{
 "canonical_id": "nl-20180420-007#paragraf-12",
 "canonical_url": "https://lovspor.no/lov/våpenlova/paragraf/12/",
 "heading_id": "12",
 "language": "nn",
 "links": {
  "parent": "https://lovspor.no/lov/våpenlova/"
 },
 "provenance": {
  "renderer_version": 8,
  "representation_hash": "8b0692d28d0b6691795a757933cf687ea46972d498107afac75ea6a6ec1c1b1d",
  "retrieved_at": "2026-07-30T18:17:57.344275+00:00",
  "source_revision": "a2fba06569b8c38bc6677ec5fa6470367167dad0",
  "xml_hash": "6c942c4ffa5b3accf024f4836eb35cfe3602f3889dcc943dd93d22aa9ed3751c"
 },
 "ref_id": "lov/2018-04-20-7",
 "schema_version": "1",
 "slug": "våpenlova",
 "source": {
  "dataset": "gjeldende-lover",
  "license": "NLOD 2.0",
  "license_url": "https://data.norge.no/nlod/no/2.0",
  "provider": "Lovdata",
  "statement": "Inneholder data under Norsk lisens for offentlige data (NLOD 2.0), tilgjengeliggjort av Lovdata. Informasjonen er transformert og strukturert av Lovspor og gjengis ikke i sin opprinnelige form."
 },
 "temporal": {
  "date_in_force": "2021-06-01",
  "last_change_in_force": "2026-07-01",
  "note": "Current corpus state; not an applicability-at-date determination.",
  "status": "current"
 },
 "text": "### § 12. Erverv av skytevåpen, våpendelar og ammunisjon til sportsskyting\n\nPersonar som er medlemmer i godkjent skyttarorganisasjon, og som oppfyller krava til aktivitet og opplæring som er gjevne i medhald av fjerde ledd nr. 1, kan få løyve til å erverve og ha løyvepliktige skytevåpen, våpendelar og ammunisjon etter [§§ 5](lov/2018-04-20-7/§5), [6](lov/2018-04-20-7/§6) og [7](lov/2018-04-20-7/§7) til sportsskyting. Løyvet gjeld berre for skytevåpen og våpendelar som kan brukast i skyttarorganisasjonen sine godkjente skyteprogram, og i det talet som vert fastsett i medhald av fjerde ledd nr. 2.\n\nPolitiet kan gje løyve etter første ledd til å erverve og ha rifler eller hagler med enkeltskot eller manuell omlading, halvautomatiske hagler, pistolar og revolverar som er tillatne i eller i medhald av [§ 5](lov/2018-04-20-7/§5) andre og tredje ledd. Politiet kan også gje løyve til erverv av halvautomatiske rifler som oppfyller krava til konstruksjon og utforming som er fastsette i medhald av fjerde ledd nr. 4.\n\nEit løyve etter andre ledd kan på vilkår som er fastsette i medhald av fjerde ledd nr. 1, også omfatte halvautomatiske rifler som nemnt i [§ 5](lov/2018-04-20-7/§5) andre ledd nr. 3 og nærare bestemte våpendelar som er forbodne i medhald av [§ 6](lov/2018-04-20-7/§6) tredje ledd.\n\nKongen gjev forskrift om:\n\n1. krav til aktivitet og opplæring for erverv av løyvepliktige skytevåpen, våpendelar og ammunisjon etter [§§ 5](lov/2018-04-20-7/§5), [6](lov/2018-04-20-7/§6) og [7](lov/2018-04-20-7/§7), medrekna særskilde krav for erverv av skytevåpen og våpendelar etter tredje ledd,\n2. talet på løyvepliktige skytevåpen som kan ervervast til sportsskyting,\n3. kva våpendelar som kan ervervast i medhald av tredje ledd,\n4. godkjenning av halvautomatiske rifler til sportsskyting, medrekna godkjenning av halvautomatiske rifler som nemnt i [§ 5](lov/2018-04-20-7/§5) andre ledd nr. 3.\n",
 "title": "Erverv av skytevåpen, våpendelar og ammunisjon til sportsskyting",
 "type": "paragraf"
}