{
 "canonical_id": "nl-20090619-044#paragraf-2",
 "canonical_url": "https://lovspor.no/lov/krisesenterlova/paragraf/2/",
 "heading_id": "2",
 "language": "nn",
 "links": {
  "parent": "https://lovspor.no/lov/krisesenterlova/"
 },
 "provenance": {
  "renderer_version": 8,
  "representation_hash": "45304feb0d6e02133895da1e16eaa8df2c98ec89777d4bd5ea1a11a00f232585",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "fa24e7baccd502c2f638bd052bc64688ea28e8c4726359123afe2fe94e5fb62f"
 },
 "ref_id": "lov/2009-06-19-44",
 "schema_version": "1",
 "slug": "krisesenterlova",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2010-01-01",
  "last_change_in_force": "2026-01-01",
  "note": "Current corpus state; not an applicability-at-date determination.",
  "status": "current"
 },
 "text": "## § 2. Krav til krisesentertilbodet\n\nKommunen skal sørgje for eit krisesentertilbod som skal kunne nyttast av personar som er utsette for vald eller truslar om vald i nære relasjonar, og som har behov for rådgjeving eller eit trygt og mellombels butilbod.\n\nTilbodet skal omfatte følgjande:\n\n1. eit krisesenter eller eit tilsvarande gratis, heilårs, heildøgns, trygt og mellombels butilbod\n2. eit gratis dagtilbod\n3. eit heilårs og heildøgns tilbod der personar nemnde i første ledd kan få råd og rettleiing per telefon\n4. oppfølging i reetableringsfasen i samarbeid med andre delar av tenesteapparatet, jf. [§ 4](lov/2009-06-19-44/§4).\n\nTilbodet skal gi brukarane støtte, rettleiing og hjelp til å ta kontakt med andre delar av tenesteapparatet.\n\nEnkeltpersonar kan vende seg direkte til krisesentertilbodet som nemnt i andre ledd, utan tilvising eller timeavtale.\n\nKommunen skal sørgje for god kvalitet på tilbodet, mellom anna ved at dei tilsette har kompetanse til å ta vare på dei særskilte behova til brukarane.\n\nButilbodet til kvinner og butilbodet til menn skal vere fysisk skilde.\n\nDepartementet kan gi forskrift om krav til kompetanse hos dei tilsette og krav til fysisk sikring av lokale.\n\n> Endra ved lov [20 juni 2025 nr. 42](lov/2025-06-20-42) (i kraft 1 jan 2026 iflg. [res. 20 juni 2025 nr. 1087](forskrift/2025-06-20-1087)).\n",
 "title": "Krav til krisesentertilbodet",
 "type": "paragraf"
}