{
 "canonical_id": "nl-20230609-030#paragraf-12-6",
 "canonical_url": "https://lovspor.no/lov/opplæringslova/paragraf/12-6/",
 "heading_id": "12-6",
 "language": "nn",
 "links": {
  "parent": "https://lovspor.no/lov/opplæringslova/"
 },
 "provenance": {
  "renderer_version": 8,
  "representation_hash": "4a0bbc75518fccb63fae11158ed1ff7c31592654fb22f24b599bc5961b1a14c0",
  "retrieved_at": "2026-08-01T06:26:11.637345+00:00",
  "source_revision": "7f9bac54deb14d99008c85af472729cf60286075",
  "xml_hash": "7d2e7c292791e9552920bc6809290ce922f527423fef8c37379cfdf22df362ed"
 },
 "ref_id": "lov/2023-06-09-30",
 "schema_version": "1",
 "slug": "opplæringslova",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2024-08-01",
  "last_change_in_force": "2026-08-01",
  "note": "Current corpus state; not an applicability-at-date determination.",
  "status": "current"
 },
 "text": "### § 12-6. Statsforvaltaren si handheving av plikta til å sikre eit trygt og godt psykososialt skolemiljø i enkeltsaker\n\nDersom ein elev ikkje har eit trygt og godt skolemiljø, kan eleven eller foreldra melde saka til statsforvaltaren etter at saka er tatt opp med rektor.\n\nStatsforvaltaren skal avgjere om plikta til å rette opp situasjonen med eigna tiltak etter [§ 12-4](lov/2023-06-09-30/§12-4) andre ledd og plikta til å lage ein skriftleg plan etter [§ 12-4](lov/2023-06-09-30/§12-4) tredje ledd er oppfylt. Dersom saka ikkje er tatt opp med rektor, det er under ei veke sidan ho vart tatt opp eller eleven ikkje lenger går på den aktuelle skolen, skal statsforvaltaren avvise saka, om det ikkje er særlege grunnar til å behandle ho.\n\nKommunen og fylkeskommunen skal utan hinder av lovfesta teieplikt leggje fram alle opplysningar som statsforvaltaren meiner må til for å greie ut saka.\n\nKjem statsforvaltaren til at skolen ikkje har oppfylt plikta til setje inn eigna tiltak etter [§ 12-4](lov/2023-06-09-30/§12-4) andre ledd eller plikta til å lage ein skriftleg plan etter [§ 12-4](lov/2023-06-09-30/§12-4) tredje ledd, kan statsforvaltaren påleggje kommunen eller fylkeskommunen å rette forholdet. Dersom saka elles vil bli unødig forseinka, eller dersom det er grunn til å tru at kommunen eller fylkeskommunen ikkje kjem til å rette forholdet, kan statsforvaltaren vedta kva skolen skal gjere for at eleven skal få eit trygt og godt skolemiljø. Statsforvaltaren kan vedta reaksjonar etter skolereglane, jf. [§ 10-7](lov/2023-06-09-30/§10-7), eller vedta at ein elev skal byte skole, jf. [§ 13-2](lov/2023-06-09-30/§13-2).\n\nAvgjerda til statsforvaltaren er eit enkeltvedtak. Statsforvaltaren skal setje ein frist for gjennomføringa av vedtaket og følgje opp saka.\n",
 "title": "Statsforvaltaren si handheving av plikta til å sikre eit trygt og godt psykososialt skolemiljø i enkeltsaker",
 "type": "paragraf"
}