{
 "canonical_id": "nl-19990716-068",
 "canonical_url": "https://lovspor.no/lov/lov-om-kommunalbanken-as-kombl/",
 "language": "nn",
 "links": {
  "parent": null
 },
 "provenance": {
  "renderer_version": 8,
  "representation_hash": "c95aee0d1ce6d6f3015b6c055bcf06d13815fbc82c807def52af9fb13edcd38b",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "de0a9dc2fabe0f082228415b8f5d8489bfd3076954a17fa847b25daa635672f0"
 },
 "ref_id": "lov/1999-07-16-68",
 "schema_version": "1",
 "slug": "lov-om-kommunalbanken-as-kombl",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1999-11-01",
  "last_change_in_force": "2004-03-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Lov om omdanning av Noregs Kommunalbank til aksjeselskap\n\n## § 1. Føremål\n\nFøremålet med denne lova er å regulere forholdet til aksjelovgivinga og visse overgangsspørsmål i samband med omdanning av forvaltningsbedrifta Noregs Kommunalbank til aksjeselskap.\n\n## § 2. Forholdet til aksjelovgivinga\n\nNår denne lova trer i kraft, blir Noregs Kommunalbank omdanna til aksjeselskap.\n\n## § 3. Om retten til å bruke ordet «bank» i namn (foretaksnavn)\n\nAksjeselskapet Kommunalbanken kan utan hinder av [lov 24. mai 1961 nr. 2](lov/1961-05-24-2) om forretningsbanker [§ 2](lov/1961-05-24-2/§2)[^1] bruke ordet «bank», med eller utan tillegg, i sitt namn (foretaksnavn) og ved omtale av si verksemd.\n\n> Endra med [lov 5 sep 2003 nr. 91](lov/2003-09-05-91) (ikr. 1 mars 2004 iflg. [res. 5 sep 2003 nr. 1118](forskrift/2003-09-05-1118)).\n\n1 Inkurie: Opphevet, sjå no [lov 10 apr 2015 nr. 17 § 2-19](lov/2015-04-10-17/§2-19).\n\n## § 4. Overføring av offentlege rettar m.v.\n\nVed omdanning av Noregs Kommunalbank til aksjeselskap blir eigedelar, rettar, under det offentlege løyve osv., og skyldnader overførte til aksjeselskapet.\n\nOmregistrering i grunnbok og andre offentlege register i samband med omdanninga skjer ved namneendring.\n\n## § 5. Overføring av skyldnader\n\nOverføring til aksjeselskapet av skyldnader knytt til forvaltningsbedrifta Noregs Kommunalbank har frigjerande verknad for staten.\n\nKravshavarar og andre rettshavarar kan ikkje setje seg imot overføringa eller gjere gjeldande at den er ein bortfallsgrunn for rettsforholdet.\n\n## § 6. Førerett til anna statsstilling og venteløn\n\n[Lov 4. mars 1983 nr. 3](lov/1983-03-04-3) om statens tenestemenn m.m.[^1] § 13 nr. 2 til 6 om førerett til anna statsstilling og venteløn skal framleis gjelde for tidlegare arbeidstakarar i forvaltningsbedrifta Noregs Kommunalbank som blir sagde opp av grunn som nemnd i tenestemannslova [§ 13](lov/1983-03-04-3/§13) nr. 1 bokstavene a, b og c, og som var omfatta av desse reglane før omdanninga. Føreretten til anna statsstilling og retten til venteløn etter førre punktum opphøyrer 3 år etter at lova her tek til å gjelde. Føresegna her gjer inga innskrenking i arbeidstakars rettar etter [lov 4. februar 1977 nr. 4](lov/1977-02-04-4) om arbeidarvern og arbeidsmiljø m.v.[^2] §§ 60 nr. 2 og 67.\n\n1 Inkurie: [Lova er opphevd. Sjå no lov 16 juni 2017 nr. 67](lov/2017-06-16-67).\n\n2 Inkurie: [Lova er opphevd. Sjå no lov 17 juni 2005 nr. 62](lov/2005-06-17-62).\n\n## § 7. Overgangsreglar\n\nKongen kan gi overgangsreglar.\n\n## § 8. Iverksetting\n\nLova her tek til å gjelde frå den tid Kongen fastset.[^1]\n\n1 Frå 1 nov 1999 iflg. [res. 29 okt 1999 nr. 1137](forskrift/1999-10-29-1137).\n\n## § 9. Endring av andre lover\n\nFrå den tid lova tek til å gjelde, skal desse føresegnene i andre lover endrast slik: – – –\n",
 "title": "Lov om omdanning av Noregs Kommunalbank til aksjeselskap",
 "type": "lov"
}