{
 "canonical_id": "nl-19940616-020",
 "canonical_url": "https://lovspor.no/lov/lov-om-tekniske-kontrollorgan/",
 "language": "nn",
 "links": {
  "parent": null
 },
 "provenance": {
  "renderer_version": 8,
  "representation_hash": "40ad7d61f126425d5c1e6397410afe48a6a4c880e0da9067b5d2293927656e6c",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "6fbc66c2905a83b7e3ef0c21c42af667dac3520d6ff66c877b64d03509c9ac9f"
 },
 "ref_id": "lov/1994-06-16-20",
 "schema_version": "1",
 "slug": "lov-om-tekniske-kontrollorgan",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1994-06-16",
  "last_change_in_force": "1997-05-02",
  "note": "Current corpus state; not an applicability-at-date determination.",
  "status": "current"
 },
 "text": "\n# Lov om tekniske kontrollorgan som har til oppgåve å gjennomføre samsvarsvurderingar\n\n## § 1.\n\nDenne lova gjeld utpeiking av og verksemda til tekniske kontrollorgan som driv samsvarsvurderingar etter reglar som er gitt til gjennomføring av EØS-avtalen, og reglar gitt av land Noreg har inngått avtale med om gjensidig godkjenning av samsvarsvurderingar.\n\nMed samsvarsvurdering meiner ein avgjerd av om eit produkt oppfyller dei tekniske krava o.a. som er stilt i regelverket som nemnt i fyrste leddet.\n\nMed tekniske kontrollorgan meiner ein føretak, offentlege organ o.a. som gjennom utpeiking som nemnt i [§ 2](lov/1994-06-16-20/§2) har rett til å drive samsvarsvurdering av produkt som andre har utvikla.\n\n> Endra med [lov 2 mai 1997 nr. 25](lov/1997-05-02-25).\n\n## § 2.\n\nDepartementet kan etter søknad peike ut eit organ som teknisk kontrollorgan dersom organet kan dokumentere at det oppfyller dei krava som er stilt på det aktuelle området i regelverket som nemnt i [§ 1](lov/1994-06-16-20/§1).\n\nDepartementet kan setje vilkår for utpeikinga.\n\n## § 3.\n\nDepartementet kan påleggje tekniske kontrollorgan å utarbeide rapportar om arbeidet sitt til departementet, og få fram annan dokumentasjon som departementet finn naudsynt for å kontrollere verksemda.\n\n## § 4.\n\nDersom eit teknisk kontrollorgan ikkje lenger oppfyller krava som er nemnde i [§ 2](lov/1994-06-16-20/§2), eller på annan måte opptrer i strid med regelverket, kan departementet gje pålegg om retting innan ein nærmare fastsett frist eller trekkje tilbake utpeikinga.\n\n## § 5.\n\n[Forvaltningslova kapittel II](lov/1967-02-10/kapii) til VI gjeld for samsvarsvurderingar som tekniske kontrollorgan gjer. Organa kan likevel ta vanleg betaling for samsvarsvurderingane.\n\n## § 6.\n\nEi samsvarsvurdering som er gitt av eit teknisk kontrollorgan som er peika ut av ein annan EØS-stat, eller som er utpeika i samsvar med ein avtale om gjensidig godkjenning av samsvarsvurderingar, har same rettsverknad som ei samsvarsvurdering frå eit teknisk kontrollorgan her i landet.\n\n> Endra med [lov 2 mai 1997 nr. 25](lov/1997-05-02-25).\n\n## § 7.\n\nDepartementet kan ved forskrift gi nærmare reglar til gjennomføring og utfylling av denne lova.\n\n## § 8.\n\nKongen fastset kva tid lova skal ta til å gjelda.[^1]\n\n1 Frå 16 juni 1994 iflg. [res. 16 juni 1994 nr. 481](forskrift/1994-06-16-481).\n",
 "title": "Lov om tekniske kontrollorgan som har til oppgåve å gjennomføre samsvarsvurderingar",
 "type": "lov"
}