{
 "canonical_id": "nl-20030704-084#paragraf-7-2b",
 "canonical_url": "https://lovspor.no/lov/privatskolelova-prskol/paragraf/7-2b/",
 "heading_id": "7-2 b",
 "language": "nn",
 "links": {
  "parent": "https://lovspor.no/lov/privatskolelova-prskol/"
 },
 "provenance": {
  "renderer_version": 8,
  "representation_hash": "c1d5e9d8bca6919967edbb8e2e38caf68bd72864fe7fee1824f5120f94d8cb21",
  "retrieved_at": "2026-08-01T06:26:11.637345+00:00",
  "source_revision": "9ce2df5aa30a2ad8c36b11fc02e1be197df2d010",
  "xml_hash": "40e4780ff1cf696b9568cdfa8ddbea4c86cdafcae1ef93e33cc0acb9c5611fee"
 },
 "ref_id": "lov/2003-07-04-84",
 "schema_version": "1",
 "slug": "privatskolelova-prskol",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2003-10-01",
  "last_change_in_force": "2026-08-01",
  "note": "Current corpus state; not an applicability-at-date determination.",
  "status": "current"
 },
 "text": "### § 7-2 b. Karantene\n\nDersom det ved ein skole blir oppdaga særleg alvorlege forhold i strid med denne lova, i strid med forskrifter gitt med heimel i lova, eller i strid med føresetnadene for godkjenninga, og brota klart svekker tilliten til at skolen eller den ansvarlege personen er eigna til å drive skole i samsvar med regelverket, kan departementet påleggje karantene retta mot skolen eller personen.\n\nKarantene kan berre påleggjast personar som har opptredd forsettleg eller aktlaust. Karantene kan berre påleggjast personar i sentrale stillingar ved skolen. Med sentrale stillingar er meint medlem og varamedlem i styret, eigar, rektor, skoleleiar, dagleg leiar og andre leiande posisjonar ved skolen.\n\nAt ein skole er pålagt karantene inneber at den juridiske eininga som skolen er registrert som, ikkje kan søkje ny godkjenning eller driftsendringar i karanteneperioden. Personar som er pålagt karantene, kan i karanteneperioden ikkje tiltre sentrale stillingar ved godkjende skolar eller skolar som søker godkjenning.\n\nKarantene gjeld som hovudregel i to år frå vedtaket blir treft. Dersom det ligg føre særlege forhold, kan det bli pålagt karantene for kortare eller lengre tidsrom, men ikkje lengre enn fire år.\n\n> Tilføyd ved lov [19 juni 2015 nr. 75](lov/2015-06-19-75) (ikr. 1 aug 2015 iflg. [res. 19 juni 2015 nr. 701](forskrift/2015-06-19-701)).\n",
 "title": "Karantene",
 "type": "paragraf"
}