{
 "canonical_id": "nl-20020426-012",
 "canonical_url": "https://lovspor.no/lov/lov-om-notarius-publicus/",
 "language": "nn",
 "links": {
  "parent": null
 },
 "provenance": {
  "renderer_version": 8,
  "representation_hash": "45c6eec751141c7694ed5246de28c919cfecae0358eeadc77c4f37dd226aa2f7",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "8b6e62dc7ab514a67a013893d00ee20945e442fbc428ad5fbc13dc7dd334e1a2"
 },
 "ref_id": "lov/2002-04-26-12",
 "schema_version": "1",
 "slug": "lov-om-notarius-publicus",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2002-07-01",
  "last_change_in_force": "2023-10-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Lov om notarius publicus\n\n## § 1. Notarius publicus\n\nUtføringa av notarialforretningar høyrer under tingretten. Har eit domssokn fleire domstolar, fastset Kongen kva domstol notarialoppgåvene skal høyre under. Dommarane ved embetet er notarius publicus.\n\nFor Svalbard er sysselmeisteren notarius publicus.\n\nI utlandet er norsk utanrikstenestetilsett eller den han eller ho gjev fullmakt, notarius publicus.\n\nKongen kan ved forskrift gje andre notarialkompetanse.\n\nKongen kan gje forskrift om delegasjon av notarialkompetanse.\n\n> Endret ved lover [11 juni 2021 nr. 68](lov/2021-06-11-68) (ikr. 1 juli 2021), [16 juni 2023 nr. 34](lov/2023-06-16-34) (i kraft 1 okt 2023 iflg. [res. 16 juni 2023 nr. 944](forskrift/2023-06-16-944)).\n\n## § 2. Notarialforretningar\n\nNotarialforretningar er utføring av dei oppgåvene som er lagt til notarius publicus i lov eller forskrift, mellom anna å gje notarialstadfestingar, som stadfesting av underskrift og rett kopi.\n\nDersom notarius publicus skal ta imot forsikring, kan forsikringa bli teken imot etter reglane i [domstollova § 141](lov/1915-08-13-5/§141).\n\nKongen kan gje forskrift om den praktiske utføringa av notarialforretningar.\n\nKongen kan i forskrift gi reglar om gebyr for forretningar etter lova her. Gebyret tilkjem staten. Gebyra er tvangsgrunnlag for utlegg.\n\n> Endra med [lover 25 juni 2004 nr. 53](lov/2004-06-25-53) (ikr. 1 jan 2006 iflg. [res. 19 aug 2005 nr. 901](forskrift/2005-08-19-901)), [27 juni 2008 nr. 53](lov/2008-06-27-53) (ikr. 1 jan 2009 iflg. [res. 27 juni 2008 nr. 745](forskrift/2008-06-27-745)), [21 juni 2013 nr. 93](lov/2013-06-21-93) (ikr. 1 juli 2013), [16 juni 2017 nr. 66](lov/2017-06-16-66) (ikr. 1 jan 2018 iflg. [res. 1 sep 2017 nr. 1328](forskrift/2017-09-01-1328)).\n\n## § 3. Notarialstadfestingar\n\nNotarius publicus har til oppgåve å gje stadfestingar. Stadfesting blir gjeve for faktiske forhold notarius publicus kan stå inne for er rette. Stadfesting for anna enn faktiske forhold kan bli gjeve i særlege høve.\n\nNotarius publicus kan avvise krav om notarialstadfesting dersom notarialstadfestinga etter norsk eller utanlandsk rett ikkje har særleg beviskraft, eller notarialstadfestinga av andre grunnar ikkje er nødvendig.\n\nNotarius publicus skal avvise krav om notarialstadfesting for handlingar eller dokument som strir mot norsk lov eller sømd eller som kan bli utnytta på ein uakseptabel måte i reklame eller annan kommersiell samanheng.\n\nNotarius publicus kan avvise krav om notarialstadfesting der krava til utføring ikkje står i rimeleg høve til behovet for forretninga.\n\n## § 4. Habilitet\n\nOm habilitet for notarius publicus gjeld reglane i forvaltningslova kapittel 2.\n\n## § 5. Anke\n\nDersom ikkje anna er fastsett i eller i medhald av lov, kan avgjerd under notarialforretningar ankast til lagmannsretten. For anke gjeld reglane i tvisteloven og domstollova dersom ikkje anna følgjer av andre til sjette leddet.\n\nAnken høyrer under lagmannsretten i lagdømet der notarius publicus har sete. For avgjerd teken av norsk notarius publicus i utlandet er Borgarting lagmannsrett ankeinstans. For avgjerd teken av sysselmeisteren på Svalbard som notarius publicus, er Hålogaland lagmannsrett ankeinstans.\n\nFor den som har fått underretning om avgjerda, er fristen for å anke avgjerda ein månad frå den dag vedkomande mottok meldinga. For andre er fristen ein månad frå den dag då vedkomande har fått eller burde ha skaffa seg kjennskap til avgjerda, likevel ikkje ut over tre månader frå tidspunktet avgjerda blei teken.\n\nEr fristen for anke gått ut, gjeld [forvaltningslova § 31](lov/1967-02-10/§31) tilsvarande.\n\nNotarius publicus skal leggje saka til rette for ankeinstansen og gjere greie for saka på forsvarleg måte.\n\nOm dekning av sakskostnader frå det offentlege gjeld [forvaltningslova § 36](lov/1967-02-10/§36) første leddet og tredje leddet første og andre punktumet tilsvarande.\n\n> Endra med [lover 17 juni 2005 nr. 90](lov/2005-06-17-90) som endra med [lov 26 jan 2007 nr. 3](lov/2007-01-26-3) (ikr. 1 jan 2008 iflg. [res. 26 jan 2007 nr. 88](forskrift/2007-01-26-88)), [11 juni 2021 nr. 68](lov/2021-06-11-68) (ikr. 1 juli 2021).\n\n## § 6. Ikraftsetjings- og overgangsføresegner\n\nLova gjeld frå den tid Kongen fastset.[^1]\n\nFrå same tid blir [lov av 14. august 1918 nr. 4](lov/1918-08-14-4) om rettergangsordningens ikrafttræden [§§ 6-8](lov/1918-08-14-4/§6) oppheva.\n\nTildelingar av notarialkompetanse i medhald av lov om rettergangsordningens ikrafttræden [§ 6](lov/2002-04-26-12/§6) første leddet gjeld inntil dei blir oppheva.\n\n1 Frå 1 juli 2002 iflg. [res. 26 apr 2002 nr. 399](forskrift/2002-04-26-399).\n",
 "title": "Lov om notarius publicus",
 "type": "lov"
}