{
 "canonical_id": "nl-19970613-043#paragraf-32",
 "canonical_url": "https://lovspor.no/lov/bustadoppføringslova-buofl/paragraf/32/",
 "heading_id": "32",
 "language": "nn",
 "links": {
  "parent": "https://lovspor.no/lov/bustadoppføringslova-buofl/"
 },
 "provenance": {
  "renderer_version": 8,
  "representation_hash": "6bdfa0ca59c7ba3310437e2ec4af0798de8f61d7bcde8bb7b0fa0a6ce3ecfa5e",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "5eb88b5d7a3f3001870ee7eddf8e0bd9df15d50f1e53b3b5ba4846e49c2e1305"
 },
 "ref_id": "lov/1997-06-13-43",
 "schema_version": "1",
 "slug": "bustadoppføringslova-buofl",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1998-07-01",
  "last_change_in_force": "2021-01-01",
  "note": "Current corpus state; not an applicability-at-date determination.",
  "status": "current"
 },
 "text": "### § 32. Retting av mangel og skade\n\nForbrukaren kan krevje at entreprenøren rettar ein mangel om ikkje rettinga vil føre til kostnader eller ulemper som ikkje står i rimeleg høve til det forbrukaren oppnår. Skade som mangelen har ført til på arbeid eller eigedom som er omfatta av avtalen mellom forbrukaren og entreprenøren, skal òg rettast dersom skaden er ei nærliggjande og pårekneleg følgje av mangelen.\n\nVil forbrukaren gjere gjeldande ein mangel, har entreprenøren krav på å få rette mangelen dersom rettinga kan skje utan vesentleg ulempe for forbrukaren, og forbrukaren heller ikkje elles har særleg grunn til å setje seg imot retting.\n\nRetting skal skje innan rimeleg tid etter at forbrukaren har gjort mangelen gjeldande og har gjort det mogleg for entreprenøren å rette. Skal det vere synfaring etter [§ 16](lov/1997-06-13-43/§16), kan retting utstå til etter synfaringa dersom det ikkje er til ulempe for forbrukaren.\n\nRetting skjer for entreprenørens rekning. Entreprenøren skal bere tilkomstutgifter, utgifter til konstatering av mangelen og andre utgifter som er ei direkte og nødvendig følgje av rettinga. Entreprenøren kan likevel krevje pristillegg for arbeid og materialar som ikkje er omfatta av prisen, og som ville ha vore nødvendige jamvel om ytinga hadde vore utan mangel frå først av.\n",
 "title": "Retting av mangel og skade",
 "type": "paragraf"
}