{
 "canonical_id": "nl-19740628-058#paragraf-74",
 "canonical_url": "https://lovspor.no/lov/odelslova-odl/paragraf/74/",
 "heading_id": "74",
 "language": "nn",
 "links": {
  "parent": "https://lovspor.no/lov/odelslova-odl/"
 },
 "provenance": {
  "renderer_version": 8,
  "representation_hash": "79d6c8446d436a9613866bad72d22a7b121404955f159fc03efba7b57c482dfb",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "81af2c7ba55484db7c06fc3ae5beba853886fe286482167698cebefca4ac07d4"
 },
 "ref_id": "lov/1974-06-28-58",
 "schema_version": "1",
 "slug": "odelslova-odl",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1975-01-01",
  "last_change_in_force": "2025-01-01",
  "note": "Current corpus state; not an applicability-at-date determination.",
  "status": "current"
 },
 "text": "### § 74. Når saksøkjaren døyr eller misser rettsleg handleevne før løysingssaka er sluttført\n\nDøyr saksøkjaren før løysingssaka er sluttførd, har dei andre odelsrettshavarane rett til å gå inn i saka i staden hans. Same retten har også dei av livsarvingane til den avlidne som ikkje sjølv ville ha kunne reist løysingssak. At tidsfristen for nokon av dei andre odelsrettshavarane til å reise sjølvstendig løysingssak er ute, hindrar dei ikkje frå å gjere bruk av retten etter denne paragrafen, men i så fall står dei tilbake for alle livsarvingane til den avlidne.\n\nFøresegna i første stykket gjeld tilsvarande dersom saksøkjaren misser si rettslege handleevne før løysingssaka er sluttførd, og statsforvaltaren fråfell saka på hans vegner.\n\nNår nokon har rett som nemnt i første eller andre stykket, skal løysingssaka stoggast inntil vidare. Retten skal så vidt råd er varsle rettshavarane. Seinast 6 veker etter at varsel er mottatt, må ein odelsrettshavar som vil gå inn i saka gi melding om dette til retten. For den som ikkje har fått slikt varsel som nemnt, er fristen eitt år rekna frå dødsfallet. Retten skal la meldinga forkynne for saksøkte, og saka går så vidare. Dersom ingen har meldt seg når fristen går ut, skal løysingssaka hevast. Mot oversitjing av fristen etter dette stykket kan det ikkje gjevast oppfrisking.\n\n> Føyd til med [lov 19 des 1975 nr. 70](lov/1975-12-19-70), endra med [lover 17 juni 2005 nr. 90](lov/2005-06-17-90) (ikr. 1 jan 2008 iflg. [res. 26 jan 2007 nr. 88](forskrift/2007-01-26-88)) som endra med [lov 26 jan 2007 nr. 3](lov/2007-01-26-3), [19 juni 2009 nr. 98](lov/2009-06-19-98) (ikr. 1 juli 2009 iflg. [res. 26 juni 2009 nr. 848](forskrift/2009-06-26-848)), [26 mars 2010 nr. 9](lov/2010-03-26-9) (ikr. 1 juli 2013 iflg. [res. 5 apr 2013 nr. 338](forskrift/2013-04-05-338)) som endra med [lov 5 apr 2013 nr. 12](lov/2013-04-05-12), [7 mai 2021 nr. 34](lov/2021-05-07-34) (ikr. 1 juni 2021 iflg. [res. 7 mai 2021 nr. 1416](forskrift/2021-05-07-1416)).\n",
 "title": "Når saksøkjaren døyr eller misser rettsleg handleevne før løysingssaka er sluttført",
 "type": "paragraf"
}