{
 "canonical_id": "nl-20120120-004#paragraf-32",
 "canonical_url": "https://lovspor.no/lov/arrestordreloven/paragraf/32/",
 "heading_id": "32",
 "language": "nn",
 "links": {
  "parent": "https://lovspor.no/lov/arrestordreloven/"
 },
 "provenance": {
  "renderer_version": 8,
  "representation_hash": "8381465da45dba018847ac2489ca29f9fc38a4e7608b521f40d48f914b68792d",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "84ae3006e659b6ed2fca97949b7448da88d981611f403041fdeaba0e59312587"
 },
 "ref_id": "lov/2012-01-20-4",
 "schema_version": "1",
 "slug": "arrestordreloven",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2012-10-16",
  "last_change_in_force": "2020-01-01",
  "note": "Current corpus state; not an applicability-at-date determination.",
  "status": "current"
 },
 "text": "### § 32. Utferding av ein nordisk-europeisk arrestordre\n\nPåtalemakta kan ferde ut ein arrestordre til ein medlemsstat i Den europeiske unionen til strafforfølging dersom det ligg føre ei avgjerd om pågriping treft av retten for ei handling som kan medføre fengsel i minst 1 år. Påtalemakta kan ferde ut ein arrestordre til straffullbyrding dersom det ligg føre rettskraftig dom på fengsel eller anna fridomstap på minst fire månader.\n\nEr det fare ved opphald, kan skriftleg pågripingsavgjerd treft av påtalemakta tre i staden for avgjerd av retten for utferding av arrestordrar som nemnde i første ledd første punktum. Påtalemakta si avgjerd skal snarast mogleg leggjast fram for retten til godkjenning.\n\nArrestordren kan omfatte også forhold som ikkje oppfyller krava i første ledd, dersom eitt av forholda oppfyller vilkåra. I så fall er det for utferding av ein arrestordre til strafforfølging tilstrekkeleg at det ligg føre pågripingsavgjerd treft av retten for eitt av forholda.\n\nArrestordren vert utforma i samsvar med [§ 5](lov/2012-01-20-4/§5) første ledd. Dersom handlinga kan straffast med fengsel i minst 3 år og kan sjåast på som handling nemnd i forskrift til [§ 7](lov/2012-01-20-4/§7) tredje ledd, skal det opplysast om dette. Det same gjeld dersom arrestordren gjeld medverknad til felles kriminell verksemd som nemnd i [§ 7](lov/2012-01-20-4/§7) andre ledd.\n\nArrestordren skal vere skriven på eller vere omsett til det språket eller eitt av dei språka som vert nytta av den iverksetjande staten, eller til eit anna språk den iverksetjande staten har godteke.\n",
 "title": "Utferding av ein nordisk-europeisk arrestordre",
 "type": "paragraf"
}