{
 "canonical_id": "nl-19481213-005",
 "canonical_url": "https://lovspor.no/lov/riksteaterlova/",
 "language": "nn",
 "links": {
  "parent": null
 },
 "provenance": {
  "renderer_version": 8,
  "representation_hash": "8559e6f25f74ca7071d74c1e3c3f0350bb3b3c4562f4d588649d6a4f775c5974",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "daaf178ed946a8c78c7952b331e1d1cfe26d7eeb6bf32939ae4116400aa9e9b9"
 },
 "ref_id": "lov/1948-12-13-5",
 "schema_version": "1",
 "slug": "riksteaterlova",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "1949-04-01",
  "last_change_in_force": "2003-07-01",
  "note": "Current corpus state; not an applicability-at-date determination.",
  "status": "current"
 },
 "text": "\n# Lov om Riksteatret [riksteaterlova]\n\n## § 1.\n\nRiksteatret har til føremål å fremja arbeidet med å føra dramatisk kunst ut til folket i bygd og by og på andre tenlege måtar å auka kjennskapen til god dramatisk kunst.\n\nDenne oppgåva skal Riksteatret løysa ved:\n\n1. å greida med den praktiske tilskipinga av spelferder som Riksteatret ynskjer å senda ut og som går ut frå og blir drivne av dei statsstødde teatra i landet i samsvar med dei plikter som desse teatra har for å få statsstønad,\n2. å stø godtekne spelferder som går ut frå andre faste teater enn dei som er nemnde under bokstav a eller som med eller utan tilskunning frå Riksteatret kjem i stand etter opptak frå einskildpersonar, institusjonar eller grupper av skodespelarar, og som desse sjølve har det økonomiske ansvaret for,\n3. å skipa til spelferder med skodespelarar som er tinga til dette beinveges av Riksteatret for den einskilde spelferda eller for ein heil spelbolk,\n4. å få i stand lokale teaterlag til framhjelp for Riksteatret og det føremålet det har,\n5. å fremja arbeidet med å reisa tidhøvelege teaterbygnader,\n6. å fremja eller stø andre tiltak som er tenlege for føremålet.\n\n> Endra med [lov 20 juni 2003 nr. 45](lov/2003-06-20-45) (ikr. 1 juli 2003 iflg. [res. 20 juni 2003 nr. 712](forskrift/2003-06-20-712)).\n\n## § 2.\n\nUtgiftene til verksemda åt Riksteatret skal dekkjast med:\n\n1. inntekter verksemda kastar av seg,\n2. dei tilskot kommunane og andre gjev,\n3. tilskot frå staten etter nærare vedtak av Stortinget.\n\n## § 3.\n\nRiksteatret skal ha eit styre på 7 medlemer med varamenn, oppnemnde av Kongen for 4 år. 2 av medlemene med varamenn blir oppnemnde etter framlegg frå dei tilsette ved teatret. Kongen fastset òg kven som skal vera formann og varaformann.\n\nKongen fastset arbeidsområdet og gjev instruks for styret.\n\n> Endra med lov 8 feb 1974 nr. 2.\n\n## § 4.\n\nKongen tilset ein Riksteatersjef for 5 år. Riksteatersjefen står for den daglege verksemda i samsvar med dei vedtak styret gjer og med instruks, gjeven av Kongen.\n\n## § 5.\n\nDenne lova blir sett i verk frå den dagen[^1] Kongen fastset.\n\n1 Frå 1 april 1949 iflg. res. 18 mars 1949.\n",
 "title": "Lov om Riksteatret [riksteaterlova]",
 "type": "lov"
}