§ 10-1. Lovbrotsgebyr

Departementet kan ileggje skolar godkjende etter privatskolelova lovbrotsgebyr dersom skolen eller nokon som opptrer på vegner av skolen, forsettleg eller aktlaust bryt føresegner i:

• kapittel 3 om oppstart
• §§ 4-6 og 4-7 om rapportering av elevtal for grunnskolane og vidaregåande skolar
• kapittel 5 om skolepengar
• kapittel 6 om bruk av statstilskot m.m.
• kapittel 8 om rekneskap, revisjon og dokumentasjon, med unntak av § 8-4 om særskilde fråsegner frå revisor
• kapittel 9 om krav ved nedlegging av skoledrifta.

Ved vurderinga av ilegging og utmåling av lovbrotsgebyr kan det også leggjast vekt på om det er oppdaga forhold i strid med andre lover og forskrifter, dersom forholdet svekkjer tilliten til skolen.

Lovbrotsgebyret skal ikkje vere høgare enn tre gonger grunnbeløpet i folketrygda (3 G).

Tilføyd ved forskrift 18 mai 2026 nr. 831.