{
 "canonical_id": "nl-19501215-004#paragraf-4",
 "canonical_url": "https://lovspor.no/lov/fiendegodsloven/paragraf/4/",
 "heading_id": "4",
 "language": "nn",
 "links": {
  "parent": "https://lovspor.no/lov/fiendegodsloven/"
 },
 "provenance": {
  "renderer_version": 8,
  "representation_hash": "3ae77b938626c30202ef3e250cd083fba26640b7aadaf6330362b79d123bf761",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "c515cb8359bbc11e5569dbcf38c278b68d0034b65b50e58317c028249853fdda"
 },
 "ref_id": "lov/1950-12-15-4",
 "schema_version": "1",
 "slug": "fiendegodsloven",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": null,
  "last_change_in_force": "2015-10-01",
  "note": "Current corpus state; not an applicability-at-date determination.",
  "status": "current"
 },
 "text": "## § 4.\n\nAlle som skuldar pengar eller andre ytingar til fienden eller som eig, sit inne med, forvarar, råder over eller har tilsyn med fiendegods, pliktar å melda dette til Direktoratet for fiendegods på den måten og innan den frist som direktoratet fastset. Det same gjeld alle som styrer eller er med i styringa av norske selskap eller andre føretak som fienden har part i. Direktoratet kan med ålmenne reglar eller serleg føresegn gjera unnatak frå meldeplikta.\n\nDirektoratet kan gjera etterrøkjingar til å få oversyn over fiendegods. Med tilføre av dette kan det krevja opplysning av offentlege og kommunale styre-makter, einskildmenn og institusjonar. Det kan og krevja å få granska registrerte rekneskapsopplysninger, rekneskapsmateriale, forretnings-, styre- og møtebøker og andre dokument og bøker. Er det turvande kan det krevja å få sjå over verde eller stader der det finst verde. Politiet skal hjelpa til med slike etterrøkjingar, når direktoratet krev det. Direktoratet kan gjeva tingretten pålegg om å registrera og om det trengst forsegla fiendegods i vedkomande domssokn. Den lovsette teiingsskyldnaden for offentlege tenestemenn, bankar, sakførarar, meklarar og andre fritek ikkje frå plikt til å gjeva melding eller opplysningar etter denne lova eller føresegner som er gjevne med heimel i den.\n\nAlle som i tenesta får opplysningar etter denne paragrafen, skal så langt det ikkje strider mot tenesteplikta, teia heilt med det som dei har fått vita. Dei må ikkje i si næringsverksemd gjera bruk av løynhaldne driftsgreier eller framgangsmåtar, som dei på denne måten har fått kjennskap til.\n\n> Endret ved [lover 17 juli 1998 nr. 56](lov/1998-07-17-56) (ikr. 1 jan 1999), [30 aug 2002 nr. 67](lov/2002-08-30-67) (ikr. 1 jan 2003 iflg. [res. 30 aug 2002 nr. 938](forskrift/2002-08-30-938)).\n",
 "title": null,
 "type": "paragraf"
}