§ 2. Kven som kan gjere oreigningsinngrep etter oreigningslova § 2

Kongen gjev mynde til å gjere eigedomsinngrep etter

1. oreigningslova § 2 første ledd nr. 5 til Norsk rikskringkasting AS
2. oreigningslova § 2 første ledd nr. 10 til eigaren og operatøren av ei hamn
3. oreigningslova § 2 første ledd nr. 17 til den som har eller får godkjenning til å drive jernbane, sporveg, kabelbane eller hengjebane som inngrepet er til fordel for
4. oreigningslova § 2 første ledd oreigningslova § 2 første ledd nr. 18 til den som har eller får løyve til ei bilrute som inngrepet er til fordel for
5. oreigningslova § 2 første ledd nr. 24 til den som har apotekkonsesjon etter apotekloven
6. oreigningslova § 2 første ledd nr. 25 til helseføretaka, men ikkje til helseføretak som er eigd av helseføretak
7. oreigningslova § 2 første ledd nr. 27 til fylkesfiskarlag og til jordbruks-, skogbruks- og handelssamvirkelag
8. oreigningslova § 2 første ledd nr. 31 til bustadbyggjelag, burettslag, aksjeselskap ein eller fleire kommunar til saman eig meir enn 50 prosent av aksjekapitalen i og som skal fremje bustadbygging, og til andre når det gjeld å stifte, endre, overføre eller avløyse servituttar eller til å erverve eigedomsrett eller bruksrett til grunn når ein huseigar ikkje eig grunnen huset står på
9. oreigningslova § 2 første ledd nr. 35 til bustadbyggjelag og burettslag
10. oreigningslova § 2 første ledd nr. 40 til skyttarlag tilslutta Det frivillige Skyttervesen
11. oreigningslova § 2 første ledd nr. 11, 19, 20, 21, 28, 29, 30, 32, 33, 42, 45, 47, 48, 50, 51, 52, 53 og 54 til kvar og ein.