{
 "canonical_id": "nl-20230609-030#paragraf-5-1",
 "canonical_url": "https://lovspor.no/lov/opplæringslova/paragraf/5-1/",
 "heading_id": "5-1",
 "language": "nn",
 "links": {
  "parent": "https://lovspor.no/lov/opplæringslova/"
 },
 "provenance": {
  "renderer_version": 8,
  "representation_hash": "4b8fa338bf14b5302f8023765f222903b1b385034d7fe26d0e8db67cfb1a4b0e",
  "retrieved_at": "2026-08-01T06:26:11.637345+00:00",
  "source_revision": "7f9bac54deb14d99008c85af472729cf60286075",
  "xml_hash": "7d2e7c292791e9552920bc6809290ce922f527423fef8c37379cfdf22df362ed"
 },
 "ref_id": "lov/2023-06-09-30",
 "schema_version": "1",
 "slug": "opplæringslova",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2024-08-01",
  "last_change_in_force": "2026-08-01",
  "note": "Current corpus state; not an applicability-at-date determination.",
  "status": "current"
 },
 "text": "### § 5-1. Rett til vidaregåande opplæring\n\nDei som har fullført grunnskolen eller tilsvarande opplæring, har rett til vidaregåande opplæring etter dette kapittelet. Det gjeld også dei som har fullført vidaregåande opplæring i eit anna land, men ikkje får godkjent opplæringa som studiekompetanse eller yrkeskompetanse i Noreg. Retten gjeld berre for dei som truleg skal vere i Noreg i meir enn tre månader i samanheng.\n\nRetten til vidaregåande opplæring etter dette kapittelet varer fram til ein har oppnådd studiekompetanse eller yrkeskompetanse, men ikkje lenger enn ut det skoleåret som tar til det året ein fyller 24 år. Dei som då ikkje har oppnådd studiekompetanse eller yrkeskompetanse, har rett til vidaregåande opplæring for vaksne etter [§ 18-3](lov/2023-06-09-30/§18-3).\n\nDei som har rett til vidaregåande opplæring etter første ledd, kan velje vidaregåande opplæring for vaksne etter [§ 18-3](lov/2023-06-09-30/§18-3) frå det skoleåret som tar til det året dei fyller 19 år.\n\nDei som har rett til vidaregåande opplæring etter første ledd første punktum, kan fram til det året dei fyller 19 år etter søknad i staden få vidaregåande opplæring etter [§ 18-3](lov/2023-06-09-30/§18-3) dersom det er særlege grunnar for det. Dei som har rett til vidaregåande opplæring etter første ledd andre punktum, har etter søknad rett til å få vidaregåande opplæring etter [§ 18-3](lov/2023-06-09-30/§18-3).\n\nRetten til vidaregåande opplæring gjeld ikkje opplæring i fag som allereie er bestått, med mindre anna går fram av forskrift gitt etter siste ledd.\n\nDei som har rett til vidaregåande opplæring, skal komme inn på eitt av tre utdanningsprogram på vidaregåande trinn 1 som dei har søkt på. Dei skal deretter komme inn på vidaregåande trinn 2 og vidaregåande trinn 3, dersom dei oppfyller vilkåra for inntak. Både trinn 2 og trinn 3 skal byggje på det førre trinnet.\n\nDepartementet kan gi forskrift om kven som har rett til vidaregåande opplæring, og om inntaket til vidaregåande opplæring.\n",
 "title": "Rett til vidaregåande opplæring",
 "type": "paragraf"
}