{
 "canonical_id": "sf-20181213-2028",
 "canonical_url": "https://lovspor.no/forskrift/vedtak-om-formues-og-inntektsskatt-til-svalbard-for-inntektsåret-2019/",
 "language": "no",
 "links": {
  "parent": null
 },
 "provenance": {
  "renderer_version": 8,
  "representation_hash": "8a300629229e83522c05524c6f33ed94aed4514b073292c68d21d8d6f46dd38e",
  "retrieved_at": "2026-09-09T08:55:12.118049+00:00",
  "source_revision": "6a1fbb4dbcf1e23adf4b3c08d8b8f6bc51cfb41f",
  "xml_hash": "335094ea8a31ebf553841b4def57b963d95a45014759a32dd37d42796beed5fb"
 },
 "ref_id": "forskrift/2018-12-13-2028",
 "schema_version": "1",
 "slug": "vedtak-om-formues-og-inntektsskatt-til-svalbard-for-inntektsåret-2019",
 "source": {
  "dataset": "gjeldende-sentrale-forskrifter",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": null,
  "last_change_in_force": null,
  "note": "Current corpus state; not an applicability-at-date determination.",
  "status": "current"
 },
 "text": "\n# Vedtak om formues- og inntektsskatt til Svalbard for inntektsåret 2019\n\n## § 1. Bruksområde for vedtaket\n\nDette vedtaket gjeld utskriving av skatt på formue og inntekt for inntektsåret 2019 etter føresegnene i [lov 29. november 1996 nr. 68](lov/1996-11-29-68) om skatt til Svalbard. Vedtaket gjeld òg som grunnlag for utskriving av forskot på skatt for inntektsåret 2019, jf. [lov om skatt til Svalbard § 5-1](lov/1996-11-29-68/§5-1).\n\n## § 2. Skatt på formue\n\nSkatt på formue blir utrekna etter desse satsane:\n\n1. Personleg skattepliktig og dødsbu:\n\n   Det blir nytta same satsar og grensebeløp som Stortinget har vedteke skal gjelde på det norske fastlandet for formuesskatt til staten og kommunane (maksimumssats).\n2. Selskap og samanslutning som nemnt i [skattelova § 2-36](lov/1999-03-26-14/§2-36) andre ledd, og som ikkje er fritekne etter [skattelova kapittel 2](lov/1999-03-26-14/kap2):\n\n   Det blir nytta same satsar og grensebeløp som Stortinget har vedteke skal gjelde på det norske fastlandet for formuesskatt til staten.\n\n## § 3. Skatt på inntekt\n\nSkatt på inntekt blir utrekna etter desse satsane:\n\n1. Inntekt som blir skattlagt ved lønnstrekk etter [svalbardskattelova § 3-1](lov/1996-11-29-68/§3-1):\n   Låg sats: 8 pst.\n   Høg sats: 22 pst.\n2. 22 pst. av den delen av selskapsoverskot som er høgare enn 15 mill. kroner, og som overstig summen av\n\n   - 10 gonger kostnadene til løn som blir skattlagt ved lønstrekk\n   - 0,20 gonger skattemessig verdi av anlegg, fast eigedom og annan realkapital som er på Svalbard ved utgangen av inntektsåret.\n3. Anna inntekt: 16 pst.\n\nPersonlege skatteytarar skal ha eit frådrag i alminneleg inntekt som er omfatta av c. på 20 000 kroner.\n\n## § 4. Avrundingsreglar\n\nVed utrekning av skatt skal formue og inntekt avrundast nedover til næraste heile krone.\n\n## § 5. Normalrentesatsen for rimeleg lån i arbeidsforhold\n\nNormalrentesatsen som nemnd i [skattelova § 5-12](lov/1999-03-26-14/§5-12) fjerde ledd, jf. [svalbardskattelova § 3-1](lov/1996-11-29-68/§3-1) og [§ 3-2](lov/1996-11-29-68/§3-2), skal vere den same som Stortinget har vedteke skal gjelde på det norske fastlandet.\n\n## § 6. Aksjonær i utlandet\n\nSkatt på utbytte mv. etter [skattelova § 10-13](lov/1999-03-26-14/§10-13), jf. [svalbardskattelova § 3-2](lov/1996-11-29-68/§3-2), er fastsett til 20 pst.\n\n## § 7. Inntekt etter [svalbardskattelova § 6-3](lov/1996-11-29-68/§6-3)\n\nFor inntekt som blir skattlagt etter [svalbardskattelova § 6-3](lov/1996-11-29-68/§6-3), skal satsen vere 8 pst.\n",
 "title": "Vedtak om formues- og inntektsskatt til Svalbard for inntektsåret 2019",
 "type": "forskrift"
}