{
 "canonical_id": "nl-19991222-105",
 "canonical_url": "https://lovspor.no/lov/brukthandellova-brhll/",
 "language": "nn",
 "links": {
  "parent": null
 },
 "provenance": {
  "renderer_version": 8,
  "representation_hash": "84cea3f9a7cfda7a449490082a6cc3c80acc39b08d498f2c1638b11361fbad41",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "3402df44f2eac51d0e8111200ba67cdd0b86b1626b825b7d551dc6b147c98ae1"
 },
 "ref_id": "lov/1999-12-22-105",
 "schema_version": "1",
 "slug": "brukthandellova-brhll",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2000-01-01",
  "last_change_in_force": "2024-07-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Lov om handelsverksemd med brukte og kasserte ting (brukthandellova)\n\n## § 1. Verkeområde, formål m.v.\n\nDenne lova gjeld handelsverksemd med brukte og kasserte\n\n1. varer av edelt metall,\n2. edelsteinar og perler,\n3. kulturgjenstandar,\n4. kunstverk, samleobjekt og antikvitetar,\n5. motorvogner og tilhengjarar til motorvogner.\n\nDepartementet fastset nærare forskrifter om kva for varer og gjenstandar som skal reknast for omfatta av verkeområdet etter punkt 1 til 5.\n\nSom handelsverksemd vert rekna handel med varer i næring for eiga eller framand rekning og i eige eller i framand namn. Opptak av bestilling av varer i næring for seinare levering vert òg rekna som handelsverksemd.\n\nHandelsverksemd skal drivast i samsvar med god forretningsskikk.\n\nFormålet med lova er å førebyggje omsetning av stolne eller ulovleg mottekne gjenstandar og å lette politiets arbeid med å oppspore slike gjenstandar.\n\nKongen gir forskrift om bruken av lova på Svalbard og kan fastsetje særlege reglar med omsyn til dei stadlege tilhøva.\n\n> Endra ved lov [14. juni 2024 nr. 38](lov/2024-06-14-38) (i kraft 1 juli 2024 iflg. [res. 14 juni 2024 nr. 957](forskrift/2024-06-14-957)).\n\n## § 2. Krav om løyve frå politiet\n\nHandelsverksemd med og oppkjøp med sikte på sal av brukte og kasserte varer og gjenstandar som nemnt i [§ 1 første ledd](lov/1999-12-22-105/§1/ledd/1) krev løyve frå politiet. Ein må ha løyve alle stader der verksemda vert driven, både på innkjøpsstad og salsstad.\n\nLøyve som nemnt i første ledd kan bli nekta og kan trekkjast attende dersom måten verksemda vert driven på, eller andre forhold, gir grunn til å frykte misbruk. Slike vedtak kan klagast inn for departementet etter reglane i [forvaltningslova §§ 28-34](lov/1967-02-10/§28).\n\n> Endra ved lov [14. juni 2024 nr. 38](lov/2024-06-14-38) (i kraft 1 juli 2024 iflg. [res. 14 juni 2024 nr. 957](forskrift/2024-06-14-957)).\n\n## § 3. Unnatak frå politiløyve\n\nFøresegnene i [§ 2](lov/1999-12-22-105/§2) gjeld ikkje for auksjonsverksemd som vert driven av advokatar.\n\n> Endra med [lov 25 juni 2004 nr. 53](lov/2004-06-25-53) (ikr. 1 jan 2006 iflg. [res. 19 aug 2005 nr. 901](forskrift/2005-08-19-901)).\n\n## § 4. Forskriftsheimel\n\nDepartementet kan gi forskrifter om verksemd som nemnt i [§ 2](lov/1999-12-22-105/§2), og verksemd som nemnt i [§ 3](lov/1999-12-22-105/§3).\n\nDepartementet kan òg gi forskrifter om meldeplikt til politiet og om føring av protokoll osv., for foretak som skaffar seg brukte og kasserte ting til bruk i eiga bedrift.\n\n## § 5. Straff\n\nDen som forsettleg eller aktlaust bryt føresegner gitt i eller i medhald av denne lova, vert straffa med bøter eller under skjerpande forhold med fengsel i inntil tre månader.\n\n> Endra med [lov 19 juni 2015 nr. 65](lov/2015-06-19-65) (ikr. 1 okt 2015).\n\n## § 6. Ikraftsetjings- og overgangsreglar\n\nLova gjeld frå den tid[^1] Kongen fastset. Frå same tidspunkt vert [lov av 6. juni 1980 nr. 21](lov/1980-06-06-21) om handelsvirksomhet oppheva.\n\nLøyve frå politiet gitt med heimel i [lov av 6. juni 1980 nr. 21](lov/1980-06-06-21) om handelsvirksomhet gjeld òg etter ikraftsetjinga av lova her.\n\n1 Frå 1 jan 2000 iflg. [res. 22 des 1999 nr. 1373](forskrift/1999-12-22-1373).\n\n## § 7. Endringar i andre lover\n\nFrå den tid lova trer i kraft vert det gjort følgjande endringar i andre lover: – – –\n",
 "title": "Lov om handelsverksemd med brukte og kasserte ting (brukthandellova)",
 "type": "lov"
}