\nSkatt på inntekt blir utrekna etter desse satsane:\n\n1. Inntekt som blir skattlagd ved lønnstrekk etter [svalbardskattelova § 3-1](lov/1996-11-29-68/§3-1):\n\n   - Låg sats: 8 pst.\n   - Høg sats: 22 pst.\n2. 22 pst. av den delen av selskapsoverskot som er høgare enn 15 mill. kroner, og som overstig summen av\n\n   - 10 gonger kostnadene til lønn som blir skattlagd ved lønnstrekk\n   - 0,20 gonger skattemessig verdi av anlegg, fast eigedom og annan realkapital som er på Svalbard ved utgangen av inntektsåret\n3. Anna inntekt: 16 pst.\n\nPersonlege skattytarar skal ha eit frådrag i alminneleg inntekt som er omfatta av bokstav c, på 20 000 kroner.\n\n## § 4. Avrundingsreglar\n\nVed utrekning av skatt skal formue og inntekt rundast nedover til nærmaste heile krone.\n\n## § 5. Normalrentesatsen for rimeleg lån i arbeidsforhold\n\nNormalrentesatsen som nemnd i [skattelova § 5-12 fjerde ledd](lov/1999-03-26-14/§5-12/ledd/4), jf. [svalbardskattelova §§ 3-1](lov/1996-11-29-68/§3-1) og [3-2](lov/1996-11-29-68/§3-2), skal vere den same som Stortinget har vedteke skal gjelde på det norske fastlandet.\n\n## § 6. Aksjonær i utlandet\n\nSkatt på utbytte m.m. etter [skattelova § 10-13](lov/1999-03-26-14/§10-13), jf. [svalbardskattelova § 3-2](lov/1996-11-29-68/§3-2), er fastsett til 20 pst.\n\n## § 7. Inntekt etter svalbardskattelova § 6-3\n\nFor inntekt som blir skattlagd etter [svalbardskattelova § 6-3](lov/1996-11-29-68/§6-3), skal satsen vere 8 pst.\n",
 "title": "Stortingsvedtak om formues- og inntektsskatt til Svalbard for inntektsåret 2025",
 "type": "forskrift"
}